للكاتبه: ود الباشا
ردلي كلبي البكته مني وشوف عيني السهرته
ورد لي حيلي ذاك الاول وروحي انت الفرفحته
ورد لي لوعات السنين وحبك أكبر غلطه غلطته
ورد لي جم ردلي اكلك كون كلهن ماتردهن
ردلي بس انت حبيبي وهي هاي انه الردته
سفانه: ردت احجي دخل باوعلي ورجع باوع على بتول
طه: خلينه وحدنا بتول
سفانه: لزمت ايدها احجي التريده اسمعك ماكو داعي نبقى وحدنا
طه: ماا اكلج لا تخافين احجي وياج كلمتين
سفانه: بتول سحبت ايدها مني وطلعت دخل وقفل الباب تقرب كعد يمي
طه: غلطت بحقج واعترف بس غيرتي عليج عمتني فقدت ماضل عقل برراسي انت هم غلطانه
خلينه نسد هلصفحه ثنينه تعبانين ومحتاجين اليداوينه
سفانه: انت دائما تاذيني وتجي تتصرف وتحجي وكانما مصاير شي انت هذه طبعك ومستحيل بيوم تغيره هلمره طلعت منها سلامات منو يكول مره ثانيه اذا غلطت بشي اطلع من جوه ايدك عايشه
طه: لهل درجه كارهتني وصاير وحش بعينج
سفانه: بيومها انگلبت وحش كرهتني بنفسي
دموعي وتوسلاتي كلها ماوكفت بعينك ولا سمعتني
شلون تريدني ارجع اعيش وياك شلوون فهمننييي
انهاريت وبقيت ابجي
حضني وباس راسي ردت اسحب نفسي منه حضني اقووه
طه: راح اخليج كم يوم براحتج سفانه بس لا تتوقعين الديصير سهل عليه والصار انتي السبب بي
تصرفاتج الطااايشه التسويها بدون تفكير وصلتنه لهنا اني من حبي وغيرتي الج فقدت واعتقد لو واحد غيري يسوي الاكثررر
المهم ماريد ائذيج واضغط عليج اكثر كم يوم راح اخليج ترتاحين وتنسين كل الصار نفتح صفحه جديده
سفانه: مجاوبته كام باس راسي وطلع تناقض بداخلي مو طبيعي عقلي رافضه وگلبي يريده وخوف بداخلي اخاف يرجع بيوم يفقد ويسوي الاكثر لو ما عمو جاي عليه وماخذني جان متت جوه ايده
دخلت بتول كعدت يمي
بتول: شبيج شكلج طه
سفانه: يريدني ارجع
بتول: وانتي مناويه ترجعين
سفانه: مادري بتول صارت بيه خوفه منه اكول الدنيا كلشي بيها واحنه ممعصومين ممكن باجر عگبه اغلط
اخاف يرجع يضربني ومحد يدري بيه
بتول: طه مو بسهوله يمد ايده على مرره بس اذا عصب وماسيطر على نفسه مرات يكسر الغرراض علمود مايضرب لا عبالج على كلشي يمد ايده واني اعترف الصار ذاك اليوم غلط تدرين حتى رعد تعارك ويا ايهاب وماقابل للصار كال ماكو احد يقبلها ورزلني الي هم لان جبرتج تركبين
سفانه: جريت حسره صارت بعد كمنه نزلنه تعجبت طه بعده اهنا كاعد بصاله يم اخته وحصانه باوعتله بطرف عيني ودخلت للمطبخ شهد كاعده تتريك
أنت تقرأ
شهگة روح
General Fictionصراع دامي مابين قلبي وعقلي وصراع اخر مابيني وبين ابي وكنت أشجع نفسي أن أعيش كل يوم على أمل ان تأتي لي أمي في الصباح التالي ما احلل احد ياخذ قصصي بدون ذكر اسمي ( ذمه)
