အပိုင်း(၁၆၁၇): ကောင်းကင်အာဏာစက် ပြည်ထောင်၏ ကံတရား
ရီဖူရှင်းက တစ်နေရာသို့ ဦးတည်လိုက်သည်။ သူက မမြန်သော်လည်း အလွန် ဂရုတစိုက် ရွေ့လျားနေသည်။
ရွှေရောင်ခန်းမတစ်ခုလုံးတွင် မရေတွက်နိုင်သည့် လေဟာနယ်စွမ်းအင် အမျှင်များနှင့် ပြည့်နေခဲ့ပြီး အထူးသဖြင့် နတ်လက်များအား ချိပ်ပိတ်ထားရာနေရာ၌ ဖြစ်သည်။ ဤရွှေရောင်ခန်းမအတွင်း လက်နက်များက လဟာပြင် ရွှေရောင်လေဟာနယ်အတွင်း တစ်ခုချင်းစီ ချိပ်ပိတ်ခံထားရပြီး အားလုံးသော လေဟာနယ်စွမ်းအားများက ဤရတနာသိုက်တစ်ခုလုံးနှင့် ဆက်စပ်နေခဲ့သည်။
ရီဖူရှင်းနှင့် အခြားသူများက တစ်နေရာသို့ ရောက်သွားခဲ့သည်။ သူတို့အရှေ့ လေထဲတွင် ရွှေရောင်အလင်းတို့ တောက်ပနေသည့် တိုက်ပွဲပုဆိန်တစ်လက်က လေထဲတွင် ပေါလောပေါ်နေသည်။ ၎င်းတို့မှ ရန်ဟောင်အဆင့် အလင်းတို့ ထုတ်လွှတ်နေသည်။ ဤနေရာတွင် ရပ်နေရုံနှင့် သူတို့သည် ကြီးစွာသော ဖိအားအောက် ရောက်နေပြီး နှစ်ခြမ်းပင် ကွဲထွက်တော့မလို ခံစားနေကြရသည်။
လေတွင် မျောလွင့်နေသည့် တိုက်ပွဲပုဆိန်သည် မရေတွက်နိုင်သော လေဟာနယ်အလင်းတို့ဖြင့် ပိတ်ဆို့ထားခြင်းကို ခံရပေသည်။ ဤနတ်အလင်းတို့သည် သုံးမြှောင့်သဏ္ဌာန် ဖန်တီးထားခြင်း ဖြစ်ပြီး တိုက်ပွဲပုဆိန်ကို ၎င်းအတွင်း၌ ပိတ်သိမ်းထားသည်။
“ဒါကို ဖွင့်ဖို့ တစ်ယောက်ယောက်က အင်အားသုံးပြီး ကြိုးစားဖူးလား။” ရီဖူရှင်းက သောကျောက်ကို မေးလိုက်သည်။
“သူတို့က မရှုမလှသေသွားကြတယ်။ အရိုးတောင် မကျန်ဘူး။” သောကျောက်က ပြန်ဖြေလိုက်သည်။ ရီဖူရှင်းက ခေါင်းညိတ်လိုက်ပြီး၏။ ထိုအဖြစ်က သူ၏ မှန်းဆချက်အတွင်း၌ ရှိပေသည်။ အတွင်း၌ ချိပ်ပိတ်ထားသည့် ပစ္စည်းမှာ အလွန်အစွမ်းထက်သည့် နတ်လက်နက်ဖြစ်သည်။ ထို့ကြောင့် ထိုသို့သော လက်နက်မျိုးကို ချိပ်ပိတ်ထားနိုင်သည့် ချိပ်စည်းစွမ်းအားကလည်း မြင့်မားသည်ဟု သတ်မှတ်နိုင်ပေသည်။
ချိပ်စည်းကို ဖိအားပေး ချိုးဖျက်ခြင်းမှာ သူတို့အကြား၌ ထိုသို့ လုပ်ဆောင်အောင်မြင်နိုင်မည့် ကျင့်ကြံဆင့်မျိုး မရှိပေ။ ချိပ်စည်းကို အနှောက်အယှက်ဖြစ်စေသည်နှင့် အတွင်းရှိ ရွှေရောင်အလင်းတို့က စတင် လင်းလက်လာပြီး ထိုသို့ နှောက်ယှက်လာသူသည် ရွှေရောင်အလင်းများက အစိတ်စိတ် ဖျက်ဆီးပစ်လိုက်၍ ပျောက်ကွယ်သွားရပေလိမ့်မည်။
