لا اعرف من أكون

البارت -10-

إذا كنت لا تقاتل من أجل ما تريد ، لا تبكي على ما فقدت💜
If you don t fight for what you want, don t cry for what you lost💜
~×~×~×~×~×~×~×~×~×~×~×~
السَلٱمٌ عـَلـْيگمّ-ۈرحـْمّـٌة ٱللـّہ ﯙبُركـّاتہ … 
شلونكم حبايبي ان اشاء •اللّـہ̣̥ تكونون بالف خير …
و كالعاده بارت جديد … وبارت الًيَوُمًِ احلئ م̷ـــِْن بارت البارحه …
(حسيت روحي يوتيوبر موناقصني بس حطو لايك واشتركوا بالقناة وفعلو جرس التنبيهات 😂😂🤦‍♀️💔)

_المهم نبدي عوفكم م̷ـــِْن خبالي …
_______________________________
#صلو_علئ_نبينا_محمد•

البارت11

بقلم زهراء علي ✨❤️
*************
جوري:جنت حاسة والله جنت حاسه يضحك علية الحمد الله ماطوخت العلاقه من البداية عرفته من كلامه موراحه هسة اني مثل ماكالت ازو مسحولة خررب والله عيب شگد غبيه اني …
گمت سحبت الموبايل حضرته من كل مواقع التواصل حته من الانستا حضرته بس بعديش شاف صوري ومنشوراتي كولهن … ربي سترك اني تعبت من هل دنيا …

