زواج للشُهرة

الفصل العشرون

اشرقت شمس يوم جديد علي ابطالنا منهم المجروح ومنهم المحتار ومنهم اللي واقع في الحب ومنهم اللي مستني مكالمه من حبيبه،،
ف اوضه جوان وايان جوان قامت دخلت الحمام واخدت  شور واتوضت وصلت فرضها وقعدت ع الكنبه ومسكت فونها وفضلت تقلب فيه شويه لحد ما ايان صحي وقام ودخل الحمام وخرج راح اوضه اللبس ولبس هدومه وشايف جوان محتاره ومتوتره بس ساكت مرضيش يكلمها وراح عند الباب عشان ينزل بس واقفته جوان وهي متردده وقالت،،
جوان::احم ممكن اتكلم معاك دقيقه،، انا عارفه اني غلط لما رديت علي مامتك بالطريقه دي بس مكنش قصدي حاجه والله انا كنت مخنوقه منك انت بس مش قصدي ازعلها هي ...
ايان حس بفرحه جواه ان جوان عرفت غلطها وهتصلحه بس حب يستفزها ابتسم ورد عليها،
ايان:: شطوره عرفتي غلطك فكرتك طفله مش تتحكمي في تصرفاتك،، المهم عرفتي غلطك وهتعتزري ولا هتكابري...
جوان اتختقت من كلام ايان وحست ان مفيش فايده انهم هيصلحو اللي مابينهم ويستمروا الفتره اللي محددينها ع خير ،،ردت وقالت،
جوان::هعتزرلها،،وانت كمان تعتزرلي عالقلم اللي ضربتهولي..
ايان بصلها وبعدين رد::عايزاني اعتزرلك؟..
جوان بصت بعيد وقالت:: مش هتفرق كلها ست شهور وهنتطلق وكل واحد يروح لحاله يعني مش هتفرق معايا...
ايان ادايق من فكره الست شهور والطلاق والافتراق وقالها،،
ايان::يلا ننزل ..

