အပိုင်း(၁၆၁၂): ပြိုင်ဘက်ကင်းလှံ
ငွေဖြူရောင်ဆံပင်နှင့် စစ်နတ်ဘုရားတစ်ပါးကဲ့သို့ ချောမောသည့် ပုံရိပ်တစ်ခုက လေထဲတွင် ရပ်နေသည်။
ထိုအချိန်တွင် ရီဖူရှင်းထံမှ တိုက်ခိုက်ရေးစွမ်းအားများက အလွန် ပြင်းထန်နေသည်။ ကောင်းကင်ဓားခန်းမမှ တန်ခိုးရှင်များက မျက်မှောင်ကြုတ်လိုက်ကြသည်။ ဓားစွမ်းအားများကလည်း သူတို့၏ ခန္ဓာကိုယ်မှ ထွက်ပေါ်လာကြ၏။
ရှေ့သို့ တက်လာသူများက သေရလိမ့်မည်။
ရီဖူရှင်းသည် ကောင်းကင်ဓားခန်းမကို သူတစ်ယောက်တည်းနှင့် တားဆီးရန် ကြံစည်နေသည်။
ထို့ပြင် သူသည် ထိုသို့သော ရဲတင်းလွန်းသည့် အမူအရာနှင့် မောက်မာစွာ ပြုမူနေပြီး ကောင်းကင်ဓားခန်းမကို အနည်းငယ်မျှပင် လေးစားမှုမရှိပေ။
ယွမ်ယန်ကလန်မှ တန်ခိုးရှင်များသည် ရီဖူရှင်းကို စိတ်ဝင်စားမှုကြီးစွာဖြင့် စိုက်ကြည့်နေကြသည်။ သူတို့သည် သူ့အား ထိုမျှထိ လွှမ်းမိုးနိုင်စွမ်းရှိမည်ဟု ထင်မှတ်မထားခဲ့ကြပေ။ သို့သော် သူက အမှန်တကယ်ပင် ကောင်းကင်ဓားခန်းမကို ဟန့်တားနိုင်လိမ့်မည်လား။
ဆွစ်... ဆွစ်...
တောက်ပသည့် ဓားစွမ်းအားများက ထွက်ပေါ်လာပြီး ရက်စက်ပြင်းထန်စွာဖြင့် ရီဖူရှင်းထံသို့ တိုးဝင်သွားခဲ့သည်။ ရှန့်ထိုငရဲဓား ဘေးမှ ဓားသမားတစ်ယောက်က ရှေ့သို့ ခြေလှမ်းလာခဲ့သည်။ ပြင်းထန်သည့် လေပြင်းမုန်တိုင်းတို့က သူတို့၏ အနီးဝန်းကျင်တွင် ပေါ်ပေါက်လာပြီး မုန်တိုင်း၏ အလယ်ဗဟိုမှ အသင်္ချေဓားများ ထွက်ပေါ်လာပြီး ရီဖူရှင်းထံ တည့်မတ်စွာ ပြေးထွက်သွားခဲ့သည်။ ဓားများသည် လေဟာနယ်ကို အပိုင်းပိုင်းစုတ်ဖြဲရန် ကြိုးပမ်းလာသည်။
ရှေ့တက်လာသည့် သူများက သေရလိမ့်မည်လား။
သူက သူကိုယ်တိုင် မည်သို့သေရမည်ကို မြင်တွေ့ချင်ပေသည်။
ဟူး...
ရီဖူရှင်း၏ ပုံရိပ်က ရွေ့လျားလာသည်။ သူ၏ လက်က လှုပ်ရှားသွားပြီး လှံက အလင်းတန်းသဖွယ် ဖြစ်လာကာ မုန်တိုင်းဆီသို့ တိုက်ရိုက် ဖြတ်သန်းသွား၏။ သူ၏ အသွေးအသား ခန္ဓာကိုယ်နှင့်ပင် သူသည် မုန်တိုင်းအလယ်ဗဟိုသို့ တိုက်ရိုက်ထိုးဖောက်ဝင်ရောက် သွားလေသည်။
