زواج للشُهرة

الفصل الثاني عشر

مر اسبوع علي كل ابطالنا بحلوه ومره وحياتهم رجعت طبيعيه زي الاول معادا جوان اللي مش بتتكلم مع حد غير ندي وبطلت تعمل فيديوز وقاعده علطول في اوضتها، وفي يوم خرجت من الاوضه قعدت تفطر مع اهلها، مامتها فرحت جدا انها اخيرا خرجت من الاوضه وقعدت معاهم وقالت،
ساميه بفرحه:اسفه يا نور عيني ان زعلتلك،
جوان:متتأسفيش يا ماما كل حاجه راحت لحالها خلاص.
ساميه قربت منها الفطار:افطري يا حبيبتي.
وفطروا مع بعض وبابها ومصطفي نزلوا شغالهم وجوان رجعت اوضتها تاني قاعدت ومسكت الفون وجه علي بالها ايان نفخت وقالت لنفسها:اوووف بتيجي علي بالي لي بس،ياارب تكون نستني وارتاح منك بقي.
فونها رن بصت فيه لقيت ايان استغفرت ربنا ومردتش رن تاني ردت وقالت:نعم عايز اي دا انا قلت نستني وارتحت منك،
اياان:مفيش حاجه هتريحك مني غير الموت وبعد كدا اول ما ارن تردي علطول.
جوان:المهم عايزا اي خليني اخلص .
اياان:هكلم باباكي النهارده حبيت اعرفك بس يلا سلام.
وقفل ايان وجوان مضايقه جدا كانت علطول بتحلم تتجوز عن حب وتكون مبسوطه وتجهز كل حاجه في فرحها بايدها بس الحلم دا اتبخر لما شافت ايان.
*************
عند مصطفي في الشغل قاعد بيكلم كنزي
مصطفي:مالك يا قلبي في اي.
كنزي:مفيش انا كويسه.
مصطفي نفخ:ماشي يا كنزي بس انا مش عارف اي النكد دا.
كنزي: مين فينا اللي بينكد انت بتسالني مالك قلت مفيش يبقي اي.
مصطفي:اقفلي يا كنزي انا غلطان اني سايب شغلي وبتكلم معاكي سلام.
وقفل الفون وهو مخنوق ورجع يكمل شغله.
*****************
عند جوان في البيت رجع المحمدي ودخل اوضته غير هدومه وقعد يتغدي مع مراته واولاده وبص لجوان وقال:كنتي تعرفي ايان المعز من قبل حكايه الفيديو.
جوان:شفته مره بس مكنتش اعرفه، بس بتسال لي حضرتك.
المحمدي:عشان النهارده كلمني وطلب ايدك وقال انه شافك قبل موضوع الفيديو دا واعجب بيكي ولو موافقه ييجي بكرا هو واهله يتقدم رسمي.
ساميه:طب وبعد الفيديو برضه لسا عايزا يخطبها.
مصطفي:دا من اكبر واشهر رجال الاعمال يعني الفيديو دا مش هيعمله حاجه وتلاقيه اتنسي اصلا.
جوان:وحضرتك رديت عليه قالتلو اي.
المحمدي:قالتلو اشوفك في الاول.
جوان:طيب انا موافقه.
الكل اندهش ردها السريع حتي مفكرتش.
ساميه باندهاش:مش هتفكري حتي.
جوان:شايفاه شخص مناسب ومكناش نحلم نناسب حد زيه.
وقامت دخلت اوضتها وهي مخنوقه مسكت فونها ورنت علي ندي.
جوان:الو عامله ايه.
ندي:كويسه وانتي مال صوتك مش كنتي اتحسنتي شويه.
جوان:كنت بقي المهم بكرا عايزاكي معايا عشان ايان جاي يطلب ايدي.
ندي:برضه يا جوان هتعملي كدا يا بنتي عرفي اهلك حتي.
جوان:هيعملو اي اهلي يعني اوعي يا ندي لو قولتي لحد حاجه والله هخسرك فيها.
جوان:متقلقيش محدش هيعرف حاجه.
**************
المحمدي كلم ايان وبلغو الموافقه بتاعت جوان وحدد معاه معاد علي بكرا الساعه 7 المغرب.
وعدا الليل وجاه تاني يوم اليوم اللي ايان هيتقدم ل جوان فيه وجه المعاد ووصل ايان هو ومامته واخته كنزي ومعاذ صاحبه دخلو وقعدوا واتعرفوا علي بعض واتكلم ايان وقال
