#الجزء الثاني
#غلطة عشك
#الكاتبه هديل
مر أسبوع على آخر مره شفت بيهه داليا
واليوم جمعه الكل مقررين انه اليوم نروح سفره لمدينة العاب
وهم فرصه حتى البنات يغيرون جو قبل الامتحانات
قررنا انه كل عائله يطلعون بسيارتهم
اني أسوق وابويه بصفي😎
وامي وجدر الدولمه بالخلف
وبيت عمي بسيارتهم
وصلنه لمدينة الالعاب ابويه وعمي
طبعا ماالهم علاقه بينه راحوا يفترون سوه
وامي ونرجس مرة عمي هم راحن يتمشن سوه
ادري بيهن......
راح ياخذن موقع ستراتيجي
وحجي على العالم .
هاي لابسه ضيق ....وهذيج لابسه بنطرون حصر
والي هناك شعرهه كله طالع عود هيه لابسه حجاب
والي كاعده على صفحه حايره شملطخه مكياج ولابخه
وشوفي هذج شسمنهه وصاعده بديلاب الهوا.
وووو و بعدين امي تعيدلنه الاحداثيات بالبيت
يعني سوالف نسوان ماالها علاقه بالطلعه
المهم يسجلون شنو المواقف الي تصير كدامهم
😂😂😂😂😂😂
بقيت اني والبنات الحمد لله اخذت حب وجع رأس ويايه لان ادري راح ينفخن راسي بطلباتهن والفره
رافد .....ها يله كلولي وين ترحون
دلال ....اني قبل كل شي اروح اجيب شاميه واجي
بعد مااتحمل ريحتهه شكت خشمي 😂🍿🍿🍿
رافد .....ههههه دقيقه ام بطن ...
اني اجيبهه ....
وانتي داليا شتردين ....
داليا .....ماادري .....مثلك شتشتري الك جيب الي ..
رافد ....ماشي ....
رحت اشتري شاميه لدلال ....والي جبت فنجانين نسكافيه شويه حتى نتدفه .....
.....دلال ....ركضت على رافد ...لان خطيه كوه لازم الشاميه حاطهه بين ايديه وبالكف شايل مدري شنو ...
داليا .....يااا سوده عليه شلون شايلهن ...
رافد ....ديله اخذي من ايدي بس ديري بالج من تشربين ..تره كلش حاره ...
دلال .....افييييييششششش الشاميه تخبل ...
رافد .. بالعافيه ....
يله هسه وين ترحون .....
داليا....... شعجب صاير هيج
رافد .....شلون يعني هيج ....
داليا .....يعني ......سبورت وحلو بالتعامل
انت طبيعتك دائما جدي ....
وعلى كل شي تتعصب .....شو اليوم احسك غير شكل صاير ....
رافد .....لا مو غير شي ....بس احنه طالعين بمكان عام ...ودنتونس .....
فعلى شنو اتعصب وآخرب اليوم .....
داليا .....ها خوش .....
لعد يله صعدنه بلعبه ....
رافد .....لعبه شنو ....
دلال ....اي عفيه رافد ...صعدنه بلعبه.
رافد ....شنو انتوا جهال .....
