لا اعرف من أكون

البارت -11-

💕هًـًـًـًلًـًـً🌟Hêłłô💫ـًـًؤؤؤ💕 …
شلونكم حبايبي شخباركم … ان شاء • اللّـہ̣̥ تكونون بالف خير  … ورجعتلكم بارت جديد …  ان شاء •اللّـہ̣̥ بارت الًيَوُمًِ احله من الي قبله … ويله نبدي …
______________________
#صلوا_علئ_نبينا_محمد°

البارت12
المطوري يگول :
خاف اتعبك من كثر تفكيري بيك
لاتجي بالي بعد بالي اليجيك 🖤.
بقلم زهراء علي✨❤️
كعدنه كلنه مفزوعين علئ صوت الصريخ
اني وكعت من الجربايه علئ راسي
ازل كمزت وگفت عالجربايه مفتحه تك عين وتصيح:هااااا منوووو احترگنه انفجاااار حررريييق عمووووو ااااللحگني رااااح ااااغرگ تبللت عررررركه تفااااااشخووو دددممممم
بنو كمزت حطت ايدها علئ حلگ ازل
وكالت:اصحي بنت المطي اصحي فضحيتنه
طلعنه لمصدر الصوت الي هو غرفه رحمه
اني والبنات ومحمد وخالد وياسمين وبابا
لكيناها واگفه عالميز وايدها علئ گلبها وتبجي وتصيح
:اااا اااب ااابو بريييييص عمو لحگلي ابووو بريص
خالد:يعني هسة انتي فزعتينه كلنه علئ ابو بريص
كمزت رحمه من الميز وركضت حضنت خالد وتبجي
احنه كلنه انصدمنه ضلينه واحد يباوع بوجه الثاني
خالد دفعه وطلع محمد سحل الاثاث وطلع الوحش المرعب
واحنه رجعنه للغرفه وازل كاعدة عالكرسي متجيه اديها علئ رجليها وضامه وجه بجفوف اديها وتهز برجلها سريع
بنو:بنات خل نروح للمول ورانه سفر باجر واحنه اغراضنه مكامله
ازل كمزت وكالت:اي يالله يالله بدلن عالسريع خل نطلع
ازو:شبيج حبي
ازل:مابيه بس احس اختنكت يالله نطلع
ازو:اونجبن حبي الدنيا المغرب خل ورئ العشة نروح
ازل:اني حروح لخالد يشوف الانستا مالتي مادري شبي يخيط ويخربط هليام
ازو ابتسمت بخبث لان تدري بكولشي ديصير بس منتضرة النهاية
بنو:اني ماما داگه عليه هواية حروح اشوف شبيها وارجع
ازو رحت لمحمد لگيته متمدد عالجرباية نمت بصفه وشبگته حيل
محمد:هلة ببنيتي شلونج
ازو:بخير دامك بخير
محمد:مشتاق لخبالج هاليام عاقله شعجب
ازو:ههههه وربي من ورة هالعگربة رحمه خل تروح وترجع ريمه لعادتها القديمه
محمد:اي والله حته اني ممرتاحله
ازو:هسة دعوفنه منها تدري شگد مشتاقه لنومة يمك
محمد:هو انتي يمته فارگتيني انتي
لحد ماصار عمرج14يالله صرتي تنامين بغرفتج
جنتي تنامين وليهسة مرات تجين بتوالي ليل تنامين يمي
ازو:اي مرات البنات مو هنا واني اخاف انام وحدي تصير
الساعه ب2كلش كلش ب3بعد ماتحمل اطفر اجي يمك انام
محمد:بعد اني راح اعرس اذا اجيتي يمي بتوالي اليل انطيج دفرة اخليج تندمين عاليوم الفكرتي بي تجين يمي
ازو:افه ماتوقعته منك حميد
محمد:لا والله توقعي كلشي هذا الناقصني
انه ماصدگت الگالي مرة بيها خير انوب تسلبين راحتي
ازو:هههههه 😂😂
اخ بطني هههههه متت
محمد:ديله گومي طلعي برة خل ادگ عليها
ازو:اويلي يابة حموتشي خوية صاير تعرف بالروماثيثيات
محمد دفعني وعاط بية:طلعي برة لج يالله برة
ازو خربت ضحك وطلعت اركض
صلينه المغرب وگعدنه عالعشه وماخله الجو من مشاغبات حسن وحسين وبابا ساعه خربان ضحك عليهم وساعه يعيط بيهم ويگلهم يمته تكبرون
خلصنه عشه كلت لبابا عالمول كال خالد ياخذجن
رحنه وخابرنه جوري هم حتجي ونتلاگه هناك
خالد وازل الطويق كله گضو يتعاركون واحد يقصف الثاني
انوب خالد شغل اغنيه يوم الاسود وگام يغني وية الاغنية