"تسريع الاحداث "
      *****
"بعد خمس ايام"
     *****
ازو:حسولفلكم بالمختصر شصار بهل 5ايام …
محمد راح لابو شمس هو وماما وبابا وطلب ايدها …
باباتي واخيرا رجع متصدگون شگد فرحانه بشوفته …
خالد خلص امتحانات ومنتضر النتجيه علئ احر من جمر …
سالم وضعه تعبان كلش مادري ليش صار زفت… واستهتارة علني يعني يجينه الفجر يطوطح وسكران … اول يوم محمد مسواله شي بس من كعد ثاني يوم حاجوا وتفاهمو ويا  بالعقل … وبليل اجه نفس حالته لزمه محمد وخالد كتلو كتله… مع العلم خالد رغم ما اصغر منه خالد بس تصرفاتا وشكلا مبين اكبر… وثالث يوم اجه ابوية وشافه ضربة راشدي كعد ثاني يوم الصبح علگها علينه والجو متوتر …وبابا گله بس تخلص خطبه محمد انه اربيك …
حسن وحسين مقررين يرحون لشمال … اول متخلص الخطوبة …
وماما ساعه احسه فرحانه وساعه تريد تبجي … منين لتگاها من محمد لوخالد لوسالم لو الدايحين …
رحمه هادئة وهذا الشي مخوفني اني شخصيا حيل لان موعادته …
نور اخت رحمه اجتنه گضت اليوم كله تبسمر علئ خطبه محمد وابوها مريض … رغم ما احنه سوينه الخطبة باذن منه وابوه هوة الي عازم العالم ومقبل اخد يدري بمرضه يكول تاثر علئ سمعه الشركات تصرفوا طبيعي …
واني والبنات ماخلينه مول يعتب علينه بس ندور فساتين
للعرس …
واجه يوم الخطوبة
گعدنة علئ دفعه قوية بالباب
رحمه:انتن هييي ماتگومن ماتشبعن نوم … رحمه لله شگد تنامن …
الخويسات وانوب وحدة لازگه بالثانية … تگول جنجن الثلاثي المرح عاااابت اي والله شلون شكول …
بنو:عزا هاي شبيها …
ازو:اصبحنا واصبح الملك لله …
ازل:بيش ساعه …
ازو:ب8يالله ولجن هم يالله نگوم نساعد ماما …
گمنه دخلنه نسبح وحدة ورة الثانيه ونزلنه لگينه ماما
وام حاتم مرة خيرة يمنه بس حالتهم المادية تعبانه وتشتغل بالبيوت احنه نجيبه بالعزايم ويانه خطية شاغولة وشغله يخبل
ياسمين:يالله ازو غسلي الاماعين وروحي للمخزن جيبي الشعرية والتمن انگعهن … وروحي لصاله بدربج كنسيها …
بنو روحي عزلي الاستقبال مدام الزلم طلعو خاف وصخوها بگطوف الجگاير … وطلعي ع الحديقه والمرجوحه وفتحي الصونطه شوي عالورد …
ازل روحي عالسريع عزلي الغرف الفوگ كلهن … والملابس بالغساله توهن خلصن تجفيف شريهن بالممر الي ورة وجيبي الي عابحبل عزليهن …
خلصن عالسريع ورجعلي هم احتاجچن …
ولجنننن ياااالله بسرعه لاتفهن گبالي اريد كون قبل ال11مخلصين كولشي بس التمن نهدرة …
ازو:بعد يمه ماتردين نحرر القدس بطريقنه …
ياسمين:بدون نقاش يالله بسرعه بناتي … حته نخلص بسرعه يالله فدوة …
ازو:صار يمه صار …
طفرنه كل وحدة سوينه مثل ماگالت امي
ورحمه لازمه الموبايل مطلعه اغاني ومعليته وتسوي بشعره وتسوي ماسكات واحنه نركض منا ونجي منا
صارت الساعه ب11ناس طابه طالعه والبيت انترس نسوان
وجوارينه الي علاقتهن قوية بماما ساعدنها بالطبخ واحنه الله شاهد اني والبنات ماكعدنه بالكاع من كومتنه رحمه ليهسة نركض
ساعه ب11ونص كلشي خلص بس التمن مهدر … نزلنه الاماعين خضيناهن وغسلنه الخضرة والفواكه نزلنه السفرة انطيته لخالد … خطية هم يركض منا ويجي منا … وسالم ماندري وينه من الصبح مختفي … وحسن وحسين خالد كربهم روحوا للمحل روحوا جيبو الماي صبو الجاي نفاضه جگاير روحو لفلان صيحوو روحو جيبو الدي جي … هم خطية ولا كعدو كلنه مخبوصين ونفتر …
والعريس يحضر روحه وية صديقه زين
صارت ب12اذن الاذان رحت للصاله تغص وتبلع نسوان … هذا غير الي صعدن بالطابق الثاني … شفت العجايز حاطات التكيات ومددات وماخذات غفه … واكو يسلوفن وحدة دخن وچنته يمها تنيم بابنها المگمط … واكو ماخذاتلهن صفحه يسولفن بمغامرات الماضي العضيم …بعد عجايز شمنتضرين منهن گتلهن ترة اذن گامن يتوضن جبت …
