للكاتبه: ود الباشا
اوحشت دنيانه وصفت چنها ابد مو النه
متبدل بطبعه الــوكت لو احنا التبدلنـــه
سفانه سمعت غصون تحجي ويا امها انصدمت
غصون: يمه داكلج العمل انگلب عليه تعاي شوووفي شلون حاضنها بنص الحديقه
روحيلها وخليها تعيده اريده يطلگها اليوووم قبل بااجر
سفانه: حطيت ايدي علئ حلگي
غصون: يمه عمل تفرقه مووت اصخام بعينها ميهمني التسوي سوي المهم يصفى الي وحدي اريده يصير مثل المرحوم يعبدني عباده
سفانه: انصدمت بيها توقعتها فقيره اول مره اخاف احس راسي افتر يعني مسويتله عمل جريت نفس درت وجهي داريد اروح لغرفتي وصارت بوجهي الحجيه
ام ايهاب: تعاي وياي بنيتي
سفانه: رحت وراها لغرفتها بس صافنه بالي مو يمها
ام ايهاب: شبيج وليش واكفه يم غرفه غصون شصاير
سفانه: اني مجان قصدي اوكف يم غرفتها بس
ام ايهاب: سفانه تره قلقتيني احجي
سفانه: حجيتلها كلشي سمعته وحجيتلها حالة ايهاب بهل كم يوم
ام ايهاب: استغفر الله لا حول ولا قوه الا بالله
لا توصلين الحجي لايهاب مخبل لا يروح يذبحها
احنه ندري جانت مسويه شي للمرحوم لان معمي من يمها متعرف وعبالها ايهاب مثل المرحوم متدري اذا عرف يخليها علئ القبله ويذبحها
سفانه: يمه خايفه لا تاذينه
ام ايهاب: لا تخافين باجر اروح يم سيد اسويلكم حرز
وانتي التزمي بصلاتج وقرانج وباب غرفتج ماريدها مفتوحه حتى من تنزلين قفليها
سفانه: هزيت راسي بقينه نسولف وكل شويه توصيني مااكول لايهاب كمت صعدت فوك تمددت وبالي كله يم كلامها داحس استعجلت بهل زواج جريت نفس شلون تكدر هيج تسوي يعني مستعده تموتني بعمالها بس المهم تحصل التريده بقيت افكر علما نمت كعدت الصبح علئ طكطكه بلغرفه كمت شفت ايهاب ديبدل
ايهاب: صباح الخير
سفانه: صباح النور
ايهاب: كعدتج
سفانه: لا تريد شي
ايهاب: جوعان اذا تكدرين تسويلي ريوك
سفانه: ها اني اي هسه كمت هوه راح للحمام حكيت راسي شلون اسوي ريوك واني ماعرف رحت سويت چاي وطلعت جبن وروبه حميت الصمون اجه كعد بقى يباوع عليه
ايهاب: وين البيض
سفانه: اني مادري ماكو بيض ماشفت
ايهاب: شسالفه البارحه جبت طبقه تلكي بثلاجه
سفانه: راح فتح الثلاجه طلع 3
ايهاب: هياتهم
سفانه: حكيت طرف خشمي بتوتر مو شسمه
أنت تقرأ
شهگة روح
Ficción Generalصراع دامي مابين قلبي وعقلي وصراع اخر مابيني وبين ابي وكنت أشجع نفسي أن أعيش كل يوم على أمل ان تأتي لي أمي في الصباح التالي ما احلل احد ياخذ قصصي بدون ذكر اسمي ( ذمه)
