#غلطة عشك
#الجزء الثامن
#بقلمي هديل
#شمعةامل
رافد ....رجعت للبيت واني الطريق كله افكر بكلام فرات
فعلا هو عنده حق ...
خلي انتظر وهم هذا اختبار الهه
بقيت اتصفح بمبايلي ...
.....وجان تجيني رساله من رفقه ...
......وين انت .....
رافد ...جاوبتهه ...بالبيت ..
رفقه ....اكدر اتصل .
رافد .....كتبت ok
رفقه .....الووووووو
شلونك ...
رافد ...كلت خلي شويه أكون ثكيل وياهه بالكلام ...
........زين.......
رفقه ....زعلان
رافد .....انتي شتكلين ..
رفقه ...اني اسفه ....بس مو انت تدري أحبك واغار عليك
ومااحب تشاركني بيك اي وحده
رافد ....وهو منو مشاركج
رفقه ....مو اني من شفتك بعدك لابس القلاده صدك ضجت وكمت أغار ليش تحتفض بشي من شخص كان ماخذ تفكيرك وقلبك سابقا
اني اريدك بس الي ...
الي وحدي ..وبسس ...
اني احق بيك من أي وحده
انت تخصني الي
عفيه افهمني
رافد ....وهسه
رفقه ....بعد مااسويهه حباب ...
وحتى إذا تعاركت وياك انت المفروض متزعل لان تدري شنو مشاعري تجاهك
وهسه لازم انت ترضيني مو اني
رافد ....أرضيج على شنو هو منو الي سوه المشكله
مو كنا كاعدين ومرتاحين ليش هيج سويتي
يعني هسه انتي تردين ترضيني
لو تتعاركين ويايه من جديد
رفقه .....وليش صرت عصبي اني غير أحبك
ومثل ميكلون الي يحب يحاسب
مدري يتعارك
...نسيت الكلمه ....ألمهم يعني يتناقشون
حتى بعد ميتعاركون
رافد ...قصدج يخلون النقاط على الحروف
رفقه .....اي ...اي ....هو هيج ....
رافد .....سكتت مجاوبتهه ....
رفقه ....ليش ساكت ...
رافد ....افكر بعلاقتنه
رفقه .....احلى علاقه لاتفكر ولا شي
ولاتزعل مني بعد
رافد ....ماشي .....
وتراضينه وانتهى الموضوع
صار الوقت متأخر
مااكدر اتصل على فرات ..كلت باجر اتصل واسولفله ...
ثاني اني بالدوام ...تاخرت ورجعت تعبان كلش يادوب طلعت شويه ويه جماعتي بالليل.
ورجعت للبيت
بالليل بقيت على اتصال ويه رفقه
اتفقت وياهه على طلعه ثانيه بعد يومين
وفعلا طلعنه ورحنه على المول
كعده حلوه وسوالف وضحك وتعشينه
وجابتلي هديه واني هم اخذتلهه هديه
ولا كأنه كان اكو مشكله بيناتنه
وتعشينه وبقينه نفتر
بعدين رجعتهه للبيت ...
بعدهه اتصلت بفرات وحجيتله على كل الي صار ..
فرات .....زين وبعدين
رافد ....شنو بعدين ...
فرات ...قصدي هاي علاقتكم شلون راح تنتهي ..