ونزلو لقيوا فريده وكنزي قاعدين ع السفره مستنيينهم واول ما نزلو جوان راحت قدام فريده وقالت،،
جوان::طنط انا اسفه ع طريقتي مع حضرتك إمبارح والله مكنش قصدي،، ارجوكي اقبلي اعتزري...
فريده مبسوطه من كلام جوان وحست ان ايان اختار صح من احترام جوان ف الكلام،،ابتسمت وقالت،،
فريده::حبيبتي انا مش زعلانه منك دا انتي بنتي زي كنزي بالظبط قوليلي انتي ف واحده تزعل من بنتها ولا انتي مش بتعتبريني مامتك يبقي الكلام من عندك انتي بقي...
جوان ابتسمت::دا شرف ليا ان حضرتك تبقي مامتي..
كنزي بغيره::ف ايه ي ست ماما بناتك بقو كتاار وانتي عارفه اني بغير..
فريده حضنت جوان وقالت::هههههه غيري برحتك من دلوقتي جوان بنتي التانيه.....
كنزي بغيره::ماشي ي ماما برحتك ،، وانت ي ابيه قول لمراتك حاجه دي خدت ماما مننا...
كل دا تحت عيون ايان اللي مبسوطه عشان مامته عرفت تحتوي جوان انتبه ل كنزي ورد وقال،،
اياان::ههههه الظاهر اننا هنتركن علي الرف والست جوان هي اللي اخدت مكانا....
جوان::هههههه الظاهر ي طنط الغيره مش من كنزي بس دا ف نااس كتير هههههه...
فريده:: هههههه فكك منهم وافطري،، وبصت علي ايان وكنزي وقالت،، يلا افطرو انتو كمان عشان تلحقو اللي وراكم...
ايان :: احنا بنتطرد ولا ايه دا احنا ولادك ي حجه..
كنزي::ايوا ي ابيه بقينا وحشين دلوقتي،، الاقربون اولي ي ماما دا انا بنتك والله....
فريده وجوان بيضحكوا علي غيرت كنزي وايان،، ردت فريده وقالت،،
فريده::هههههههه عايزا اتكلم مع بنتي التانيه شويه عندكم مانع...
ايان ابتسم::وف حد يقدر ي باشا خدي راحتك يلا ي كوكي اوصلك معايا ههههه...
كنزي::يلا ي ابيه مبقاش لينا مكان،، ولو احتجتينا ي ماما احنا موجودين برضه هههه...
ايان وكنزي مشيو وقعدت فريده مع جوان ف الجنينه، ،،
فريده::بصي ي جوان انا فالاول كنت رفضااكي بسبب الفيديو اللي عملتيه وكمان عشان انك يعني مش من مستوانا بس كنت غلطانه ف نظرتي ليكي ووافقت عشان ايان قالي انه هيكون مبسوط معاكي وهو اختاراك انتي عشان لقي فيكي الانسانه المناسبه لي وكمان ايان بيحبك هو مقلش بس انا حسيته من نظراته ليكي ف انا بقولك الكلام دا عشان تقربي منو وتحافظي عليه والله ايان ابني مفيش احن منه ولا اطيب من قلبه بس انتي حاولي تكسبيه وانتي هتبقي ملكه قلبه،، بقولك الكلام دا عشان تحافظي ع ايان وافتكري ان بيحبك ي جوان وايان ابني لما بيحب حاجه بيحطه ف عنيه ....
جوان متلغبطه من الكلام اللي اول مره تسمعو بس مش مستغربه ان فريده كانت رافضها بس اللي مستغرباه وملغبطها فكره ان ايان بيحبها بس معلقتش وقامت طلعت اوضتها،،
********************
في مكان اخر
......::الوو ايوا عملت ايه..
مجهول2::لسا معملتش حاجه بس متقلقيش انتي لما هلاقي الفرصه الصح هنفذ..
مجهول1::ماشي بس بسرعه عايزا اشفي غليلي منهم...
********************
ف شركه المعز
ايان قاعد هو معاذ بيتكلمو ف الشغل وبعدين معاذ قال،،
معاذ:: تمام كدا الحمدلله الشغل خلص،، المهم قولي عامل ايه مع جوان وابوس ايدك اتكلم من غير غيره انا بطمن ع صاحبي...
ايان ابتسم:::اطمن ي اخويه صاحبك خلاص واقع،، بس فكك مني خلينا فيك انت هتتقدم ل ندي امتي ...
معاذ::اخيرا نطقت روح اعترفلها بقي،، احم ماانا عايزاك تروح معايا اتقدملها....
ايان:::تمام حدد الميعاد وقولي،، لا مش هقولها حاجه هي اصلا مش بتحبي ولا حتي قلبها دق ليا فمش عايزا اكسف نفسي معاها،، هي كل ماتتكلم معايا تقولي هما ست شهور وهنتطلق وانا بجد مبقتش طايق الكلمه دي ولا طايقك انت كمان عشان انت السبب ف فكره الست شهور دي كنت قولت سنه ولا سنتين...
معاذ:::ههههههه يعني انت مش عاجبك الست شهور وعايزاهم سنه ولا سنتين طب مانا لو قولت سنه كانت رفضت وانا اقنعتها بالعافيه،، فانت خليها تحبك ف الوقت دا قبل فوات الاوان...
ايان:::ربنا يسهل،، جوان مش مفهومه محيراني جدا عملت موقف مش لطيف امبارح مع ماما والنهارده اعتزرتلها والغريب ان ماما اعجابها بجوان بان عليها جدا...
معااذ::: مفهمومه جدا ازاي مش مفهومه اعتزارها لطنط يأكد انها انسانه مؤدبه ومحترمه بس انت اللي مش عايز تفهم كدا وكمان جوان تتحب انسانه جميله ولطيفه و ااااههه حرام عليك ي اخي كسرت ايدي...
ايان وهو متغاظ من معاذ بسبب واصفه ل جوان ضربه بازازه ميه كانت قدامه عالمكتب،،
ايان بضيق::: قوم امشي من قدامي مش عايز اشوف وشك تاني...
معاذ:::ههههه مانت غيران كدا روح اعترفلها وحببها فيك قبل فوات الاوان روح قبل ما تضيع الوقت وتندم،، هحدد معاد مع ندي واقولك وابقي هات جوان معاك...
مشي معاذ وايان قاعد بيفكر ف كلام معاذ وفعلا يعترف ل جوان ولا يستني شويه وهل هي ممكن تكون بتبداله نفس المشااعر ولا لاء دماغه واقفت من التفكير قام ونزل من مكتبه ركب عربيته وراح عند مول وواقف بيفكر ينزل يجيب ل جوان اي لحد ما شاف فستان جميل جدا نزل اشتراه ومشي،،
***************
ف ڤيلا ايان المعز
كنزي راجعه من الكليه لقيت مامتها قاعده الجنينه راحت عندها وقالت،،
كنزي::بنتك الجديده سبتك ولا اي...
فريده:::ههههههه ي بنتي اعقلي هتفضلي طفله طول عمراك....
كنزي بغيره::: ي مامي انا من يوم مااتولدت وانتي مامتي انا لوحدي عايزاني اتقبل فكره انك تعتبري جوان بنتك وتشركني فيكي مش عارفه اتقبلها ابدا،، هي جوان شخصيه جميله وانا بحبها والله...
فريده: :: تعالي ف حضني ي مجنونه واعقلي هههههه...
فريده اخدت كنزي ف حضنها وفضلت تطبطب عليها وتضحك ع غيرت بنتها اللي مهما تكبر هتفضل طفله برضه،، وبعدين قامت كنزي من حضن مامتها وقالت،،
كنزي:::هطلع اوضتي اغير هدومي وخارجه مع صحابي...
فريده:::ماشي ي قلبي وخلي بالك من نفسك...

