للكاتبه: ود الباشا
أحيانًا تظن أنك تشعرُ بحاجة شديدة للإختفاء بينما في الحقيقة أنت تحتاج لمن يجدك
طه: شبيييجن انخرسيتن اكبرررر وين ليش ادك عليه مغلق
ام طه: ابوك دزه يجيب عمته صبا من المطار هيه ورجلها رجعو اليوم
طه: جان حجه كاال المن غالق الزفت
ام طه: يمكن مخلص شحن شدراني يا ابني
شدعوه عليك هيج معصب
سفانه: تباوع عليه وتحجي
طه: اتكفل ياخذ ويرجع اخته واليوم مخليها لهل وكت واكفه يم المدرسه جان انطاني علم وبعدين الوالد مو يعرف بنته بلمدرسه جان راح جابها اذا هيج ممتحمل مسئوليتها شكو جابها وركعها براسنه
سفانه: جنت فرحانه اكو واحد هيج بدم حار ديدافع عليه ومحروك دمه عليه ويدري بيهم غلطانين بس كلامه الاخير مثل الضربه الصحتني
محجيت شي اصلا شحجي ردت اصعد فوك ونفتحت الباب دخل بابا ووراء عمه صبا
ضحكتها تارسه وجها سلمت على ام اكبر والبنات اتقربت ردت اسلم عليها شالت ايدها وكالت
صبا: هلو سفانه شونج
سفانه: بلعت ريكي علمود تنزل الغصه رمشت اكثر من مره
الحمدالله مبروك علزواج
مجاوبتني راحت سلمت على طه عفتهم وصعدت فوك مادري شون اوصف احساسي وشعوري
كلام طه وتصرف عمه حتئ حرامات اصيحلها عمه
حيل اذاني كمت غيرت ملابسي وطلعت غسلت
وكعدت اقره بس اريد اطير الافكار من راسي اذا ابقى افكر بيها اطك وامووت بحسرتي
ندكت الباب
دخل اكبر مبتسم
الاكبر: اكدر افوت
سفانه: ابتسمت تعال
كعد كبالي
الاكبر: سفانه اعتذر اليوم خليتج تنتضرين بس والله بابا منطاني مجال احك راسي وفوك كل هذه دزني اجيب اخته ورجلها
سفانه: ضحكت علئ كلمه اخته
عادي مصار شي بس لو منطيني خبرر
الاكبر: نسيت والله وبعدني اصلا ممتعود علئ توصيلتج اعذريني وان شالله احاول متتكرر
سفانه: مصار شي اصلا داتعبكم هواي وياي انت وطه اتمنئ تعذروني ناويه احجي ويا بابا يخليلي خط
الاكبر: علئ شنو نعذرج غير اختنه
سفانه: الله يحفظكم
كام وكف
الاكبر: يلا كومي نتغده
سفانه: جايه وراك
ردته بس يروح لان مجوعانه او ماريد اشوف احد بيهم
طلع كمت قفلت الباب وتمددت الافكار حاصره دماغي نمت ومحسيت علئ شي
فتحت عيوني صايره دنيا ليل ساعه ب 6 وبطني اوف يا بطني سبب بنص مشاكلي كمت عدلت شعري ونزلت اسمع ضحكهم وسوالفهم اتمنئ اروح اكعد يمهم واشاركهم بس ارجع واتذكر اني مكروه رحت للمطبخ صبيت وكعدت اكل شفت بابا ديريد يطلع ويا طه كلت لازم احجي ويا اذا طلع هسه اكيد حيتاخر علما يرجع
كمت صحته باابا التفتلي
أنت تقرأ
شهگة روح
General Fictionصراع دامي مابين قلبي وعقلي وصراع اخر مابيني وبين ابي وكنت أشجع نفسي أن أعيش كل يوم على أمل ان تأتي لي أمي في الصباح التالي ما احلل احد ياخذ قصصي بدون ذكر اسمي ( ذمه)
