لا اعرف من أكون

لا أعرف من اكون ...

السلام عليكم ورحمه الله ...
هاي اول تجربة الي مو بالكتابه بس بالنشر ...
كاتبه مبتدئة اتمنئ يتحقق حلمي وتكون كتاباتي شي جبير ...
اليوم ماراح انشر غير فقط تعريف لشخصيات الاساسيه ...

*   *   *   *   *   *    *    *    *
(تعريف شخصيات) ...
-------------------------
زهراء:اني بنت عراقيه من اهالي الجنوب(الناصرية) ابوية رجال شرقي حيييل … بس مدلعني وماكو شي اريدة اذا مايوصلني لان بنت علئ خمس ولد واخر العنگود وبالف ياعلي يالله جيت للدنيا … دائما بابا ميرفضلي طلب بس بالمعقول يعني اذا طلبت شي وماعجبه او شايفه غلط يقنعني بهدوء وبالتفاهم  … عمري 16 عيوني زرگ بشرتي بيضه عندي غمازة ملامحي هادئة شعري يوصل لنصف فخذي اسود وثخين اشبه ماما اكثر شي وماخذت من بابا غير الشعر الاسود الثخين …

-----------------------

- علي:ابو زهراء عمر46 سنه ...
عيون سود ملامح حادة اسمر طويل ...شعر اسود ناعم وثخين ...مامتواجد بالبيت اغلب الوقت لان اني من اشهر المحامين بالجنوب ...والزم قضايا بغير محافضات اكثر شي .... وعندي محلات للذهب اتاجر بيهن ولدي الكبار يكعدون بيهن كل واحد محل وطبعا الهم راتبهم ...خوما انطيهم مصرفهم مثل الزعاطيط وهمة شواربهم خاطه ...وطبعا زهرتي غير هاي اخر العنگود واهدئ وحدة بالبيت وبنيتي علئ خمس زلم لوتطلب عيوني اشلعهن الها ...

-----------------------

- ياسمين:ام زهراء اني لبنانية من اصول تركية عمري 42سنه عيوني زرك شعري بني فاتح قصير بشرتي بيضه جسمي ناعم حيل اجيت ادرس وية ابوية بجامعه بغداد وابو علي وابوية جانو اصدقاء وجنه بنفس الجامعه سوة فتعرفت علي وتطورت العلاقه من صداقه الئ زواج لان هو ماعترفلي بحبة غير لمن خطبني وكالها الي كدام ابوية وتزوجنه …

--------------------------

-محمد:الاخ الجبير يدرس بكلية ضباط عمري24سنه طولي حنطي البشرة عيوني سود كبار معضل لان اعشق النادي من جان عمري 15سنه ليهسة مامفارگه ابد ماحب سوالف البصبصه علنسوان ومعليه بيهن ابد الله شاهد ماعندي ميانه علئ مرة غير امي واختي والباقي لوبيدي احركهن بانزين …

-------------------------

-سالم:عمري23سنه عيوني زرك شعري بني معضل بس مو كلش لان مامستمر بتدريبات الجيمب … طويل وبشرتي بيضه ماكو بنية مامراسلها … اني شكو هنة ميتات عليه وانه ادور بنت الحلال … بس محد تعجبني ادرس كلية تجارة حته الزم محلات ابوية من اتخرج …

--------------------------

-خالد:عمري21عيوني سود عندي ضعف نضر البس نضارة طويل وجسمي مقبول ابيض واحب الاكترونيات وكلشي يخص التكنولوجيا لهذا السبب ادرس هندسة الكترونيه
حسن وحسين:تؤام نفس الجهرة سمران طوال شعرهم اسود بيهم شبة لمحمد يحبون للمقالب وتحشيش ودياحه وميحبون الدراسة عمرهم18 طلاب سادس علمي حلمهم القانون حسن بنفسه يصير قاضي وحسين محامي …

-------------------------
#صديقاتي#
-----------------------

-بنين:العمر16سنه ...دلعها بنو عيونها زيتوني طوخ ... بيضه طولها150 سم... وزنها56... شخصيتهة قوية ومتسكت عن حقها ابد سبورتية وضحوكية دوم تحشش ابوها متوفي وماعدها اخوان ....امها دكتورة معروفه وعدها عيادة خاصه بيها والها صيت عالي ... بس ماتهتم بابتها عايشين يم بيت خالها المفروض اهنة بنفس البيت بس الحقيقه تقريبا بنو عايشه وحدها ابوها ليهسة مامعروفه قصه وفاته مانعرف عنه بس الاسم حته عمامها متعرفهم وكل ما تسال امها تعيط بيها وتگلها.... همة ذبوج وماسالو عليج مالج دخل بيهم ...
--------------------------

-أزل:عمري16سنه ....عيوني عسلي بشرتي بيضه ... عندي 3اخوان اكبر مني .... اكبر واحد راح يدرس بالخارج وتزوج هناك وفلت بعد مارجع ... واخوية الثاني هم تزوج بغداد وشرد ... واخر واحد بقة وياي تزوج والعام وراح للبصرة .... وبقيت بس اني بضيمي امي وابوية ماتمر دقيقه وحدة ... اذا مايتكافشون من روس ولاجن صارو بيبي وجدو ...بس حقهم اذا حته احفادهم مشايفيهم اخواني تزوجو وفلتو بقيت بس اني وياهم ....وهم لوبيدي جان شردت منهم ماينعاش وياهم حياتهم مبنية علئ العرك والمشاكل فقط لاغير ...اني اعشق السوشيال ميديا وعندي صفحه عل انستا متابعيني -3-Melanie  وديزيدون كل يوم …اصلا لو ماسوشيال ميديا وصديقاتي ...
جان هسة اني لو منتحرة لو متخبلة من ورة الدجاجه والديج العندي ....كاضيها ناگر ونگير وباق وبيق حموت من وراهم ... ولا اذكر بيوم تعاملو وياي كأب وام وبنتهم ....

🌺
🌺
🌺
🌺
🌺

والئ هنا تكون نهاية تعريف الشخصيات ....
الاساسيه بقيه الاشخاص حنتعرف عليهم حسب الضهور ...

#دمتم-في-حفظ-الرحمن