...
هلو شلونكم ...
خلي اعرفكم بنفسي أولا باعتبار اني البطل وفد شخصيه مالها مثيل 😏
هههه لا جذب اصلا شخصيتي كلش عاديه
اسمي #رافد ......مواليد 1989 اعمل مهندس فني بشركة أصباغ وتصاميم
خريج معهد تكنلوجي قسم كهرباء
وحاليا اشتغل بأعمال في كربلاء
مواصفاتي حنطاوي البشره .. مااحب اسوي لحيه كامله للوجه أحيانا اخليهه بس حول الفم
سكسوكه بالعربي😆
طويل القامه ...
شويه جماعتي يشوفون عندي نوع من الغرور
وهذا الشي ميهمني
المهم .. اني .....
الحياة عندي لاشي . .
بطبعي عصبي .....ومااحب الفضول الزائد
عايش مع امي وابويه عندي اخ واحد أكبر مني بسنه
وحاليا متزوج وطالع في بيت وحد واخت وحده ومتزوجه وعايشه بغير محافظه
عوفكم من هاي التفاصيل خلي نسولف بالمهم
اني أحب بنت عمي من احنه صغار تقريباً
كل مااروحلهم لو يجون يمنه احنه عيونه جانت تسولف شكل
ولسانه بين اهلنه يحجي شكل
شقانه وضحكنه كلش طبيعي بحيث محد منتبه علينه من اهلي أو اهلهه
إلى أن كبرنه ....
وبيوم قررت ...
....رافد .....اكلج #داليا ....انتي شبيج متنطيني رقمج هسه اني مو كرايبج وابوج عمي يعني مو غربه
داليا ....وانت شعليك برقمي عشتووووووووو
رافد .....عشتووووووووو شنو ....وهسه قحط فد نمونه انتي والرقم ...
والله ياالله ....
وعفتهه وكمت طلعت للحديقه ....
داليا .....يااااا ...هذا شبيه ....
شو صار عصبي وطلع .....فد لا صدك زعل .....
وهسه اني شكتله .....
خلي اروح اشوفه .....
وطلعت للحديقه وراه ....
......شبيك رافد ليش طلعت .....
رافد ......شنو شبيه وهسه اني شطلبت منج هو رقم هسه قحط شبيج شنو راح اكلج
ابن عمج ويريد رقم شبيج كمتي تخافين ....
داليا .....لا وعلى شنو اخاف ليش انت غريب ...
يله اتشاقه شبيك كلبت خلقتك بسرعه وصرت عصبي
صدك لو كالوا فركاس ومينداس
رافد ...ولج احجي عدل ... هاي شنو النوب
داليا ....هسه ديله على أساس انت من تكلب خلقتك تصير براد بت عصره وزمانه
.....ومعجباتك يكثرن هسه انت منو تباوعلك
رافد ....غير تستقر انجلينا .....ام شعر الفتايل انطيني الرقم واسكتي
داليا .......بس بس
....فتايل .....😞
رافد ....معاجبهه فوك القهر 😞
ام رافد .....يبوو شبيكم بس تتناكرون حسبالك رويسيه وك يمه رافد على كيفك ويه بت عمك
صوتكم واصل لسابع جار .
رافد.... وهسه اني شكلتلهه.
ام رافد ....هسه دعوف هاي السوالف وروح جيبلي مسواك اريد اسوي عشه وخاف ابوك يتاخر
رافد .....كليلي شتردين واني اجيبلجياه
ام رافد ....كتبتهن بورقه ....
هياتهه خليهه يمك ..
داليا .....خلي اجي وياك ...
رافد ....هم حطت نفسهه ام عطوب ....
داليا .......لاتحجي عليه ....
شفتي خاله تقبلين على كلامه ....
ام رافد .....يوووووه راح تضلون هيج مثل الجهال
جيب الورقه خلي اروح اني احسن
رافد .....لا يوم .....ميصير .....شنو اني مو رجال بعينج
اني اروح وانتي ابقي ارتاحي
داليا .. لعد تاخذني وياك ...
رافد .....اهووووو هم حطت نفسهه ....
زين يله بس مو تبقين تتناكرين ويايه كل شويه مثل الجهال
داليا ......شوف اني صح عمري أصغر منك بس تره عقلي جبير ...😏
رافد ....هسه غير تستقر ملكة بريطانيا
رافد .....يله ....امشي لبسي شي مستور فوك هدومج راح انتظرج بالسياره يا اينشتاين 😂
داليا ...😋😋😋😋😋
رافد .....طلعنه سوه
وصدك جانت داليه هادئه الطريق كله عكس مااشوفهه من تجينه لو من نروح لبيتهم
....بصعوبه لكيت مكان اركن السياره ...
نزلنه يم الأسواق
بعدين اشتريت صمون من الافران القريبه
بعدين مريت يم ابو المخضر واشتريت شويه فاكهه
وتالي رجعنه للبيت
بين ما امي سوت العشه هيه ومرت عمي وداليا و#دلال اختهه
طبعا نسيت أذكر انه دلال خامس علمي
وداليا سادس علمي
اجه ابويه ويه عمي
تعشينه..... نسوان البيت ماقصرن بالاكل والحلويات
عاشت ايديهن
طبعا علاقتي ويه ابويه ابد مو تمام على طول احنه مناكر وكأنه اني عدوه مو ابنه
يدور ورايه على الزغيره والجبيره مدري شيريد
طلعت ويه جماعتي
احنه متعلمين كل يوم نطلع سوه
وهم فرصه انه حتى ميكون احتكاك بيني وبين ابويه لان بس اطول شويه بكعدتي بالبيت
لازم بعدين تنتهي بعركه
واني ماالي خلك ...
صارت الساعه 12 ليلا ....
كلت ارجع للبيت كافي ...
باجر عندي دوام ......
واني بالطريق دك مبايلي ...
هاي داليا .... شوكت نطتني رقمهه ...مااتذكر ....
فتحت خط ...
....الووووو
داليا ......هلو رافد ....شلونك ...
رافد .......هلو .....شو رقمج طلع مسجل عندي ...
داليا ...اي اني سجلته بمبايلك من نزلت تشتري
....الفاكهه
رافد ....هههه عفيه عليج ....
داليا ....يله اروح انام باجر دوامي صباحي ...
رافد ....لحظه شبيج مستعجله ...
عندي موضوع وياج ...
داليا ....اكله اريد انام عندي دوام صباحي
مااريد اروح للدوام واني نعسانه ...
رافد .....ديله .....روحي
بعدين نحجي ...
.....همزين تذكرت هيه بعدهه سادس اعدادي
مااريد هسه أشغل دماغهه بغير امور ...
بعد باقي شهرين أو ثلاثه وتخلص السنه
خلي تكمل امتحاناتهه بعدين افاتحهه بالموضوع
رجعت للبيت. ... اهلي جانوا يتابعون التلفزيون
سلمت ورحت كبل لغرفتي
الصبح مثل كل يوم بدلت وطلعت للشغل ....
مر اليوم جدا اعتيادي .....
بالليل ...كلت اتصل على داليا ....
بس مااريد هنا بالبيت ...
من اطلع اشوف مكان اكعد وحدي واحجي شويه وياهه ...
.......يتبع ......
مو تنسون متابعه للحساب وتصويتكم للقصه فضلا وليس امرا
سواا تاكات لجماعتكم ....
