زواج للشُهرة

الفصل الخامس عشر

وعدت الايام وكل يوم ايان يكلم جوان شويه يضيقها وشويه يكلمها بهدوء وحنيه، ومش عارف احساسه اللي بيحسه من نحيتها اي،
اما معاذ بيروح مع ايان اي مكان هيقابل جوان في عشان ندي بتكون معاها،
ومصطفي علطول بيكلم كنزي ومستني بعد فرح جوان وايان عشان يتقدملها،
وفريده لسا برضه مش متقبله جوان بس ساكته عشان ابنها،
وساميه والمحمدي مبسوطين ل جوان وحبو ايان وحسوه ان هو دا الشخص المناسب لبنتهم،
اما جوان بقي مستنيه انتقام ايان ليها باي طريقه ونفسها ال 6 شهور دول يخلصو عشان ترتاح،
وندي ملاحظه نظرات معاذ ليها وبتحس بدقه ف قلبها لما تشوفوا بس مش عارفه تفسر دا بايه،
وخلاص خلصت كل تجهيزات الفرح وحجزوا القاعه وجهزوا كل حاجه معادا الفستان ايان قالهم انه هيجيبو هو مفاجئه ل جوان ومش هتشوفوا غير يوم الفرح،
**************
وفي يوم قبل الفرح ب3 ايام قاعده جوان في اوضتها جتلها اشعار رساله مسكت الفون وفتحت الرسايل واتصدمت
جوان:مش معقول اي دا انا مش مصدقه بس مين دي.
ولقيت اسكرينات شات فضلت تقرا الكلام وهي مش مصدقه،
جوان: مش كفايه صور لا كمان اسكرينات.
وفي الوقت دا دخلت ندي لقيت جوان بتكلم نفسها
ندي:نهار اسوح يا جوان بتكلمي نفسك انتي اتجننتي يابنتي ولا ايه.
جوان:بصي في رقم بعتلي صور واسكرينات للاستاذ ايان،انا بجد مصدومه ازاي يعمل كدا.
ندي بمكر:وانتي زعلانه لي مادام مش بتحبيه فين كلامك اللي قولتيه دلوقتي غيرانه عليه.
جوان:لا طبعا مش غيرانه بس كرمتي انجرحت لما شفت الصور دي، ازاي يعني يتصور وهو حاضن واحده كدا ولا الاسكرينات كلها حب وقله ادب.
ندي:قله ادب اي بس دا بيعبر عن حبه زعلانه لي، بس مين اللي بعتلك الحاجات دي ما ممكن يكون كل دا فوتوشوب.
جوان:ومين لي مصلحه يعمل كدا،بقوك فكك انا كده كده مش فرقلي كلها 6 شهور وارتاح منه للابد.
وفضلو يرغوا شويه وبعدين مشت ندي
*****************
وجه اليوم اللي الكل مستنيه يوم فرح جوان وايان
ايان اخد جوان ووداها الفندق اللي هتجهز فيه وكمان فيه القاعه اللي الفرح هيتعمل فيها وكمان ايان حجز جناح لمده يومين يقعدوا فيه،
وصلت الفندق جوان وندي معاها دخلو الاوضه اللي هتجهز فيها جوان واتفجأت بفستان جميل جدا، وبدئت الميكاب ارتست تخلص ولبست الفستان وحطت اخر لمسات وبقيت زي القمر والفرح بدء والماذون جه وايان طلب من المحمدي يطلع يجيب جوان من فوق
ايان كان لابس بداله سودا وتحتها قميص ابيض وجزمه سودا ومضبط شعره وكان وسيم جدا وكل البنات كانت بتتمناه ليها،
ومعاذ كان لابس زي ايان بالظبط
وندي كانت لابسه فستاان موف طويل ومسيبه شعرها كانت جميله جداا،
وكنزي لابسه فستان كشمير قصير ومسيبه شعرها وكانت قمر،
ومصطفي كان لابس بداله زرقه وتحتها قميص ابيض وجزمه سودا وكان فعلا وسيم بحق،
اما فريده لابسه فستان اسود طويل ومسيبه شعرها،
وساميه لابسه فستان بيج وفيه حزام اسود وحاطه طرحه بلون الحزام عشان هي محجبه(عشان الحج المحمدي بيغير عليها ههههههههه)
والمحمدي لابس بداله سودا وتحتها قميص ابيض وجزمه سودا،

