အပိုင်း(၁၆၇၀): အရှက်မရှိတဲ့ခွေးကောင်
ရှောင်မုယွီသည် ရီဖူရှင်းအား လျစ်လျူရှုထား၏။ သူကား သူမမြင်ဖူးသမျှအထဲတွင် အရှက်မရှိဆုံးသော ရန်ဟောင်ဖြစ်သည်။
သူ့တွင် ရန်ဟောင်တစ်ပါး၏သိက္ခာသမာဓိများလည်း မရှိပေ။ သူ၏ရုပ်ရည်ချောမောသည်မှလွဲ၍...။
“ဓားအသိပြီးရင် နတ်ဘုရားအကြွင်းအကျန်နယ်မြေထဲမှာ တခြားဘာတွေ ရခဲ့သေးလဲ” လူတစ်ယောက်က မေးသည်။
လေထဲတွင် နေမင်းကဲ့သို့ ရောင်ဝါများ ထွင်းလင်းနေသော လူတစ်ယောက် ရပ်နေ၏။
သူကား သူရိန်ဘုံ၊ နေမင်းနန်းတော်မှ တိဝူဖြစ်သည်။
တိဝူကား နတ်ဘုရားရတနာများကို ပိုင်ဆိုင်ခဲ့သော လူအချို့ထဲတွင် ပါဝင်သည်။ သူသည်လည်း ထိုရတနာကို အသုံးပြုကာ စတင်ကျင့်ကြံနေပြီဖြစ်သည်။ ထို့ကြောင့် ရီဖူရှင်းအသုံးပြုခဲ့သော အစွမ်းကို တခြားလူများထက် နားလည်သည်။
သူတစ်ယောက်တည်းမဟုတ်၊ နတ်ဘုရားအကြွင်းအကျန်နယ်မြေမှ ထွက်လာသော တခြားလူများသည်လည်း ထိုမေးခွန်းကို မေးလိုကြသည်။
သူတို့သည် အက်ကြောင်းမဲ့ဝင်ရိုးကို ဖွဲ့စည်းနိုင်ခဲ့လျှင်ပင် ကွာဟချက်မှာ သိပ်မကြီးမားကြောင်း သိနားလည်ကြ၏။
သို့သော်လည်း သူတို့သည် နတ်ဘုရားရတနာများကို အသုံးပြုသောအခါ အပြောင်းအလဲအနည်းငယ် ဖြစ်ပွား၏။ သူတို့သည် မဟာလမ်းစဉ်၏နယ်ပယ်နှင့် အလားသဏ္ဌာန်တူသောအရာကို ဖန်တီးနိုင်၏။ သူတို့၏လမ်းစဉ်မှာ ပိုမိုအားကောင်းသန်မာလာသည်။
ယခု ရီဖူရှင်းက လောကျောက်နှင့်တိုက်ခိုက်သောအခါ ထိုခံစားချက်ကို ပေးသည်။
ရီဖူရှင်း၏အကြည့်က တိဝူထံသို့ ရောက်လာသည်။ တိဝူကား ကောင်းကောင်းလေ့လာကြည့်ရှုနိုင်၏။ သူ၏နတ်မျက်လုံးဝင်ရိုးသည် မုန်တိုင်းမျက်လုံးများသက်စောင့်ဝိညာဉ်မှ ဖန်တီးခဲ့ခြင်းဖြစ်သည်။ ထိုသက်စောင့်ဝိညာဉ်ကား ဧကရာဇ်ရီချင်လက်ဆင့်ကမ်းပေးခဲ့ခြင်းဖြစ်၏။ ထို့ကြောင့် ထိုသက်စောင့်ဝိညာဉ်ထဲတွင် ပါဝင်သော မဟာလမ်းစဉ်သည် ရီဖူရှင်း၏မူလလမ်းစဉ်နှင့် ကွဲလွဲမှု ရှိပေသည်။
