زواج للشُهرة

الفصل الخامس

اشرقت شمس يوم جديد واول يوم ل جوان في الشغل قامت وواخدت دوش وواتوضت وادت فرضها ولبست هدومها كانت عباره عن بنطلون اسود وعليه تيشرت طويل لونه كشمير وشنطه كشمير وكتشي كشمير ومسيبه شعرهاا البني وخرجت من الاوضه لقيت الكل متجمع علي سفره الفطار وقالت،
جوان: صباح الخير.
الكل:صباح النور.
مصطفي:خلااص مستعده.
جوان:ان شاء الله دعواتكم معايا،وبصت لامها وقالت، بالذات انتي يا ست الكل.
ساميه:ربنا معاكي ويوفقك يا بت بطني.
المحمدي:طب يلا خلصي فطار عشان اوصلك في سكتي.
جوان:خلصت يلا بينا.
ونزلت من باباها ووصلها بعربيته لحد شركه الشرقااوي ونزلت من العربيه ودخلت الشركه وراحت عند الاستقبال وسألت عن مرسي وكمان هو كان مدي خبر للاستقبال ان لما تيجي جوان يعرفوه وطلعت فوق في الدور اللي في مكتب مدحت وراحت عند السكرتيره اللي عندها خبر ان لما جوان تيجي تدخلها علطول متسبهاش بره وفعلاً السكرتيره كلمت مدحت وعرفته ودخلت جوان وقابلت مدحت وكان مرسي قاعد معاه مدحت لما شاف جوان اتسحر فيها لان جوان جميله جدا وملامحها تفتن اي حد، مرسي لاحظ عينه اللي علي جوان حمحم وقال.
مرسي:احم احم يا باشا رحت فين، وبص علي جوان وقال، اتفضلي يا انسه جوان .
جوان:مرسيي يا فندم.
مدحت:ندخل في الشغل علطول، انا بنفسي اللي هعمل انترفيو معاكي.
جوان ابتسمت بس من جواها مش طايقه مدحت حاسه احساس غريب من نحيته:شرف ليا يا فندم، اتفضل يافندم ال Cv بتاعي.
وفعلا مدحت اخد الCv من جوان وبص في وقالها
مدحت:كله تماام تقدري تستلمي الشغل من دلوقتي لو حبيتي، وبص ل مرسي وقال، تجيب مكتب يا مرسي هنا ل جوان، ورجع بص ل جوان وقال، لو تسمحيلي اقولك جوان مو غير القااب.
جوان:طبعا يا فندم، عايزه افهم طبيعه الشغل هيكون ازاي عشان بصراحه اول مره اشتغل.
مدحت بابتسامه:طبعا هتفهمي،بس دلوقتي تمضي العقود وبعدين ومرسي معاكي وهيفهملك كل حاجه.
وفعلا مضوا العقود ومرسي فهمها انها هتعمل دعايه واعلانات علي النت للشركه واتفقوا ان هيعملو اكونت باسم الشركه وهتبدء تنرل الاعلانات،
مرسي بص ل مدحت وقال:كله تمام يا باشا الانسه فهمت كل حاجه وهتستلم الشغل من اول بكرا.
مدحت:تمام كدا خلاص يا جوان تقدري تتفضلي دلوقتي.
ومشت جوان وهي مبسوطه انها اشتغلت وكمان هتتشهر وهي عايزا كدا.
اما عند مدحت ومرسي
مرسي:يا باشا عينك كانت هتاكل البت و دا ممكن يبوظ الخطه، وكمان ال Cvبتاعها مكنش لي لازمه.
مدحت وهو بيفكر في جوان بخبث:البت حتت ملبسه ومكنتش اعرف انها بالجمال دا ولا الجسم دا بس خلااص بقت تحت ايدي، اما بالنسبه لل (السي ڤي) فدا عشان المزه متفكرش ان في حاجه غريبه واهي مضت علي العقود وكمان مضت علي الورقه اللي علي بياض ومخدتش بالها وهو دا اللي عايزينوا نسيبها بقي كام يوم تطملنا وبعدين نلعب علي التقيل.
مرسي بيضحك بخبث:دماغك سم يا باشاا،بس اوعي تنسي مرسي حبيبك بعد ما تكتفي من المزه.
مدحت:ودي حد يكتفي منها وضحك بخبث وشر وقال، شكلنا هنتمتع ونتسلي يا مرسي.

********************
مشت جوان وهي مبسوطه ورجعت البيت كلمت ندي وقالتلها انها اشتغلت وندي فرحتلها من قلبها واتفقوا انهم هيخرجوا يحتفلو
**********-*******
عند ايااان كان عنده اجتمع وخلص ودخل مكتبه ودخل وراه معاذ وقعد
اياان: عملت اي جبت المعلومات عن البت دي.
معاذ:علي فكره ابويا شريك ابوك يعني مش شغال عندك انا.
اياان بيضحك:يا عم ماانت عارف مش بامن حد غيرك يبجبلي اي معلومه، بس المهم قولي عرفت ايه.
معاذ بيضحك:عرفت كل خير البت دي اسمها جوان المحمدي وعايشه مع ابوها وامها واخوهاا وهي من البنات بتاعت السوشيال ميديا اللي هما عايزين يتشهروا والنهارده اول يوم ليها في الشغل ولو تعرف كمان هتشتغل فين.
ايان بتفكير:اممم فين.
معاذ:في شركه الشرقاوي، هتشتغل عالنت هتعمل اعلانات للشركه.
اياان:هي خريجه اي.
معاذ:اعلام، ولسا متخرجه جديد.
اياان:لو اللي في دماغي طلع صح يبقي مدحت الشرقاوي هو والبت دي فتحوا علي نفسهم ابواب جهنم.
معاذ:اي اللي في دماغك.
ايان:دلوقتي تعرف بس عايزا حد يراقب البت دي وكل تحركاتها تبقي عندي.

وياترا اي اللي هيحصل بعد كدا
رايكم يهمنا

      بقلم: الثنائي المرح

:شيماء جمال وندي احمد😍