طلع المحمدي يجيب جوان ونزل بيها من علي السلم اول ماشفها ايان اتسحر بجملها،
ومعاذ شاف ندي قلبه دق بسرعه وسرح في جمالها،
نزل المحمدي وسلم جوان ل ايان وقاله،
المحمدي بابتسامه: الف مبروك يا ابني اديتك حته من قلبي حافظ عليها.
ايان ابتسم:في عنيا يا عمي متقلقش.
وخد جوان قاعدها علي الكوشه وراح قاعد جمب الماذون عشان يكتب الكتاب وفعلا كتبو الكتاب والكل باركلهم وايان راح عند جوان وهو مبتسم وقالها،
ايان:مبروك يا حرمي المصون بقيتي مدام ايان المعز، نبدء بقي في الانتقام.
جوان:هما 6 شهور وهيخلصو وكل واحد يروح لحاله.
ايان اضيق من فكره الطلاق بعد 6 شهور:ربنا يسهل افردي وشك دا مش عايزين حد ياخد باله.

علي جمب بعيد كان مصطفي واقف وماسك ايد كنزي وهي بتحاول تفلت ايدها منو ومش عارفه،
كنزي:سيب ايدي الناس هتاخد بالها.
مصطفي:نفسي افقع عنين الناس دي وانتي السبب بلبسك دا، قالتلك متلبسيش حاجه ملفته ولا تلبسي قصير حضرتك رحتي ولبستي برضه.
كنزي بضحك ودلع:حبيبي الغيور ههههههه.
مصطفي: انتي مش عارفه انا حاسس بايه دلوقتي بطلي دلع عشان متندميش.
كنزي:سافل بطل قله ادب واوعي كدا لاحسن حد يشوفنا.
مصطفي:صفي النيه انا بتكلم علي عيون الناس اللي هتاكلك.
******************
اما علي جمب تاني ندي رايحه تشرب مسكت الكوبايه لقيت ايد بتمسك الكوبايه برضه بصت لقيت معاذ.
معاذ:اسف جدا ماخدتش بالي والله.
ندي بتوتر:ح ح حصل خير مفيش حاجه.
معاذ:تسمحيلي اتكلم معاكي شويه ندردش عادي بما اننا صحاب العرسان.
ندي:ههههه معاك حق والله هما خلاص هيتجوزو وينسونا.
معاذ:وانتي مش مرتبطه ولا بتحبي ولا حاجه، ممكن تحصليهم يعني.
ندي:لا ابدا مفيش اي حاجه الحمدلله سنجل.
معاذ:مش بتفكري ترتبطي ولا حاجه، يعني لو في حد جد وعايز يتجوزك مش هتوفقي.
ندي حست انه بيتكلم عن نفسه: علي حسب الشخص لو مناسب لي تمام،بس بمعني كلام مش مناسب بالنسبه للفلوس والمستوي المعيشي لا مناسب بشخصيته بيحبني ومحترم.
معاذ عجبه تفكيرها ابتسم وقال:ربنا يبعتلك اللي يستهلك ويسعدك، تحبي ترقصي بما اننا صحاب العرسان ههههههههه.
ندي:اوك يلا بينا.
وراحو علي الاستدج ورقصوا مع جوان وايان اللي بدئو يرقصوا وهما بيمثلو الفرحه علي وشهم او بمعني اصح جوان بس لان ايان فعلا فرحان بس مش عايز يبين دا،
هما وبيرقصوا ايان بص في عين جوان وقال.
ايان: ايوا كدا افردي وشك عشان مرزعكيش بوسه قدام الناس.
جوان اتفجأت بكلامه وقالت:انت بتقول اي لم نفسك ي قليل الادب.
ايان مبسوط وهو بيضيقها:لسا مشفتيش قله ادب واوعدك هورهالك.
وقرب منها وبسها بوسه طويله في بقها وبعدين شالها ولف بيها كل الشباب اللي في الفرح صفرو اما البنات بتحسد جوان علي ايان،
جوان بصدمه:انت عملت اي انتي واحد قليل الادب وسافل.
ايان باستمتاع:ماانا قولتلك لسا مشفتيش السفاله واوعدك هتشوفيها، ثم انتي مراتي اعمل اللي انا عايزا.
جوان:بس متنساش ان هما 6 شهور.
ايان جه يتكلم قطع كلامه معاذ لما قاله بغمزه
معاذ:اهدي شويه راعي مشاعر السناجل لما تتطلع فوق بقي بس بالراحه علي صحتك ههههههه.
جوان وشها بقي عباره عن حتت طماطم وايان بيضحك ل معاذ وقال
ايان:اتشطر وحصلني هههههه.
معاذ:قريب ان شاء الله ادعيلي انت بس.

وكفايه عليكم كده 😂😂

رايكم في البارت

بقلم الثنائي المرح

شيماء جمال &ندي أحمد