يوم الاسود يوم شفتج ساعه الگشرة العرفتج شكو بلوة وشكو اذيه كلهن التمن عليه من التقيت انه بحضرتج
يوم الاسود يوم شفتج
ازل طفرت تغني وتباوع لخالد
اي كافي كافي شكد حجيت شنو بيك انه ابتليت شكو هم وياك جبته فوگها موقابل انت عوزك تگلي كرهتج
خالد
اي والله عمري ماكرهتج غير اموت انه بحضرتج
گمزت اني
ازو:ياهوووو يااااعرب نحن هناااا
شكو شكو احترمو وجودنه ع الاقل
ضحكو ثنينهم وصلنه للمول خالد راح للكافتريا يم صديقه متواعد ويا هنانه
واحنه رحنه لجوري گاعدين نسولف ورن موبايل جوري شفته توترت حيل وانخبصت شوية
گالت:اني استأذن حروح للمغاسل
البنات:اخذي راحتج
بنو:اني هم حرورح وراها بطني اذتني حيل
ازل:خاف جايتج الحلوة
ازو:اااازل عيب بطلي قله ادب
بنو:مادري يمكن يله حروح
رحت للمغاسل وصلت حطيت ايدي علي مقبض الباب اريد ادخل وسمعت صوت جوري المهزوز والعبرة خانگته
جوري:سالم اختي واخوك انخطبو واني وانت ندري كلش زين بغايتك انت تريد تضحك عليه حالي حال القبلي كم يوم تتسلئ وتشمرني مثل الجلبه واني ماريد الف بنية كدامك وراك هم اشمعنه اني لازگلي
سكتت شوي هده صوتها وبعدين صاحت بصوت قوي
ساااالم عليك الله عوفني بحالي شلون يعني مفبركلي صور وتريد تنشرهن عليه ليش سالم ليش ولك صرنه اهل احنه واني بعمر اختك متخاف بيوم يصير باختك هيج.....لا والله شنو تريد 20مليون منين اجيبهن ذني...لالالا تصحيح ابوية غني وليس غبي علمود يجيب20مليون يحطهن بايد وحدة عمره16سنه
سالم من الاخير انسه تاخذ مني فلس واحد...واذا اكلك مستحيل انطيك....نعععععم الشقه شنو شنو سالم انت شارب شي مكبسل?!
بنو:سمعت الحجي احس يدخل سجاجين بگلبي رجليه ميشيلني عيوني انترسن دموع گلبي كام يدگ180درجه
ركضت مادري وين المهم مابقه هنا كافي كافي صدئ صوتهة
وكلامها براسي ماريد اسمع تعبت يضل حضي هيج اني ماراح ينعدل ركضت بكل سرعتي عيوني غوشن من ورة ادموع
دامسح بيهن واني اركض وابجي واشهگ ضربت بشخص
وكعت بالكاع حيل تأذت ايدي وكعدت ابجي واناشغ وامسح
بدموعي ابجي مثل الطفل احس گلبي يأذيني حيل هذا الحبيته هذا الي ردت اكمل حياتي ويا هذا الختاريته يصير شريك حياتي
ابجي وابجي شو هذا الي ضربت بي ثنه ركبه ونص وحط اية علئ راسي وگال:ماكو شي يسوة تبجين علي الدنيا وقت ويخلص اذا نخلصه بالبجي يمته نفرح كافي تعب وحطي بالج الدنيا دوارة واكو رب جبير ياخذ حقنه ويجبر بخاطرنه وكلشي راح مانگدر نعترض علي لان هذا الي الله كاتبه النه وربج كريم انت بس كولي يالله واهدي خوماتأذيتي
بنو رفعت راسي باوعتله وهزيت راسي بمعنئ لا ورجعت دنگت
هو راح اني عبالي راح بدربه وخلص گمت نكثت ملابسي ومسحت وجهي شفته مره ثانية اجه انطاني بطل مي بارد
اخذته شربت تقريبا نص البطل احس صدري ثگيل حيل مثل الحاطين علي طابوگه ونار مشتعله بصدري اريد شي يبرد گلبي خذت نفس شهيق وزفير ولگم خنگه نفسي ثگيل
الشاب:شلون صرتي
ازو وهي تركض وكفت كدامهم ركعت وحطت ايدهة علئ ركبه رفعت راسه وكالت واخيرا لكيتج لج صارلي ساعه ادور عليج
الشاب:زهراء?!
ازو:سجاد?!
سجاد:هلا ومرحبا شلونج شخبارج ضلعتي
ازو:لك هلا بابو الجود وربي مشتاقيلك
باوعت علئ بنو وانفزعت
ازو:عزااا هاي شبيج?!
