زواج للشُهرة

الفصل الثامن عشر

جوان قفلت الفون مع امها وفضلت تعيط انها بتكدب علي اهلها ومش عارفه اخر اللي بتعمله ده ايه ومصيرها مع ايان هيكون ايه وهي عماله تفكر دخل ايان فمسحت دمعها علي طول بس هو كان شافها بس محبش يحرجها وعمل نفسه مش واخد باله وبعد كده خد هدوم ودخل ياخد دوش وجوان قالت لازم اتكلم معاه لما يخرج خرج ايان وكان هيروح ينام بس جوان وقفته
جوان: استني عايزه اتكلم معاك.
أيان: خير في ايه.
جوان وهي مترددة: كنت عايزه اتكلم بخصوص مصطفي وكنزي .
أيان: انتي كنتي عارفه أنهم بيحبو بعض.
جوان: لا والله مكنتش اعرف انا اللي اعرفه ان مصطفى بيحب واحده بس مكنتش اعرف مين.
أيان: ماشي هحاول اصدقك قولي كنتي عايزه تقولي ايه.
جوان: كنت عايزه اقول مدخلش مصطفى وكنزي في
مشكلنا هما بيحبو بعض وملهمش ذنب في اللي بينا.
أيان: وانا ايه إللي يضمنلي انك انتي واخوكي مش متفقين انه يتجوز اختي عشان ينتقم فيها زي ما بعمل معاكي ويلوي دراعي بيها.
جوان: انت بتقول ايه انت فاكر كل الناس زيك وأصلا مصطفى ميعرفش حاجه من اللي بينا هو مفكر ان احنا بنحب بعض بجد وبعدين فكر في اختك هي كمان بتحب مصطفى هتكسر قلبها عشان انتقامك مني.
أيان باقتناع: انا اكيد مش هعمل حاجه تضر اختي وان كان اخوكي فعلاً بيحبها انا مش هقف في وش سعادتهم بس لازم أتأكد الاول.
.جوان : تتأكد ازاي يعني.
.ايان : ميخصكيش.
وسابها وراح بنام
*************************
عند كنزي ومصطفى كانوا بيتكلموا في الفون
.مصطفى :انا خايف ل ايان ميوفقش.
.كنزي :وانا برضو ابيه محدش يتوقع بيفكر في ايه.
مصطفى: تفتكري مش هيوافق عشان انا مش من مستواكم ومش هقدر اعيشك في المستوي اللي عايشه فيه دلوقتي.
كنزي :لا ي مصطفى ابيه مش بيفكر بالطريقة دي وبعدين متنساش انو متجوز اختك.
مصطفى: هو ده اللي مطمني ان جوان اكيد هتحاول. تقنعه أنا مقدرش اعيش من غيرك يا كنزي.
كنزي: ولا انا ي حبيبي يلا تصبح على خير عشان الوقت أتأخر.
مصطفى: وانتي من اهل الخير يا قلبي بأي.
كنزي: باي.
**************************
وعدا اليومين إللي جوان وايان قاعدين فيهم في الفندق وخلاص هيرجعو الفيلا
عند فريده في الفيلا
فريده : مش عايزه أشوف حاجه ناقصه نظفو الجناح بتاع ايان واعملوا كل الاكل إللي ايان بيحبه.
.الخدم حاضر يا فريده هانم.
كنزي: ايه كل ده ي ماما محسساني ان ابيه ايان كان مسافر ده كلهم يومين في الفندق ههههههه.
فريده : بس ي بنت اخوكي وحشني اوي حتي لو يومين اول مره بيعد عني وبعدين دي اول مره يدخل البيت مع عروسته لازم نستقبلهم.
كنزي: خلاص ي ماما انا هطلع اغير هدومي وانزل عشان هما خلاص علي وصول.
فريده :ماشي ي حبيبتي روحي.
*************************
عند جوان وايان
أيان: خلصتي ولا لسه.
جوان: خلاص خلصت هغير هدومي ونمشي.
أيان: تمام بس قبل لما نمشي هقولك ع شويه حاجات وياريت كلامي يتنفذ.
جوان : عايز اي.
ايان: أولا هنتصرف عادي قدام اهلي زي اي اتنين متجوزين ومش عايزه حد يشك في حاجه ثانياً مش عايز حد يشتكي منك وتحترمي امي ومش عايز اسمع منها شكوه وإلا هندمك اظن كلامي مفهوم.
جوان بضيق: ياريت متتامرش عليه انا مش شغاله عندك وبعدين انا اخر همي اعمل مشاكل مع حد هما ست شهور هقضيهم وكل واحد يروح لحاله.
ايان ببرد :ماشي يلا عشان نمشي.
************************
في الفيلا وصل أيان وجوان وفريدة كانت في استقبالهم
فريده: حبيبي عامل ايه واحشتني اوي.
أيان: الحمدلله ي امي وبعدين هما يومين اللي غبتهم ي قلبي مش مستاهله كل ده هههههههه.
كنزي: لسه كنت بقولها كده ي ابيه والله هههههههه.
فريده: انتو بتقوله كده عشان لسه معندكمش ولا لكن لما تخلفوا هتعرفه احساسي.
أيان: خلاص ي ماما انتي قلبتيها دراما ليه كده هههه.
فريده :ماشي اضحكو براحتكم.
كنزي: عامله ايه يا جوان.
جوان: الحمدلله ي حبيبتي انتي عامله.
كنزي :الحمد لله ي جوجو.
فريده: ايه ي جوان عامله ايه مع أيان ياريت متكنيش مزعلاه.
جوان بضيق: الحمد لله كويسين ي طنط.
أيان بيغير الموضوع: ايه يا ماما مفيش اكل ولا ايه انا جعان.
فريده ازاي ي حبيبي انا خليتهم يجهزو كل الاكل اللي بتحبه تعاله يلا اتغدا واطلع ارتاح انت ومراتك.
أيان تسلمي يا ست الكل
وبص لجوان يلا ي حبيبتي تعالي .
وفعلاً راحوا اتغدوا وبعد كده أيان خد جوان وطلعوا الجناح بتاعهم ولما دخلوا اتفاجئو بان الجناح كله متزين علي اساس اوضة عرسان
أيان بضحك: ماما فاكره اني عريس بجد ومظبطه الدنيا متعرفش إللي فيها هههههههههه.
جوان: انا هدخل اخد شور .
وراحت فتحت الدلاب لقت اغلب الهدوم قصير وبتاعت عرايس اتكسف وخدت بجامه بسرعه وقفلت الدلاب ودخلت الحمام
ايان كان قاعد علي كرسي في الاوضه وسمع باب الحمام بيتفتح بص لقه جوان خارجه من الحمام ولابسه بجامه بانطلون برموده وفلنه حمالات وكانت جميله جداً وشعرها نازل علي كتفها وبينقط ميه علي دراعها ايان سرح في جمالها فاق علي صوت جوان وهي بتقول
جوان: انا هنام فين دلوقتي مفيش اي حاجه انام عليها.
أيان: انتي هتنامي علي السرير هنا جنبي.
جوان :لا طبعا مستحيل.
ايان :متخفيش انا لو عايز اعمل حاجه محدش يقدر يمنعني لان ده حقي فاسمعي الكلام احسنلك.
جوان من غير ما ترد راحت ونامت اخر السرير علي الجنب بتاعها.
ايان في نفسه وبعدين معاكي ي جوان انا مش عارف ايه إللي بيحصلي صبرني يارب و راح نام في الجنب بتاعه.
*********************
عند ندي كانت قاعده في اوضتها فجأة فونها رن بصت لقت رقم مش متسجل مردتش بس الرقم كان عماله يرن كتير فردت

