شهگة روح

النهايه

للكاتبه: ود الباشا

شسوي بناس ماعدهم
ضوه عيونك شسوي
بديره بيها الوان وماتگدر
تجيب انسان من لونك
وانا احب صوت والعصافير
ونبرتك الله شمخليلك وهيج
محبتك مااي زمزم بيك ميزه
من إله گاطع بحوور شكثر
بس انت ردتك تسووه كل
ذيج السوالف يا نظرتك

سفانه: يعني ليش تتغنج وتتنعوص ورايحه لهلها برئيج

شهد: قصدج حامل

سفانه: هزيت راسي اي

شهد: ههههههههه

سفانه: وجع شبييج

شهد: تره طه ممعبرها وهيه يوميه لازمه عمه تبجي يمها وتشكيلها دكللها حتئ ممعبرني

سفانه: سكتت محجيت

شهد: الغيره يمه الغيره
مبينه من عيوونج

سفانه: لا مو غيره ضربتني بجتفي

شهد: مشيها علئ غيري لا تنسين اني صديقتج وحافظتج حفظ ان شالله تخلصين منها وترتاحين
وصدكيني تره طه ابد ممهتملها ولا منطيها وجه

سفانه: ليش هوه مو دائما يجي اهنا

شهد: اي يجي بس كله كاعد يم عمتي وهيه تحير شسوي وهوه ولا يمه

سفانه: بقيت سااكته ماحجيت شي احب طه يكووون بس الي وحدددي بس احسها انانيه مني بداخلي تناقض بهل موظوع نفسي مفاهمه نفسي شنو الاريده رفعت راسي باوعتله بعده كاعد يحجي ويا عمو بخصوووص صبا كرهتها وكرهت نفسي من وراها ووره مشاكلها المتخلص
صاحني باوع بعيوني وطبگ حواجبه

طه: شبيج مدلغمه

سفانه: ماكو شي صحتني

طه: اي نبقئ اليوم اهنا متسوه نرجع بعد

سفانه: مارتحيتله حسيت اكو شي وراء او يريد يسوي شي لصبا بكيفك بس طه حباب اذا اكو شي براسك كلي من هسه ارتجئ علئ الباب

طه: شي مثل شنو يا حلوه

سفانه: مادري اخاف ابالك تسوي شي لصبا او لبنين

طه: لو اريد اسويلهن شي لهل برابيك جان سويت مخايف من احد بس فراس مامقصر وياها

سفانه: يعني لو عمو ممسوي بييها هيج جان انت سويت لزم ايدي طلعنه للحديقه كعدنه خله ايده وره ضهري وقربني عليه

طه: ليش السوته سهل اني متحلف بيها من سوايتها ويا رجلها بس صبرت نفسي وكلت بلكت تاخذها عبررره وتعقل بس شو كلما دتكبر كلما ديطيح حضها اكثر

سفانه: يمكن عدها اسبابها ضروفها باوعلي بنص عين خله الجكاره بحلكه

طه: شنوو هلضروووف التجبرها هيج تسووي وبعدين تعاي انتي ليش دتبرريلها

سفانه: مو سالفه ابررلها قاطعني

طه: سفااانه رب العالمين منطينه عقل نفكر بي ونعرف الصح من الغلط لييش حتئ نمشي بطريق الغلط عمتج حقدها وكرهااا للداير مدايرها منها صااارت متشوف احد ولا يهمها احد