زواج للشُهرة

الفصل التاسع عشر

كل سنه وانتم طيبين وينعاد عليكم بالخير والسعادة يا رب 🌸❤️

اشرقت شمس يوم جديد باحداث جديده علي كل ابطالنا منهم اللي مبسوط ومنهم الحزين ومنهم المحتار ،،
في ڤيلا ايان المعز
في اوضه كنزي كانت نايمه وصحيت علي رنت الفون بصت فيه لقيت مصطفي ردت وهي مبتسمه،،
كنزي::الوو صباح الخير..
مصطفي::صباح الفل يا روحي لسا نايمه..
كنزي::صحيت اهو ..
مصطفي::حبيبي شكله كان سهران كنتي بتفكري فيا اكيد انا عارف اكمني واد قمور ومز كدا وبخطف البنات من نظره واحده..
كنزي::مصطفي متختبرش غيرتي عشان مش هتعجبك ،، بس لا يا خفه كنت سهرانه عشان ايان وجوان رجعو من الفندق ،، مش هتيجي تسلم علي اختك..
مصطفي::حبيبي الغيور ان شاء الله اقول ل بابا و ماما ونروح نشفوها بالليل بس لازم تكوني موجوده عشان اشوفك وملي عنيا منك يا قمر انت..
كنزي::بطل كلامك دا انت مش نازل الشغل..
مصطفي::ههههه بتتهربي مني ماشي،، ومصيرك يا ملوخيه تيجي تحت مخرطي ومش هسمي عليكي(الجمله دي بتاعي بقولها علطول😂😂جملة شيماء مش انا 😂 نرجع للروايه بقي عيب)
نازل بس حبيت اسمع صوتك قبل ماانزل نفسي اشوفك وشك دلوقتي اكيد بقيتي فروالة ههههههههههه..
كنزي::سلام..
وقفلت الفون وقامت اخدت دوش وصلت ونزلت،،،
اما عند مصطفي طلع من اوضته لقي مامته بتحضر الفطار وباباه بيصلي وخلصوا وفطروا وقالهم ان جوان رجعت الڤيلا بتاعت ايان وخلص فطار ونزل شغله،،،،،
***********
في ڤيلا ايان
في اوضه ايان وجوان
صحي ايان وبص علي جوان ملقهاش وسمع صوت باب الحمام بيتفتح وجوان خارجه منو بص عليها وحس انه عايزا يخدها في حضنه لكن بص الناحيه التانيه ومسك فونه وبص في الساعه وقام دخل الحمام،، اما جوان خرجت من الحمام عملت نفسها مش واخدا بالها من ايان وفرشت المصليه وصلت فرضها وبعدين سرحت شعرها وخرج ايان ودخل اوضة اللبس لبس هدومه وسرح شعرها وبص ل جوان وقال،،
ايااان::جاهزه ننزل..
جوان::ايوا جاهزه،، بس ممكن طلب ..
ايان::اتفضلي..
جوان::ممكن اروح عند اهلي..
ايان::هههههه تروحي لا هما جايين متتعبيش نفسك..
جوان::مكلمتهمش وميعرفوش اني جيت هنا..
ايان::انتي غبيه ولا شكلك كدا يا بنتي تلاقي كنزي قالت ل مصطفي هههههه وهما هيجولك وبعدين ابقي روحيلهم،، ولو عايزا تكلمي ندي كلميها وخليها تيجي..
جوان بشكر::شكرا يلا ننزل..
ايان::يلا وقدام ماما وكنزي احنا مفيش اسعد مننا بدل ما اعرفك مين ايان المعز..
جوان مشيت قدامه ومتكلمتش خاالص ونزلو لقو كنزي وفريده مستنينهم علي السفره ايان سلم علي امه وباس ايدها وقال
ايان::صباح الخير..
فريده:: صباح الفل يا حبيبي يلا اقعد افطر انت وعروستك..
كنزي بزعل مصطنع::جوان شكلها هتاخدك مني يا ابيه..
ايان بضحك::ليه بس يا قلب ابيه محدش يقدر يخديني منك ابدا دا انتي الحته الاجنبيه بتاعتنا..
كنزي::ايوا اضحك عليا بكلمتين،، بامارة ماجيت ومسلمتش عليا..
ايان باس راسها ::حقك عليا دا انتي بنتي مش اختي الصغيره..
فريده بضحك علي ولادها::طيب سيبي اخواكي يفطر..
كنزي::هو انا مسكاه ولا ايه..
ايان::ههههههه خلاص يا بنتي انتي عمرك ما قعدتي ساكته ابدا هههه...
كل دا تحت عنين جوان قاعده بتبص عليهم مستغربه ايان بيحب مامته واخته ازاي برغم انه ميبنش عليه واستغرب من فريده ومن محبتها لولادها وحاسها انها مدايقه منها ومش متقبلها، واستغربة من كنزي اللي شبه الطفله مع ايان ومامتها وبتفكر في حياتها كانت حلوه ازاي قبل ظهور مدحت وايان كانت عايشه حياه سعيده بس القدر غيرها في يوم وليله، وفجئ فاقت علي صوت فريده وهي بتقولها
فريده:: جوان مش بتاكلي لي ..
جوان::ابدا يا طنط باكل اهو..
كنزي::بتفكري في مين ابيه اهو هههههه..
ايان::بس يا لمضه ههه..
فريده::سيبك منهم يا جوان وكلي واتغذي كويس عايزا اشيل حفيدي قريب ان شاء الله..
جوان بسخريه::هه ان شاء الله بعد اذنكم شبعت..
::استني هنا
ودا كان صوت ايان اللي هز حيطان البيت كلو،
ايان::انتي ازاي تتكلمي مع ماما بالاسلوب دا دا جزاتها انها خايفه عليكي وعلي صحتك..
جوان مش عارفه تقول اي ساكته خاالص وايان بيزعق فيها مستحملتش اكتر من كدا وطلعت علي اوضتها وفضلت تعيط
وسمعت صوت الباب لقيت ايان وراها مسكها من شعرها وضربها قلم وقال
ايان::مادام بكلمك متمشيش من ادامي وقالتلك قبل كدا وهقولك تاني امي فوق راسك تحترميها غصب عنك ولو شفتك دايقتيها بكلمه ولا حركه انتي الحره بقي هتندمي والله وقتها ومش هعيد كلامي تاني..
كل دا تحت عيااط جوان واللي عنيها بقت حمره من كميه العياط ونامت مكانها من التعب،، اما ايان سابها ومشي راح الشركه لقي معاذ في وشه
معاذ::اهلا بالعريس..
ايان::اهلا يااخوايا،، الشغل ماشي تمام ولا الدنيا باظت ..
معاذ:: لا تمام اوويي كمان المهم انت مالك اي اللي خانقك كدا اوعي تكون اتخنقت مع جوان..
ايان بغضب::متجبش سيرتها علي لسانك انت فاهم..
معاذ::هههههه قولتلك بتحبها اهو غيرتك عليها باينه في عنيك متكبرش واعتراف وريح نفسك وريحها..
ايان::طب امشي علي مكتبك دلوقتي
خلص الشغل اللي وراك وتعالي نروح الڤيلا اتعشي معانا النهارده..
معاذ::انت مش طبيعي يابني والله بس اشطا حتي بالمره اسلم علي جوان..
ايان::غور من قدامي يا زفت مفيش عشا..
معاذ بخوف مصطنع::خلاص خلاص مش هسلم علي حد هههههه..
ومشي راح مكتبه،،
*************
عند جوان. صحيت وهي لسا مكانها وباقي الدموع علي خدها افتكرت اللي حصل وانهارت في العياط تاني وسمعت صوت فونها بيرن كانت هتطنش بس لقيت ندي ردت بسرعه وهي بتعيط،،
جوان::ندي محتاجاكي عايزاكي جمبي ارجوكي تعالي ..
ندي بخوف علي صحبتها::جوان حبيبتي اهدي مالك في ايه طب بالراحه عشان افهم في ايه..
جوان::تعالي يا ندي محتاجاكي..
ندي::طب انتي في الفندق ..
جوان::لا رجعنا الفيلا ..
ندي::ماشي خلاص ساعه بالظبط واكون عندك..