مصلايات وترب وراها صبينه الغدة … نركض اني والبنات وماما وام حاتم … جهزنه السفرة بدن النسوان يجاهدن بالاكل … اني والبنات اكلنه بالمطبخ عالسريع انوب غسلنه المواعين …
ازل تكنس البيت كله وبنو تغسل الاماعين هي وام حاتم …
واني طلعت ليبرة غسلت الطارمه وعزلت الحديقه صايرة مزبله …
ودخلت ركض خاف واحد من الزلم يشوفني … واني اركض مريت من يم الكراج توني دادخل ضربت بولد ثنينه وكعنه …  وگف هو وانطاني ايدة يگومني وكال اسف مادري بيج … اني اعرف لواگه الزلم هاي … كتله لاشكرا اعرف اكوم وحدي وعفته ودخلت …
ركضت جبت ملابسي اني والبنات كويتهن وحضرتهن … عزلت غرفتي لكيته عبالك صاير بيها انفجار … لان البنات الي اجن اقاربنه صعدن بيها … نزلت غسلت ويه بنو الاماعين داغسل صاحتني ازل عزلت وياها … خلصنه رحنه نساعد ام حاتم وبنو لان توهن خلصن اماعين … النسوان جابولهن اماعين الزلم ام حاتم ماقبلت…  كالت روحن بدلن ولبسن راح تبدي الحفله وانتن بس تركضن … حجايه من عدنه وحجايه من عدهة ماقبلت … صعدنه ليفوگ لغرفتي من صرت يم الدرج … سمعت النسوان يگولن خل نصعد للغرفه الفوك اريحلنه… اني كلت لا والف لا لويجي الحمزة ماخليهن يصعدله بعد … غرفتي مسوياتها غابات الامازون وتوني معزلته … اريد ارتاح اريد اسبح شنو ذني يصعدن بيها …
ازو:هاا خاله محتاجه شي…
المرة شايله ابنها وبناتها وراها:اريد اصعد للغرفه الفوگ بلا زحمه عليج …
ازو:توه اخوية قفلهن كولهن وكال غرفه وحدة تبقه … حيجيبون بيها الغراض وثانية حيصعدون بيها الولد …
المرة:اي نكعد بالغرفه الثانية عادي …
بنو:اكلج خاله ترة هو مو فندق…  صاعد نازل صاعد نازل … الغرفه الثانية اني والبنات صرنه طرشي … نريد نسبح نبدل ننطمر نزقنب لعد هو هيج … كلنه البيت بيتجن بس طيحن حضنه … الله وكبر انتقام هو مو طلعت الخطوبة من خشومنه …
المرة:شدعواج عيني ماكلنه شي وبعدين انتي شهل تربية هاي
ازو:مسحيه بوجهي خاله وعذرينه … بس والله لان تعبانات هيج حجت موقصدها والله عذرينه انه اعتذرلج مكانها …
المرة:هم اريد اصعد للغرفه…
بنو:والعباس ماصعدين للغرفه…
المرة:وينها التركية بله اريد اشوفه … شجايبه هنا يانماذج بله …
ياسمين:ها خية شكو …
المرة: تقبليها انه زعطوطه تگلي هيج حجي … ترة هي غرفه ماطلبنه جم مليون من عدكم وو …
ياسمين:هوب هوب خية انطيني فنتك احجي…
بنتي لسانه طويل اي صحيح … بس الحق هم وياها وتعذرن منج وانه هم اعتذر منج وراح اطيحلج حضه …هم غلطت هي وحشابه بعدين هاي اولا …
ثانيا التركية اله اسم موجايبتها من ورة هايشة الخلفوج عيب تره اسلةب بالكلام …
ثالثا خية استهدي برحمانج تشوفينه نركض منا ونجي منا … مخبوصين عليش هل عيطه وتكبرين الموضوع … وانتي كلتيه بالسانج زعطوطه وانتي الجبيرة العاقله خذيه غلئ كد عقله …
المره:هااا هيج صار الحجي …
ياسمين:خيه اني لانطي بيج ولانطي بيها … بس انتي هم ماعندج ذوق الصراحه من كعدتي ليهسة جهالج يصارخون وكسرتو الاثاث الفوگ كله كضيتوها صاعدين نازلين صاعدين نازلين …
انتي وهل 10جهالج تگولي يالله نريد نخلص شغله ونبدي بالثانيه وراي كومه سوالف والله ترة انه مرة تعبانه …
الكاها منج من زعاطيطي علئ كولتج من ابني الكساع يصيحني وركضله علمود الزلم … كولي يالله ماصار شي صلي علئ نبي وفوتي لغرفتي انتي وجهالج …
[بعد ساعتين]
ازو وهي تنشف شعرها توها طالعه من الحمام
ازو :وشفت ماما شمرت عليها مفتاح الغرفه وعافتها وراحت
ازل وهي تحط ميك اب گدام المراية:احسن تستاهل طيحت حضنه مخلفه10وجايبتهم ولد وبنات قبيله مخلفه هاي …
بنو وهي تشسور :بس والله ماندمانه من رديت عليها خل تولي لزگه اله تصعد ماكو احساس وعلئ كولت خالتو السلطانه ماكو ذوق ابد…
ازو:اي والله عديمه الذوق …
بدلنه لبسنه
اني