غلطة عشك

الجزء 14

#غلطة عشك
#الجزء 14
#بقلمي هديل
#شمعة امل

فرات .....خطيه رافد ميستحق هيج شي
رجعت اتصل بهيام حاولت افتهم هاي ليش هيج سوت لكن محصلت نتيجه
حتى هيه مستغربه
حاولت اقنع رافد وكتله خلي يعوفهه فد يومين ولايتصل عليهه
هسه هيه من تهدأ ترجع تتصل بيك
تقريبا اقتنع رغم اعرف بيه كلش ضايج

....طلعنه بالليل ويه الأصدقاء حتى نغير جو

ثاني يوم اني رجعت لبيتي بعد ماارحت جبت رواسي والجهال

.....بقيت على اتصال ويه رافد وهيام
اكول بلكي اكو تغيير
أو احتمال هيام تجيب فد خبر زين عن رفقه
يجوز البنيه تتحسن وتعرف غلطهه
لكن....... ابد .....بقى الحال مثل ماهو

رافد ......صار تقريبا شهر واحنه على نفس الوضعيه ماكو اي تغيير ...

حتى اصدقائي من اسولفلهم واكلهم عافتني
ونهت العلاقه ..
محد يصدك ....
لان الكل يعرفون اني رايدهه بزواج
.....
حاولت اعرف الأسباب من هيام ...
بس تكول علاقتهه ويه رفقه مو مثل قبل
تقريبا سحبت نفسهه ....

صرت دائما عصبي بسرعه اتنرفز

وبيوم كلت خلي اروح عليهه للبيت
وخلي شيصير يصير

دكيت الباب طلعتلي رفقه ...
...رفقه .....هاي شجابك هنا ..
رافد .....شنو شجابني ....اريد اعرف ليش دتسوين هيج ..
رفقه .....انت تعرف ليش ..
وعفيه رجاءاً بعد لاتجي هنا
هذا الموضوع انتهى وعلاقتنه صارت ماضي

رافد .....لج شنو ماضي .....
والحب الي بيناتنه والأيام الي عشناها سوه
والعلاقة ال....بيناتنه ....يمعوده علاقة متزوجين ..انتي شتحجين

رفقه ......اي هذا كله انساه ....
.......ولا كأنه صار
وخلي كل واحد يروح يشوف حياته بعيد عن الثاني
يعني كلمن يمشي  بطريقه الي يعجبه ....

رافد ...هنا عيوني احس صارت تطلع نار من العصبيه بديت اصيح
لكن هيه مقبلت
رفقه ...كافي عاد كتلك كل شي انتهى
وامشي قبل لا الم عليك الناس
وبعد لاتجي هنا لان كل شي انتهى
.....وسدت الباب .....

رافد .....ولكم معقوله .....
مصدكت
صعدت بالسياره واني اعصابي نار ...

مارحت للبيت ...
بقيت افتر .....
لان اذا اروح واني هيج هسه اتعارك حتى ويه اهلي
قفلت مبايلي مااريد احجي ويه احد
صارت 12 بالليل واني بعدني بالشارع ...
فكره توديني وفكره تجيبني
وتالي وصلت للشقه ...
مااعرف ليش رجلي جابتني لهناك مثل ميكلون
كعدت شويه .....
كل زاويه وكل ركن بالشقه يذكرني بيهه
ومن عصبيتي رحت لميت شكو غرض
الهه حتى الفرشه والفراش كله وبديت
اطلعهن بره الشقه .
مااريد شي يذكرني بيهه ...

بعد فوات الأوان حسيت هذا الحب كله غلط
عشقي الهه غلط
وحتى حبي ويه داليا هم كان غلط
اني ماعندي حظ بالحب ...