باجية?!منو وياج
بنوو احجي شبيج لانخوفيني
سجاد:كولي يالله انتي الثانية شبيجن مفزوعات غير البارحه
خطوبة محمد المفروض مكيفات والطاقه الايجابة تنزل من خشومجن ادري ماتكللي شنو الفلم
بنو بصوت مبحوح:ماكو بس جنت اخابر بماما وصار اشكال
وووشسمه هاي هية
Flash baak
سجاد:جاي امشي بالمول مستعجل اريد ارجع للبيت ضربت ببنية ضربه خفيفه بس البنية جانت جنه ريشة كبل طارت وركعت بالكاع شوهاي گلبته مناحه انه انخبصت ماعرف شسويله بجت بجي عبالك جنازة ابوهة گباله كتله بيج شي تاذيتي ماتسمعني كامت تناشغ نزلت عليه ثنيت ركبه ونص حطيت ايدي علئ راسه كتله ماكو شي يسوة.....كولي يالله واهدي رفعت راسه باوعتلي انه شلون الاتكهربت وجه احمر خدوده وخشمه حمممر وعيونه تلمع لونهن اخضر عبالك كرستالات شفته يابسه رحت جبتله مي ورجعت لكيته واكفه تنكث بملابسه قزومه وشكبره عبالك لعابه ام الربع 😂
Caaaat
ازو:شفت بنين طلعت من الحمامات تبجي وتركض ركضت وراها اريد الحك بيها ماكدرت انوب تيهتة ضليت ادور بالنص ساعه يالله شفته هي وسجاد ابن صديق بابا ومتربي ويانه من الصغر بس من راح يدرس برة انكطعت اخباره عنه
ازو:ديالله تعال ويانه خالد وازل وجوري هم هنا
سجاد:والله ولاسم عرفته غير خالد
ازو:هههه اي تعال وهناك تعرفهم
مشينه وبنين ضايعه مادري وين باله هادئة وساكنه وتجر حسرات ومخنوگه وازل گضته هاي حبايب گلبي وهاي حبايب گلبي وتصور فلوگات للمتابعين وجوري تكول ازل طلعت من الحمامات كبل راحت لبيتهم وكالتلها بابا دگ عليه وسجاد وخالد گعدو يسولفون ماشالله سجاد متخرج العام وفاتح عيادة خاصه بي دكتور نساء وتوليد، خالد دگو علي اصدقاء واحد مسوي حادث سجاد كله روح الهم اني اوصل البنات وفعلا راح خالد
وصعدنه بالسياره اقتحم الجو الهدوء محد يحجي رن موبايل سجاد:الو السلام عليكم....اهلا وسهلا ام حميد...اي اميد عرفتج اختج مراجعه عندي بشهر ال4...اي تفصلي امر خدمه...شنو
ام رجل اختج تريد توكلها اكل بي زعفران اي واني شكو...شاكات بيها تريد توكع الطفل لان تكره...لج لاااا لاتخبليني الزهفران ميوكع الطفل وفكرة انو ام رجله توكع الطفل مستحيل لان هذا حفيده ماسامعه ب ماعز من الولد ولد الولد لو انطيج محاضره دينيه....ام حميييد لاتخبليني رحمه لوالديج حذفي رقمي من عندج اني دكتور مو حلال مشكال
سد الموبايل وشمرة احنه كوة لازمات نفسنه مانضحك ورن موبايله من جديد
سجاد:الو السلام عليكم...اهلا وسهلا تفضلي اي اي عرفتج كولي امر خدمه...هااا بنتج متعاركه ويه رجلها لان نريد تسمي الولد علي علئ اسم ابوها بس هو هم يريد يسمي علئ اسم ابو الي هم اسمه علي...مافهمت اني شكو.واصله لطلاگ لان تريد علئ اسم ابوه مو ابو وهمة ثنينهم ابوهم اسمه علي...
هنا صرخ سجاد بصوت عالي وعصبيه.....ولكم دكتووور دكتوررر مو مستشار امور عائليه اني شدخلني عسة مايحرگها بانزين اني شدخل ام خشمي بالسالفه....خاااااله سمو الولد عليوي لا ابوه ولابو سمو عليوي احله موو احله يالله خاله من رخصتج ابوس ايدج حذفي رقمي ولتتصلين بعد بيه تره غير شغله هاي
ازو:اول مانهينة المكالمه اني والبنات تمددنه من الضحك علي مسكين كضه عمره كله يدرس وبلاخير هيج حاله
وصلنه للبيت تونه نزلنه من السيارة رن موبايل بنين
بنو:الو هلو ماما..ماما ماريد اروح كافي ماريد...الله كريم اشوف
لاحبقه يم ازو تمام...الله وياج باي
سجاد باوع لبنين بطريقه بريئه وطفوليه وگال:الجذاب الله يحطه بالنار موو
بنو بغباء:هااا
سجاد:سلامتج حمبي قلبي
"علئ صعيد اخر"
جوري ببكاء:ماحبه بابا ماريد ازوجه ماحبه 😭😭💔…
___________________
هاي شنو انوب شبيها هاي تبجي …ومنو الي متريد تتزوجه لان متحبه … شهل قفله هاي موكافي قفله البارحه … شو الكاتبه صايرة خبيثه تشمر رؤس اقلام وتطفر 😂😂💔… لاتغلطون عليه بگلبكم تره •اللّـہ̣̥ يسمعكم ويحاسبكم … هاا حبايبي جهنم حار بربكم مو ياخذكم الواهس ++ تجاهلوا الاخطاء الاملائيه ان وجدت  … بـٰٱƱ̤