ندي: الوو السلام عليكم.

معاذ: وعليكم السلام كل ده عشان تردي.

ندى عرفت الصوت بس حبت تتأكد:مين معايا
معاذ:انتي مش عرفاني ولا أي انا معاذ صاحب أيان جوز صحبتك.
ندي:اهاا ازيك يا استاذ معاذ.
معاذ:الحمد لله تمام وانتي.
ندى: الحمد لله بس حضرتك بتتصل ليه جوان حصلها حاجه ولا أي.
معاذ:لا جوان كويسه ان كنت عايز اتكلم معاكي انتي .
ندي:انا بخصوص ايه.
معاذ:انا الحقيقة مليش في اللف والدوران عشان كده هدخل في الموضوع على طول الصراحه انا معجب بيكي جداً وكنت عايز اخد رايك عشان اجي اتقدملك.
ندي بكسف: الصراحه مش عارفه اقولك ايه بس ممكن تيجي تكلم بابا واللي فيه الخير يقدمه ربنا.
معاذ:تمام وانا عجبتني فيكي احترامك واخلاقك وان شاء الله هاجي ازركم قريب.
ندي:ماشي مع السلامه.
معاذ: سلام.
ندي قفلت وكانت حاسه قلبها بيدق بسرعه واول مره تحس انها مبسوطه كده.

وخلص البارت

تتوقعوا ايان هيوافق علي جواز مصطفى من كنزي ولا لا

بقلم:الثنائي المرح

شيماء جمال & ندا احمد