زواج للشُهرة

الفصل الثاني

   

عند جوان كانت في اوضتهاا وجرس الباب رن وامها في المطبخ، امها فضلت تنادي عليها
ساميه: افتحي الباب يا جوان دي اكيد ندي.
جوان:اهو جاايه ياا ماما.
وفتحت جوان الباب ولقيت ندي فعلا
جوان:حمدلله علي السلامه يختي دا كله في الشارع ليكي ساعتين، وبعدين ياا بنتي ده كله شارع ما بينا.
ندي: يخربيتك اي دا كله استني اخد نفسي طيب وارد عليكي.
وخرجت من شنتطها شوكلت واديتها ل جوان
ندي:خدي يختي اتاخرت عشان اجبلك دي.
جوان: لا كدا تتاخري براحتك.
جات ساميه من المطبخ علي صوتهم
ساميه:انتي واقفه بتحققي مع البت علي الباب ادخلي يا حبيبتي ادخلي.
ودخلت ندي وسلمت علي ساميه.
جوان:ماما داخلين اوضتي اعمليلنا بقي شويه حاجات حلوه من ايدك كدا واوعي تنسي الكيكه.
ساميه:طب يااختي ادخلي انا مش عارفه انتو صحاب ازاي ندي بسم الله ماشاء الله بنوته زي العسل هاديه وزي الملاك لكن انتي استغفر الله العظيم منك.
جوان بضحك:عاجبك كدا اديني طلعت استغفر الله العظيم.
ندي:والله طنط دي قمر وبحبها اووي .
جوان بخبث:اهاا ما انا عارفه بس بتحبيها هي ولا حد تاني.
ندي:انتي عارفه ان اخواكي دا بعتبره اخوايا يبقي تصفي النيه وتسكتي ماشي ويلا ندخل الاوضه بقي قبل باباكي مايرجع وامشي.
جوان بضحك:بتتكسفي من خيالك انتي ادخلي قدامي يلاا.
وفعلا دخلو الاوضه وقعدوا
جوان:تعالي اوريكي الفيديو اللي عملته اخر حاجه شفيته ولا لاء اوعي تقولي لا هزعل.
ندي:شفته يخربيتك والله حسيتك هتطلعي من الفون وتخنقي رجال الاعمال.
جوان بزهق: وبعد كدا ياريت حد شاافو عدد قليل جدا اللي شافوا، تعرفي نفسي اركب التريند بقي وابقي مشهور والناس تشوفي فالشارع وتجري عليا وتتصور معايا.
ندي:فوقي من خيالك كفايه تخيل يااختي.
وفضلو يتكملو في حاجات كتير مع بعض

********************

عند مدحت
قاعد يفكر ازاي يوصل ل جوان ويقنعها انها تعمل فيديو وتشوه صوره ايااان ودخل عليه مرسي
مرسي:مالك بس يا باشا.
مدحت:بفكر ازاي هخلي البت دي تعمل اللي انا عايزوا، تفتكر هتوافق ولا هتعصلك معايا.
مرسي:يا باشا محلوله احنا نهددهاا باهلها وطبعا هتتطر تعمل اللي احنا عايزينوا.
مدحت ضحك بشر:دمااغك سم بس اجمعلي كل المعلومات عن البت دي عشان نخلص بقي.
مرسي:اؤمرك يا باشا بجمع المعلومات عن البت متقلقش انت، بس هتسهرنا فين النهارده حلاوه افتتاح النار علي اياان المعز.
مدحت:المكان اللي انت عايزوا ولو حصل اللي انا عايزوا هنقلك نقله تانيه لايمكن كنت تحلم بيها حتي.
********************
عند اياان
رجع البيت لقي مامته فريده واخته كنزي قاعدين اول ما كنزي شافته جريت عليه
كنزي:ابيه ايان وحشتني.
اياان:قلب ابيه عامله ايه واخبار الكليه معاكي.
كنزي بضيق مصطنع: متفكرنيش يا ابيه، نفسي اخلص بقي عشان انام براحتي من غير مااصحي الصبح  عشان عندي محاضره بدري.
فريده:قال البت بتصحي بدري يعني دا انتي بتطلعي روح الداده لحد ماتصحي،سيبك منها ياا حبيبي وتعالي اتعشي وكمان عايزاك في حاجه كدا.
ايان:بالهنا ليكم انا اتعشيت مع معاذ ، خير يا ست الكل قوليلي اي الحاجه اللي عايزاني فيها.
كنزي كشرت: وانا يا مامي مش هتقوليلي تعالي اتعشي ولا انا بنت البطه السودا وابيه ابن البطه البيضه.
فريده باقله حيله:تعالي اتعشي يا بنت البطه السودا وانتي ساكته.
وقعدت كنزي وفريده اتعشوا وبعدين قعدوا مع ايان في الليڤنك
فريده:بكرا ترجعوا بدري انتو الاتنين عشان عندنا ضيوف.
ايان:خير يا ماما ضيوف مين.
فريده:سوزي صحبتي هي وبنتها چنا جاايين يتغدوا معانا بكرا.
اياان بزهق:نفس الحكايه تاني يا ماما قولتلك قبل كدا 100 الف مره انا مش هتجوز بالطريقه دي وبعد اذنك بقي انا اطلع انام.
فريده:انا مش عارفه البت عيبها ايه دي قمر وشيك اووي، وبصت علي كنزي وقالتها. وانتي كمان تعملي زي اخوكي.
كنزي بتكتم ضحكتها: بصراحه يا مامي انا بحب انطي سوزي بس بنتها دي مش بحبها مش عارفه ليه حاجه من عند ربنا وعن اذنك انا كمان طلعه انام.
وطلعت اوضتها
فريده باستغراب:مالها البت زي القمر وربنا ولا هما شايفين حاجه مش شايفها.
*****************
عند جوان
ندي كانت لسا قاعده مع جوان
ندي بخضه:نهااار اسوح الوقت اتاخر وانا قاعده برغي معاكي، اقوم امشي تلاقي ماما مستنيه في البلكوونه.
جوان بثقه مصطنعه: ياا بنتي انا القاعده معايا حلوه ومتحسيش بيها، خليكي بايته معايا.
ندي وهي بتمسك موبايلها وشنطتها:مش هينفع النهارده مره تانيه ان شاء الله.
وخرجت من اوضه هي وجوان لقيت بابا جوان وامها قاعدين بتفرجوا علي ال Tvسلمت عليهم وام جوان عزمت عليها تتعشي معاهم بس هي رفضت ونزلت مشيت علي بيتها.
جوان بصت لابوها وامها وقالت بغمزه: قاعد انت يا باشا مستفرد بالمزه كدا.
ساميه: اشد شعري منك عيب يا بنتي اعقلي بقي شويه.
المحمدي ابوها بيضحك:يا بنتي ارحمي امك  هتموت منك.
ساميه بنفاذ صبر:انت بتعقلها ولا بتشجعها.
جوان بضحك:اسيبكم انا بقي تتصفوا مع بعض،  بس فين مصطفي مش شايفه يعني.
المحمدي: بيتعشي مع اصحابو بره تعالي نتعشي احنا.
جوان بنعس:لا انا يدوب ادخل انام تصبحو علي خير.
المحمدي وساميه:وانتي من اهله.

وخلص البارت ورايكم يهمنا 😂

رايكم في الشخصيات وتوقعاتكم
   

بقلم الثنائي المرح

شيماء جمال &ندا احمد