#غلطة عشك
#الجزء السابع
#بقلمي هديل
#شمعةامل
رافد......استغليت وجود اخويه يمنه
...وتكررت طلعتي ويه رفقه وهيام
وفرات ...
احنه بجهه وهمه هم بجهه
ردت أطور علاقتي برفقه أكثر ...
رفقه ....شبيك اليوم شو صافن
رافد ...افكر ...
رفقه ....بشنو
رافد ....إنه نطور علاقتنه
رفقه ....اي ....شنو قصدك ..
رافد ....إنه نلتقي بغير مكان ...
رفقه ...مفتهمت ...
رافد ......اكلج بس متعصبين
رفقه ...شنو احجي
رافد .... شويه ترددت مااعرف شنو ردت فعلهه
صديقي عنده شقه فارغه
شتكولين لو نلتقي بيهه بعيد عن عيون الناس
....رفقه ....شويه ترددت ...بس....
ماشي موافقه ..بس تصير عاقل
رافد ....تفاجأت من وافقت .
.....مردت احجي شي اكتفيت بالسكوت
رفقه ....شو مكلت شي
رافد ....مثل شنو ..
رفقه ....يعني .....من شفتني وافقت هيج
رافد ..ماعندي شي أكوله
اكلج خلي نرجع ...الوقت تأخر وانتوا لازم ترجعون لاهلكم
رفقه ....ماشي .....
.....يله هيام خلي نروح ...
هيام ....اي ماشي .....
.....باجر ميخالف اتصل عليك لو خاف عندك شغل
فرات ....بكيفج تتصلين ...اني من افرغ اتصل عليج ...
هيام .....ههههههه يمه شلون عصبي
رافد ....صعدنه بالسياره. ...وصلنه البنات كل وحده لبيتهه
مردت ارجع للبيت ردت احجي ويه فرات
.....اكلك فرات خلي نوكف بمكان
اريد اسولف قبل منروح للبيت ...
فرات ....اي ليش لا .....يله اختار مكان
...رافد .....لا خلي هنا ننزل يم الجسر
فرات ....يله على راحتك ....
......ونزلنه ....
ورثنه كل واحد جكاره ....
......شنو القصه قلقتني ....
رافد ....راح أكون صريح وياك ....
...اني تعلقت برفقه ....
فرات .....يعني شنو تعلقت حبيتهه
رافد ....اي حبيتهه
فرات ....وانت تشوفهه تستاهل حبك
قصدي هذا الحب معقوله يصير زواج بعدين
رافد ....ليش لا
فرات ....بس انتوا علاقتكم صارت عن طريق برامج التواصل
يعني يجوز قبل كانت تتواصل ويه غيرك ويجوز الآن هم تتواصل ويه غيرك
رافد ....اني معليه باللي فات حتى إذا كانت عدهه علاقه سابقه المهم الآن هيه علاقتهه بس ويايه واني متأكد من هذا الشي
وبعدين هذا الشي ميهمني هسه اني شستفاديت من الي ربيتهه على أيدي وتالي صارت لغيري
فرات ....وتالي هم رجعنه لهذا الموضوع
البنيه تزوجت وخلص الآن عايشه ويه زوجهه ومرتاحه
اذا جنت تحبهه صدك تمنالهه الخير
وانت شوف حياتك ويه غيرهه
