زواج للشُهرة

الفصل السابع

مر اسبوع جوان كل بتروح الشركه وبتحاول متقعدش مع مدحت لوحدها وكل مقبلتها معاه بتكون بوجود مرسي،
عند اياان في الشركه كان شغال علي ورق ودخل معاذ.
معاذ:خلصت الورق يا قلبي.
ايان باستغرب:ياقلبي انت رجعت تحن ولا ايه.
معاذ بحزن:احن للغدر والكدب مستحيل ارجع واحب تاني واتصدم فالاخر.
ايان بحزن علي صاحبه:اسمع كلامي وافتح قلبك يمكن ربنا يرزقك بواحده تنسيك اللي عملته نسرين، ثم انا متاكد ان في واحده شاغله بالك.
معاذ ابتسم:عارف البت اللي كانت مع جوان في الكافيه هي مش شاغله بالي بس احيانا بتيجي علي بالي كدا هاديه كدا وذوق، اتنهد وقال،لكن بالنسبه لقلبي خلاص انا قفلته بالرازه والمفتااح ومش هيتفتح ثم انت اللي مفروض تفتح قلبك انت من ساعه اللي حصلي من نسرين وانت قافل علي نفسك برغم ان طنط فريده كل شويه تجبلك عروسه وانت رافض الموضوع نهائي.
اياان ابتسم لما سمع اسم جوان وقال:اهاا قولتلي صاحبت جوان افتح قلبك يا صحبي وانت هتلاقي اللي تعوضك ان شاء الله، ماما دي حكيتها حكايه كل شويه تجبلي واحده من بنات صحباتها اخر واحده كانت چنا بنت عبدالعزيز الفشاوي، انا رافض الفكره عشان عايز القي البت اللي تستاهل تشيل اسمي مش اي واحده وخلاص.
معاذ:چنا دي بتاعت ولااد كل يوم مع واحد، ربنا يكرمك وتلاقي اللي قلبك يحبها.
ايان:ربنا يسهل، المهم عمر لسا بيراقب جوان ووصل لحد فين.
معاذ:كلمته قبل مااجيلك وهو جاي دلوقتي.
وفعلا جه عمر وقال
عمر باحترام:ايان باشا ازي حضرتك.
ايان بجديه:تمام، عملت اي.
عمر:البت مش بتنزل من البيت غير علي شركه الشرقاوي وساعات بتخرج تقعد في كافيه مع صحبتها وجبتلك كل المعلومات عنها، اسمها ندي محمود الشاذلي وكل المعلومات عنها في الملف دا اتفضل حضرتك.
واداله الملف وخرج، ايان بص علي معاذ لماسمع اسم ندي لقيه ابتسم ابتسامه بسيطه فرح لصاحبه انه بدء يفتح قلبه وبص عليه وقال،
ايان بمكر:الظاهر ندي دي مخطوبه.
معاذ بص علي ايان وقال:وعرفت ازاي.
ايان ضحك وقال:افتح قلبك البت باين عليها محترمه وبنت ناس، وبص في الملف تاني وقال، وكمان هي بنت المحامي محمود الشاذلي.
معاذ اتنهد بحزن وقال:افتح قلبي،واحب تاني واتجرح تاني هما بنات حوا كلهم كدبين.
******************
في فيلا ايان المعز
قاعده فريده مع صحبتها سوزي وبيتكلموا.
سوزي:جينا الاسبوع اللي فات ومشفناش ايان وجيت تاني اهو لوحدي وهو مش موجود برضو قوليلي يا فيري لو مش موافق علي چنا مخليش البت تتعلق بيه.
فريده:يا حبيبتي هو والله مشغول، بس بصراحه هو رافض الكلام في موضوع الجواز دلوقتي.
سوزي بضيق:ماشي برحته انا بنتي كل يوم يتقدملها شاب زي الفل بس هي اللي بترفض.
فريده:ربنا يبعتلها الشاب اللي يحبها وتحبه.
**************
في شركه الشرقاوي مدحت طلب جوان تيجي مكتبه وهو قاعد مع مرسي دخلت جوان وقالت،
جوان:طلبتني حضرتك خير.
مدحت:اتفضلي اقعدي، عايزاك في حاجه مهمه،وبص علي مرسي واتكلم وقال، دلوقتي في واحد شغله كله شمال وعايز يشوه سمعتي.
جوان:المطلوب مني .
مرسي:البااشا عايزا منك خدمه واهو كله بحسابو.
مدحت:تعملي فيديو تتكلمي فيه عن ايان المعز وتشوهي سمعته وتقولي ان شغلوا كلو شمال وبيتاجر في الاعضاء وبيداري دا وراء  شغل الشركه بتاعته.
جوان:بص حضرتك انا شغلي ان اعمل اعلانات لشركه حضرتك مش اشوه سمعت حد، ثم انا اي اللي يثبتلي ان كلامك صح.
مرسي:اسمعي كلام الباشا دا هينقلك حتي تانيه خاالص.
مدحت:من حقها ترفض يا مرسي واحنا كمان من حقنا نطلع الورق اللي معانا.
جوان:ورق اي.
مدحت:الورق اللي حضرتك مضيتي عليه وكمان الشرط الجزائي تتدفعيه.
جوان:انا ممضتش غير علي ورق الشغل وممكن نفسخ العقد وممضتش علي شرط جزئي.
مدحت:هههههههه رد يا مرسي الورق دا مكتوب في انك مستحيل تسيبي الشغل من غير اذني وكمان لازم تعملي كل اللي مطلوب منك،لكن الشرط الجزئي دا انتي مضيتي علي ورقه بيضه وانا بقي كتبت الشرط الجزئي 5 مليون جنيه ادفعي بقي ي حلوه هههههههه.
جوان:دا غش وافتره ازاي دا والمفروض دلوقتي اعمل فيديو يشوه سمعت ايان المعز لااما ادفع الشرط الجزائي.
مدحت:بصي معاكي مهله تفكري فيها واهو معاكي ورق يثبت كلامي علي ايان المعز.
جوان اخدت الورق وخرجت بره الشركه كلها وهي بتبكي ومش عارفه تعمل ايه.
بعد خروج جوان مرسي ضحك وقال
مرسي:هههههه مهله اي يا باشا دي استوت هههههههههه.
مدحت بوقاحه: عايزها برضها وتقلي انا بين ايديك اعمل اللي يعجبك.

رايكم ويتري جوان هتوافق علي طلب مدحت ولا لا

   بقلم: الثنائي المرح

شيماء جمال & ندي احمد

وشكرا للجميله مريم علي غلاف الرواية
3alamAla7lam