အပိုင်း(၁၅၈၇)
နှစ် ၃၅၀
ကောင်းကင်ပြက္ခဒိန် ၁၀၀၃၄ ခုနှစ်အဆုံးတွင် နှင်းများက ဆက်လက်ကျဆင်းနေခဲ့သေးသည်။ လွင့်ဝဲပျံသန်းနေသည့် နှင်းစက်မှုန်များသည် ထျန်းဟယ်မြို့တစ်ခုလုံးကို ငွေရောင်မြို့တော်တစ်ခု ဖြစ်စေခဲ့သည်။
နှစ်တစ်နှစ်၏ နောက်ဆုံးရက်တွင် တစ်မြို့လုံး အလုပ်ရှုပ်နေခဲ့ကြသည်။ ညကောင်းကင်တွင် မီးပုံးအလင်းတို့ဖြင့် လင်းလက်နေပြီး နေ့ကဲ့သို့ တောက်ပနေသည်။
အိမ်တိုင်းက သူတို့၏ မီးပုံးများကို လွှတ်တင်ကြပြီး လူတိုင်းသည် လမ်းများကို ဖြတ်ကာ ပြေးလွှား လျှောက်သွားနေကြသည်။
ထျန်းဟယ်ဘုံ၏ ဘုံနန်းတော်အတွင်း ခန်းမများတွင် တောက်ပသည့် နတ်အလင်းတို့ဖြင့် တောက်ပနေခဲ့သည်။ အလင်းများသည် ကောင်းကင်သို့ ထိုးဖောက်ကာ ညအမှောင်ကို ခွင်း၍ အလင်းများ တောက်ပလာစေသည်။
ဤသည်မှာ အလွန် ထူးကဲလှသည့် ညတစ်ညဖြစ်ပေသည်။
ထျန်းဟယ်မြို့တွင် ကလေးမလေးတစ်ဦးက အဘိုးအို၏ လက်ကို ဆွဲထားရင်း မေးသည်။ “ဘိုးဘိုး ဒီညက ဘာလို့ ဒီလောက် အသက်ဝင်နေတာလဲ။”
သူမက အလွန် သိချင်နေခဲ့သည်။ သူမသည် ဆယ်နှစ်ကျော်အရွယ်ခန့်ရှိကာ ကိစ္စအတော်များများကို သိရှိပေသည်။ သူမသည် ယခင်က နှစ်သစ်ကူးပွဲတော်များကို မြင်ဖူးခဲ့သော်လည်း ယခုကဲ့သို့ အခြေအနေမျိုးကို မမြင်ဖူးခဲ့ပေ။
ကြည့်ရသည်မှာ ထျန်းဟယ်မြို့သည် လာမည့်နှစ်အတွက် အထူးတလည် မျှော်လင့်ထားပုံရလေသည်။ ဘုံနန်းတော်ပင်လျှင် ကွဲပြားနေသည်ဟု ထင်မှတ်ရသည်။ ထိုသည်ကို အလွန် အလေးတနက် မှတ်ယူနေကြပေသည်။ တစ်မြို့လုံးသည် အတူတကွ ပျော်ရွှင်မြူးတူးနေကြသည်။
“အဲဒါ ဒီနှစ်က ထူးခြားတဲ့နှစ်တစ်နှစ် ဖြစ်လာမှာမို့လို့ပေါ့” အဘိုးအိုက ပြန်ဖြေသည်။
“ထူးခြားတဲ့ နှစ်တစ်နှစ်လား။” ကလေးမလေးက နားမလည်ခဲ့ပေ။
“ဘာလို့ ထူးခြားရတာလဲ။” သူမက ထပ်မေးသည်။
“သမီးလေး အသက်ကြီးလာတဲ့အခါ နားလည်လာမှာပါ။”
