غلطة عشك

الجزء 15

#غلطة عشك
#الجزء 15
#بقلمي هديل
#شمعةامل

رافد. .....بعد كلامي ويه فرات ...
قررت انه لازم اغير من نمط حياتي شويه

مبقيت هوايه يم اخويه ثاني يوم رجعت لاهلي طلعت ويه فرات  قبل ميكعدون
الجهال لان بس يشوفوني كاعد بعد ميعوفوني ابد
مرت ايام هوايه ....الصبح اني بالشغل
والعصر هم شفتلي شغله ثانيه
وبالليل طالع ويه اصدقائي 
احاول أشغل وقتي على كد مااكدر
اريد أكون نفسي والم فلوس

والشقه ....حلفت متطبلهه غير بس البنيه الشريفه ولازم تكون على ذمتي

هيام ....بقيت على تواصل ويه فرات
لكن بكل مره احجي وياه احس بعده يصدني
.....من قهري حتى فكرت انتحر ...
بس كلت حرام ....لان راح آخسر الدنيه والاخره ....
تالي قررت انه اعتبر فرات مثل حلم
تمنيته يتحقق ...ولكن انتهى بمجرد كعدتي من النوم ....

فرات .....بقيت اتابع اخبار فرات كل يوم يتصل بيه لو أني اخابره
مااريد هذا الموضوع يأثر عليه
والحمد لله دااشوف وضعيته بدت تتغير للاحسن
لكن مااعرف ليش اني بديت احس وكأنه اكو فراغ صار بحياتي
فد شي اختفى جنت متعود عليه
بس مااعرف شنو ....
....ومرت الأيام. ....وتذكرت هيام ....
صدك شو هاي الهه فتره مختفيه .....
جنت متردد اتصل ....
بعدين كلت خلي ادزلهه رساله .....

.....كتبتلهه ....شلونج ....الج فتره ماكو
أن شاء الله المانع خير ....

.....محصلت جواب .....
بعدين بعد ساعه ....ردتلي .....
اني بخير ....ماكو شي .....
حسيت الرد بارد ...

.....خطيه هاي خاف بيهه شي ومتريد تحجي
.....أتصلت عليهه ...
....الوووو
فرات .....الوووووو شلونج هيام ....
هيام ....بخير .....
فرات .....شبيج .....الج فتره ماكو ....
ليش ....
هيام ......أحسن ...
فرات .....ليش ...صار شي ...
هيام .....ماكو شي ....بس مااريد أخسر كرامتي أكثر
فرات ......شنو قصدج ..
هيام .......قصدي كافي ....هوايه هنت نفسي
وذليت نفسي الك ...وردتك تحس بيه ولو شويه ...بس انت ....ماادري شكول عليك وكأنك حايط كدامي مو بشر
شكد حاولت اتقربلك بس دائما تصدني
متنطيني مجال ..
يجوز جنت بالبدايه العب لو تكول زعطوطه ماافتهم ولكت لعبه حلوه وجلبت بيهه
بس بعدين هاي مشاعر اللعب صارت حقيقه وبدت تجويني
تدري بسببك كم مره فكرت انتحر
تدري بسبب حبي الك كم مره جنت انام وعيوني كلهه دموع
وبسببك انت حتى نسيت اني وين صرت وعفت امتحاناتي وكليتي نسيت روحي
.....بعدين..... كلت على شنو اني هيج اسوي

ليش أخسر بسبب حبي لواحد ميريدني  ولايشتريني بربع

فرات .....عفتهه تحجي براحتهه
معقوله شكد شايله بكلبهه مني ....
اسمعهه تحجي بحركه ....

......بعدين قاطعتهه .....

......بس انتي تعرفين من البدايه
وكتلج مااضحك على بنيه
ولا أريد علاقه .وانتي تعرفين بيه متزوج وعندي اطفال
هيام .....هيه هاي ..المشكله اني اعرف
بس شسوي ....موبيدي حبيتك