وفعلا بعد ساعه كانت ندي قاعده مع جوان في الاوضه وجوان بتعيط وبتحكي ل ندي وندي بتعيط علي عياط صحبتها وصعبانه عليها جدا، الباب خبط ودخلت الشغاله وعرفت جوان ان اهلها جم جوان لما سمعت ان مامتها تحت نزلت تجري واترمت في حضنها وفضلت تعيط كلهم استغربو فالاول شكل جوان بس ندي فهمتهم انها متوحشه مامتها وان دا العادي بتاع اي بنت بتشوف مامتها بعد جوازها،وبعدين هديت شويه في حضن مامتها كلهم قاعدين معادا ايان سال عليه مصطفي،
مصطفي::ايان مش موجود ولا ايه..
فريده::نزل الشركه عشان كان سايب الشغل كله علي معاذ نزل يساعده..
وهما لسا بيتكلمو دخل معاذ وقال،
معاذ::متجمعين عند النبي ان شاء الله..
ودخل ايان وراه بيضحك علي جنان صاحبه شاف اهل جوان سلم عليهم وقعد ومعاذ عينه متشلتش من علي ندي وهي كمان بتخطف نظرات لي، ومصطفي وكنزي كذلك برضه مفيش غير ايان وجوان اللي مش طايقين بعض، واليوم عدا واتغدوا مع بعض وبعدين كل واحد راح بيته،،

و خلص البارت💖
   بقلم الثنائي المرح
   شيماء جمال&ندي احمد