အပိုင်း(၁၆၁၆): ရွေးချယ်ခြင်း
ကျန်းယွမ်က သောကျောက်ကို ကြည့်လိုက်သည်။ သူက ဒေါသထွက်နေသော်လည်း သောကျောက်၏ လွှမ်းမိုးနိုင်စွမ်းကို ခံစားမိပေသည်။
ထိုအချိန်တွင် သောကျောက်၏ မျက်ခုံးကြား နဖူးနေရာတွင် စစ်နတ်ဘုရား၏ အမှတ်အသားပေါ်ပေါက်လာပြီး ကြောက်မက်ဖွယ်စွမ်းအားတို့ ထုတ်လွှတ်နေသော စစ်နတ်ဘုရား၏ အရိပ်ကြီးက သူ့နောက်တွင် ပေါ်ပေါက်လာသည်။
ကောင်းကင်တွင် နတ်မိုးကြိုးတို့ ပြိုးပျက်လက်နေပြီး ချက်ချင်းပင် သူ၏ အနီး၌ ကပ်ဘေးမိုးကြိုးဝင်္ကပါ ထွက်ပေါ်လာပြီး ကောင်းကင်နှင့် မြေကြီးအကြား အော်မြည်လှည့်ပတ်နေသည့် မိုးကြိုးတို့ကြောင့် ဤလောကသည် အဆုံးမဲ့ မိုးကြိုးကပ်ဘေးတို့ ကျရောက်လာတော့မယောင် ထင်မှတ်ရပေသည်။ သူက ဝင်္ကပါအောက်မှ ခြေလှမ်းလိုက်ပြီး သူ့ရှေ့၌ ကမ္ဘာဖျက်ဓားများ ပေါ်ပေါက်လာကာ နတ်မိုးကြိုးအလင်းတို့ကို ဝါးမျိုပစ်လိုက်သည်။
ခရမ်းရင့်ကောင်းကင်နန်းတော်၏ မဟာလမ်းစဉ် အထွတ်အထိပ်ခန္ဓာပိုင်ရှင် ကျန်းယွမ်သည် အားကောင်းလှသည့် ရန်သူနှင့် ရင်ဆိုင်နေရပေသည်။
ဝုန်း...
ရွှေရောင်အလင်းတစ်ခု ပေါက်ကွဲထွက်လာပြီး သောကျောက်က သူ၏ တိုက်ခိုက်မှုကို စတင်လိုက်သည်။ သူ၏ ခန္ဓာကိုယ်သည် ရွှေရောင်အလင်းတန်းကဲ့သို့ လေဟာနယ်ကို ထိုးဖောက်သွားကာ ကျန်းယွမ်၏ အရှေ့သို့ လျှပ်တပြက်ရောက်ရှိ လာသည်။
“သတ်...” ကျန်းယွမ်က ဒေါသတကြီး အော်ဟစ်လိုက်ပြီး မိုးကြိုးနတ်ဘုရား၏ ပြင်းထန်သောဒေါသကဲ့သို့ ကမ္ဘာဖျက်နတ်ဓားများက အော်မြည်ကာ သူ့အရှေ့မှ အရာအားလုံးကို ဖျက်ဆီးတော့မလို ပြေးထွက်သွားတော့သည်။
သို့သော် သောကျောက်သည် သူ၏ အသွေးအသားခန္ဓာနှင့်ပင် ရှောင်တိမ်းနောက်ဆုတ်ခြင်းမရှိ လက်သီးတစ်ချက် ရိုက်ထုတ်လိုက်သည်။
သူတို့နှစ်ယောက်ကြားတွင် ကြောက်မက်ဖွယ် ဆူညံနေသော ပေါက်ကွဲသံက ထွက်ပေါ်လာသည်။ ပြင်းထန်သည့် ဖျက်ဆီးခြင်းနတ်မိုးကြိုးတို့က သောကျောက်ကို ဝါးမျိုလုနီးပါးပင် ဖြစ်သည်။ တစ်ချိန်တည်းမှာပင် သောကျောက်၏ ခန္ဓာကိုယ်မှ ကြောက်မက်ဖွယ် စွမ်းအားတို့ ထွက်ပေါ်လာပြီး ရွှေရောင်အလင်းတန်းတို့က နတ်ဓားများကို ထိုးဖောက်သွားခဲ့သည်။
