للكاتبه: ود الباشا
غض عيونك وشردني خل ارتاح
وانا عيوني عنك راح الهيها
واحلف لي شبه حتى اقتنع غلطان
كفارة اليحلف تالي ينطيها.
سفانه: شغل السياره ومشئ
هوه ساكت واني بعد ماحجيت شي لان صدك متاذيه من كلام بابا ومابيه احجي حجي زايد
طه: ليش مااجيتي وحجيتيلي ابوج هيج سوه وياج ليش مخابره فراس
سفانه: بقيت ساكته شحجي
دار وجه عليه
طه: داحجيي وياج جاوبيني
سفانه: ماعندي شي احجي كل العندي كلته العمو
طه: وعمج خااابرني الي افتهم الموضوع منج شصاير
سفانه: دنكت راسي العب بضافيري
طه: استغفر الله احجي لا تاذيني تره تعبان
سفانه: كعدت حجيتله كلشي صار حتى كلام امه من رجعت من الدوام
محجه شي طلع جكاره ورثها
بقى ساكت محجه شي
صدك انت مو اخويه؟
مجاوبني بقى ساكت بس اني داخلي يغلي اريد اعرف
طه: اني مو ابنهم
سفانه: يعني مو اخويه
طه: داكلج مو ابنهم دكليلي مو اخويه
سفانه: لعد شنو؟
طه: شنو هوه الشنو
سفانه: شتصير منهم وليش دتساعدني
طه: صح مو ابنهم بس من صغري همه الربوني
واغلب الناس متعرف بهل شي
سفانه: نزلت دمعتي مسحتها بحركه سريعه
كررت عليه السوال شتصير منهم
طه: علياء تصير اختي
سفان: ضيگت عيوني منو علياء:
طه: ام الاكبر مرت ابوج
سفانه: معرفت اسمها لان محد يصيحها بي انت اخوها
هز راسه اي
بقيت مصدومه ويمكن انتبهه عليه
طه: منين سمعتي ؟
سفانه: رفعت راسي باوعتله امك كلتلي ابتعدي منه
سحب نفس من الجكاره
طه: معليج بكلامها اني حالي حال اكبر
وهيه من حرصها عليج هيج حجت
سفانه: هزيت راسي واكتفيت بلسكوت
طه: يعني الافتهمه هل موضوع مضوجج ؟
سفانه: هزيت راسي لا
طه: احجي ليش تخليني اجر الكلمه جر منج
سفانه: بابا
يريد يزوجني وكال بعد ماكو روحه للدوام
مسح وجه بجف ايده مبين متوتر
طه: اي واكيد انتي ماسكتي وبديتي اتجفصين وضربج
سفانه: باوعت عليه بستغراب شلون عرف وهزيت راسي اي
طه: استغفرالله
أنت تقرأ
شهگة روح
General Fictionصراع دامي مابين قلبي وعقلي وصراع اخر مابيني وبين ابي وكنت أشجع نفسي أن أعيش كل يوم على أمل ان تأتي لي أمي في الصباح التالي ما احلل احد ياخذ قصصي بدون ذكر اسمي ( ذمه)
