#الجزء الثالث
#بقلمي هديل
#غلطة عشك
داليا ........بقيت افكر بكلامه وحتى احنه كاعدين ناكل اللكمه بيدي واني دماغي بغير عالم
بعدين نبهتني اختي ...
دلال ....شبيج داليا ليش صافنه ..
داليا ....ها .....لا ماكو شي .. بس مااشتهي ..
خلصوا الجماعه اكل وشلنه السفره
على أساس اني اغسل المواعين ودلال تحظر الجاي
ماعونين فلتن من ايدي همزين وكعن بالسنك
واحد انفطر ...كبل ذبيناه ...
والثاني بس انثلم شويه
وهم ذببناه ...
مدري شببه احس روحي كلهه مو على بعضهه
دلال ... هاي شبيج اليوم ....
انتي اكيد سالفتج مو خاليه ...
داليا ...لا ماكو شي ....بس احس روحي تعبانه يمكن بداية افلاونزه ....
دلال ....يا لعد روحي ارتاحي هسه اني اجيبلج الجاي
حتى نشرب اني وياج بالغرفه
داليا .....يله ماشي
.....شربت الجاي وبقينه نسولف اني واختي هيه تحجي واني دماغي تايه
....يعني معقوله هو هيج يفكر
بس احنه متربايين سوه
.............رافد يفكر .......
رافد .....صح احنه متربايين سوه ....وشفتهه تكبر كدام عيوني ...
بس احس وكأنه اني ربيتهه على أيدي
احسهه بنيتي قطعه مني
..........داليا تفكر ......
داليا .....ابد متخيلته بيوم من الايام ممكن يصير زوجي ...
.........رافد ...يفكر .....
.....رافد .....متخيلتهه بيوم من الايام تصير زوجه الي
بس شفتهه هيه أكثر وحده تناسبني
على الأقل تعرف اطباعي ......
.........داليا تفكر........
مفد يوم رفضلي طلب جنت احسه مدللني
وجان قريب الي كلش ....
......رافد يفكر .....
.....هيه أقرب وحده الي .....
بس مااعرف شنو ردهه يجوز تعتبرني مثل اخوهه
........داليه تفكر .......
معقوله تحولت علاقتنه إلى حب .....
رافد .....راح انتظر الرد ....مراح اتصل بيهه ....
....ومر يوم ....والثاني ....والثالث .....
والخامس احس روحي راح تطلع ...
صرت مااتحمل كعدت البيت نهائي .....
إلى أن .....
دك المبايل. .....
داليا تتصل .....
بصراحه مردت افتح خط .....
بس بكل الأحوال لازم ارد .....
رديت .....الووووووو
داليا ....الووووو ....شلونك رافد ...
رافد ...زين ...انتي شلونج