طلعت كنزي اوضتها غيرت هدومها وفونه رن ،،
كنزي:::الوو...
مصطفي::: حبيبي وحشتيني عامله ايه...
كنزي:::كويسه ي قلبي وانت اكتر...
مصطفي::: تعالي نخرج نتعشي برا ...
كنزي:::للاسف مديه معاد لصحابي هخرج معاهم خليها بكرا....
مصطفي بضيق::: خلاص ي كنزي اخرجي مع صحابك سلام...
كنزي:::انت زعلت خلاص هكلمهم واعتزرلهم المهم انت متزعلش ...
مصطفي: :: لا خليكي مع صحابك...
كنزي:::خلاص ي مصطفي بقي هلبس وانزل اقبلك ف الكافيه اللي بنتقابل فيه عشان عايزا اتكلم معاك ماشي سلام بقي..
مصطفي:::سلام ي مجنونتي...
***********
رجع ايان البيت ملقيش حد طلع ع اوضته علطول لقي جوان بتصلي قاعده ع السرير لحد ما خلصت وشالت الطرحه اللي ع شعرها وشعرها اتساب وقلعت الاسدال وكانت لابسه برمود وكات، ايان شافها كدا عرق وبلع ريقه وقال لنفسه،،
ايان لنفسه::: يخربيت جمالك شكلي هضعف لا اجمد بقي ي ايان مش عايزا اعمل حاجه اندم عليها بعدين يااارب صبرني...
وقام ومد ل جوان شنطه هدايا وقال،
ايان:: اتفضلي شوفيه مقاسك ولا عايز تعديل...
جوان باستغراب::: اي دا انا مش عايزا حاجه...
ايان::: طب شوفيه لو معجبكيش اغيرو عشان هتروحي معايا عند ندي صاحبتك...
جوان باستغراب::: عند ندي ليه...
ايان ابتسم:: معاذ هيخطب ندي ...
جوان::: والله كنت حاسه من نظرته ليها والجزمه مقلتليش حاجه....
ايان سرح في شكل جوان وهي بتتكلم اما جوان فرحانه لصحابتها ومسكت الفون واتصلت ب ندي،،

   والبارت خلص

مفيش تفاعل ليه ي جماعه هي الرواية مش عجباكم ولا اي محدش بيعمل فوتو غير اتنين تلاته والله ربنا عالم احنا بنتعب في الكتابه قد ايه فياريت شويه تقدير منكم..

مواعيد الرواية السبت والاربع ان شاء الله.

بقلم الثنائي المرح
    شيماء جمال&ندي احمد