للكاتبه: ود الباشا
وشنهو ظني الچنت أتانيهن جزني
لا لگيت شويه منهن لا لگيت شويه مني
ضايع وكل الوجوه استغربني.
سفانه: اجه اكبر هم ورحنه للمحگمه گلبي يدك الف خايفه كلش اخاف فعلاً يحقر وياي
صفنت علئ الشارع احس نفسي مو بهاي الدنيا
فزيت من صفنتي على صوت طه
طه: مو داحجييي وياج وين بالج
سفانه: ماسمعتك شگلت
طه: اخاف ادخلون للمصلحه الاجتماعيه ويفر راسج بلحجي لا تنطي مجاال
احجيلها كلشي
سفانه: يعني مراح يطلگني بسهوله
طه: لا راگب راسه ابن الكح.....
الاكبر: طه اني اكول لو ماتجي احسن انت السانك من هسه فالت لو تشوفه شسوي
طه: حرامات ماكدر اسويله شي لان هوه منتضر الزله من عدنه
سفانه: بقوو يحجوون علما وصلنه نزلت
باوعلي من فوك ليجووه
طه: شكوووو مسوويه خدودج حمر
سفانه: خليت ايدي علئ وجهي تره محاطه
محجه شي دخلنه جوه كاعد هوه ورعد ويا محامي تقرب رعد سلم عليه ابتسمت ورديت السلام خزرني طه رجع كعد
طه: تاليتها ارتگب بيج جريمه
سفانه: سكتت مجاوبته
شويه ودخلونه للمصلحه الاجتماعيه مدري شيسموها
كعدنه ثنينه سئلتنه البنيه
شنو السبب القوي اليخليكم تنفصلون وانتو بعدكم بدايه عمركم
ايهاب: مرتي اريدها ماريد انفصل عنها
سفانه: واني مااريدك ضرب الميز
ايهاب: موو بكيفج
مو هيج خليني اشوف اسبابها
سفانه: بطلني من دوامي حبسني ضربني
كلشي سوه لوو اموت ماارجعلك بعد يهز براسه
ايهاب: مووو بكيفج حالياً عايفج براحتج وداسايرج
اشوفج وين توصلين
مو هيج كلشي ينحل بتفاهم
سفانه: ماكو تفاهم ماريده
بقينه نحجي ماوصلنه لحل تالي تاجلت المحكمه لشهر طلعت روحي بخشمي شافني طه تقرب مني وجكارته بحكله مبين هوه الثاني معصب وميتحاجه
اجه المحامي حجالهم كلشي طلعنه وطه ساكت سكوته خوفني لو يحجي ارتاح بس ادري بي من يسكت اكو شي اباله
رجعنه للبيت واحنه حرف واحد محجينه واني اعصابي تلفانه على يا ساعه انفجر
تلگتني شهد
شهد: بشري سفانه
سفانه: اجلوها لشهر شهد ميبس راسه مديقبل يطلگني
شهد: اذا مغير من نفسه وطبعه ليش تطلگين وانتي مصارلج كم شهر تره الطلاگ مو سهل
سفانه: شهد لو ادري بي واحد بلميه يتغير هسه ارجعله بس مادام غصون براسه وتريده وتغار عليه الف سنه ميتغير ولا يغير طبعه
ولا تنسين تره هوه مجان هلشكل بس شافتنه واحد محترم الثاني راحت سحرته وگلبت احواله
أنت تقرأ
شهگة روح
General Fictionصراع دامي مابين قلبي وعقلي وصراع اخر مابيني وبين ابي وكنت أشجع نفسي أن أعيش كل يوم على أمل ان تأتي لي أمي في الصباح التالي ما احلل احد ياخذ قصصي بدون ذكر اسمي ( ذمه)
