#غلطة عشك
#الجزء العاشر
#بقلمي هديل
#شمعة امل
رافد ......كلش ضجت من تصرفات رفقه
راح اعلمهه درس بعد ابد متنساه
مابيهه شي اذا كانت شويه تغار
ولو هيه مو شويه .. كلش هوايه تغار
بس هوايه طوختهه
رفقه ....يستاهل خليه دايخ حتى بعد مره ثانيه يكون حذر بتصرفاته ويايه
ومن أكله انت الي وحده معناها ممنوع تكون شريكه ثانيه ويايه
خلي اطلع واتونس ولا يهمني
وتالي اخليه يتوسل بيه بس حتى يرضيني
فرات .......يعني شوكت تفتهم هيام بأنه اني ماادور علاقه لا وياهه ولا ويه غير وحده
هيام .....شبيه هذا ...تره احنه مخلوقين لبعضنه ...
اني وياه كلش متفاهمين ...
لو افتر الدنيه كلهه ماالكي رجال مثله ...
وبالرغم من صده المستمر الي بس اني ابد مراح اعوفه
راح استمر ادزله رسائل واتصل عليه على طول
بالليل قبل مينام تصبح على خير حياتي والصبح شوكت مااكعد ادزله صباح الخير
وهم وياهه حياتي 😂😂😂😂😂
رافد ......مر كم يوم على آخر اتصال ويه رفقه
لحد الآن مااتصلت بيهه ولا مره ولا حتى دزيتلهه فد رساله
خليهه هيه وحدهه تجي تعتذر
رفقه ... يعني هذا شلون بيه ....
شو وكأنه مرتاح لان مزاعلته ...
يعني على الأقل فد رساله كلي شلونج
وين انتي .....مشتاقلج ....
.......اوووووفففففف 😕
شتاقيت لصوته هسه غير يحس
يعني هيه البنيه بطبيعتهه تحب تشوف نفسهه شكد عزيزه عند الانسان الي يحبهه
يعني هسه شسوي ....
رافد ......همزين عندي اتصال ويه هيام
مرات اتصل بحجة اسال عليهه
هيام ......الحمد لله زينه ....
......شنو انتوا بعدكم متزاعلين انت ورفقه
رافد .....بالنسبه الي اني مزعلان
هيام .....بس هيه زعلانه
رافد ...اي ..واني شعليه ....هيه اخترعتلهه سالفه وزعلت
وهيه تعرفني كلش زين ميهمني شي
ولا أحب أتوسل بواحد حتى ارضيه
هيام ...بس هيه تحبك ..
رافد ....وشنو يعني ....اني هم احبهه
بس لازم تفهم .....ملاعيب المراهقين والحزورات ..... هاي اني مااحبهه
عدهه شي خلي تحجيه
ماعدهه شي ليش تتمزعل ....
....
هيام ....مااعرف بعد هاي مساله بيناتكم
مااريد اتدخل بيهه حجيت وياهه
بس مااعرف شنو في بالهه
يله خلي نغير الموضوع
كلي فرات شلونه ...
رافد ...شبيه فرات زين ....ليش ...
هيام ....يعني. ...حبيت أسأل عليه ..
طبعا اخوك ابد ميرد على اتصالاتي
ومن ادزله فد رساله هم مينطيني رد