ايان:احم يشرفني ياعمي ان اطلب ايد الانسه جوان واي حاجه حضرتك تطلبها انا تحت امراگ.
المحمدي:الشرف لينا يابني انا كل طلباتي انك تحافظ علي بنتي.
اياان:في عنيا يا عمي.
فريده بضيق:مش هنشوف العروسه ولا مكسوفه.
ساميه:اروح اجيبها.
في اوضه جوان قاعده علي حرف السرير متوتره ومعاها ندي بتحاول تهديها ودخلت ساميه تنده عليها
ساميه:يلا يا بنتي العريس مستني برا.
جوان:حاضر يا ماما خارجه اهو تعالي يا ندي.
ندي:لا طبعا مش هخرج انا.
جوان:بالله عليكي اخرجي معايا.
وخرجت معاها ندي وراحت جوان سلمت عليهم واول ما معاذ شاف ندي قلبه دق وفرح اما كنزي قاعده وعامله نفسها متعرفش مصطفي بس بتخطف نظرات لي وهو كمان كل شويه يبص عليها
وشويه وايان قال:نقرأ الفاتحه بقي يا عمي.
المحمدي:استني يا بني نشوف العروسه ليها طلبات ولا لا، هاا ياجوان ليكي اي طلبات.
جوان:لا يا بابا.
المحمدي:تمام يا بني كدا نقرأ الفاتحه.
ايان:قبل قرايه الفاتحه انا عايز الفرح يكون الاسبوع الجاي.
المحمدي باندهاش:ازاي دا يابني مش هنلحق نجهز جوان.
ايان:انا عايزاها بشنطت هدومه،وكمان احنا هنقعد في الڤيلا يعني مش هتحتاج حاجه، ماتقولي حاجه يا حماتي.
ساميه:والله يابني عمك معاه حق جوان نقصها حاجات كتير.
اتدخلت فريده بضيق:ماقلكم مش عايزا حاجه عايزها هي بس، وانا مصدقت ان ابني فكر في الجواز واخيرا هيتجوز.
مصطفي:ياجماعه الراي راي جوان هي اللي هتتجوز، و يا بابا الفلوس اللي هتجهز بيها جوان حطهالها في البنك باسمها مادام ايان بيه مصمم.
ايان: اهو مصطفي جاب الحل،هاا رايك اي يا عروسه.
جوان:اللي يشوفوا بابا انا موافقه عليه.
المحمدي:ماشي يا بنتي اللي انتي عايزاه بس ملحقتيش تتعرفي عليه والفتره دي قصيره جدا.
ايان:ولا يهمك يا عمي نخلو الفرح اخر الشهر يعني تالت اسبايع من دلوقتي الفتره دي تتعرف عليا وبعد الجواز تتعرف اكتر واوعدك عمري ما هزعلها،وبص علي جوان لقيها حابسه دموعها في عنيها وكمل،وبعد بكرا ننزل والعروسه تنقي الشبكه بتاعتها، هاا مفيش اي اعتراض كدا.
المحمدي:علي بركه الله نقرا الفاتحه.
وقروا الفاتحه والكل بارك ليهم
المحمدي:مبروك يا ولاد ربنا يسعدكم.
ساميه:مبروك يا حبيبتي مبروك يا ايان يا ابني.
فريده بضيق:مبروك.
مصطفي حضن اخته وقال:مبروك يا قلب اخووكي، مبروك يا ايان بيه.
معاذ حضن ايان وقال:مبروك يا عريس، مبروك يا انسه جوان.
كنزي:مبروك يا ابيه مبروك يا جوان.
ندي حضنت جوان وقالت:مبروك يا قلبي، مبروك يا ايان بيه.
جوان وايان:ربنا يبارك فيكم.
وبعدين مشي ايان ومامته وكنزي ومعاذ وكمان مشيت ندي علي بيتها
وصل ايان البيت ودخل وبص ل كنزي وقال
ايان:كنزي انتي تعرفي مصطفي اخو جوان.
كنزي بارتباك:ووواانا اعرفه منين يا ابيه وليه بتسأل.
ايان:اممم ماشي بسال عشان شايف نظرات ما بينكم فكرتك تعرفيه.
كنزي:لا يا ابيه معرفهمش، عن اذنك.
وطلعت كنزي تجري علي اوضتهاـ

والبارت خلص

رايكم يهمنا
  
   بقلم الثنائي المرح

    ♥️ شيماء جمال & ندي احمد