#غلطة عشك
#الجزء الخامس
#بقلمي هديل
#شمعةامل
رافد .....سافرت داليا هيه وزوجهه
لهنا اعتبرت حياتي توقفت قبل متبدأ
ردت اغير روتيني اليومي سابقا كان عندي هدف اسعاله الآن كل شي معندي
بديت اطلع هوايه بره البيت
بالنهار بالشغل ..
وبالليل سهر ويه اصدقائي
صرت نادرا مااشوف اهلي
غيرت مكان سهراتي بعيد عن الكافيهات العاديه
يعني قصدي اماكن سهر ليلي .....
رجعتي للبيت طبعا بوقت متأخر
وأغلب الأحيان وجه الصبح اذا مثلا ثاني يوم معندي شغل حتى ابقى نايم بالنهار
ابويه كل ميشوفني يتعارك ويايه اخويه شكم مره اجه حاجاني لكن اني ابد مدرتله بال
محد يفهمني كل واحد بيهم يريد يمشيني على مزاجه ....
حاولت اغير شويه لخاطر امي لان كل متشوفني هيج ويتعاركون ويايه تتخربط ويصعد ضغطهه
من اني بالبيت أغلب الأوقات اتابع شكو على الفيس
وبرامج التواصل
وبيوم ......
واحد من المنشورات شفت عليه تعليقات هوايه
كلت خلي اشوف شمعلقين
وبديت اقرأ بالتعليقات
طبعا المعلقين بنات وولد وين مااكو بنيه معلقه لازم اكو ولد يرد عليهه سواء تعليقهه زين أو لا
شباب وماعدهم شي
شفت بنيه هستوهه معلقه تعليق طويل
رديت عليهه وطبعا اختلفت وجهات النظر لكن ماكو تجاوز بيناتنه
تالي كلت هسه اني شعليه علقتلهه كل واحد وحر برأيه
كلت اعتذر
فدخلتلهه خاص
كتبتلهه اعتذار وطلعت من الخاص
شويه وردت عليه
......طبعا جدا اسف لان شويه جنت حدي وياج بالحجي واكيد كل واحد ورايه ويشوف الموضوع من وجهة نظره
.......البنيه .......لا عادي مصار شي على كولتك كل واحد وآله وجهة نظر
.....رافد .....محجينه هوايه تركتهه ورجعت للفيس اتصفح
بعد يومين وهم اتابع المنشورات مثل كل يوم
وهم شفتهه نفس البنيه الي حجيت وياهه معلقه
كتبتلهه رد هلو ....
.....البنيه ..... هلاوين
انت هم ويايه بنفس الكروب اول مره اعرف
رافد ....اي اني من زمان بيه بس مشايفج تعلقين قبل
البنيه .....لا اني جديده هنا مصارلي أسبوع
رافد .....لعد هله بيج
البنيه ....وبيك أكثر عيني ....
رافد ...دخلتلهه خاص .....
بعد كليلي انتي باي كروب داخله
