آخــﮯ مــن گــوگب آخــࢪ

تحت الارض

كريم:انت بتقول ايه معمل و ده بصفتي ايه و ايه المقابل؟
مارك:اهدي يا كريم كلامك مش معايا كلامك مع مالك
كريم:هو مين مالك ده؟
مارك:مالك يبقى والدي
كريم:هو صاحب الشركة طب هو شغلك هنا عشان انت ابنه ولا عشان انت شاطر في شغلك؟
مارك:مش هو اللي مشغلني اصلا ديه دكتورة نفين
كريم:مين نفين ديه كمان؟
مارك:دكتورة في الهندسة الوراثية هي السبب في اني هنا انا مبسوط اوي اني اتعرفت عليها كمان هي خطيبتي و مراتي في المستقبل و هي اختارتي عشان كفائتي مش عشان بتحبني
كريم:مارك عندي سؤال محرج هو انت ايه وظيفتك يعني انت بتعمل ايه هنا؟
مارك:مش سؤال محرج خالص انا اتخرجت من كلية تخصصها علم نفس درست لغة الجسد و حاجات كتير كده مش عايز اشغل دماغك بيها
كريم:اه عشان كده انت اللي قاعد معايا عشان تدرس تحركاتي
مارك:ايوه بالضبط و لاحظت انك مبتتحركش كتير و ده يدل على كمية المشاكل النفسية اللي جواك او كمية المسؤوليات اللي عليك
كريم ضاحكا:يعني مش مثلا دليل على أن رجل اتقطعت
مارك:بمناسبة ان رجلك اتقطعت هو ايه اللي قطعها ولا انت اتولدت كده
كريم:انا مش عارف صراحة لان انا اغمى علي اول محسيت ان في حاجة بتاكلني
مارك:امممم انت اغمى عليك و انت مفتح عينيك و لا و انت قافلها
كريم:حتى لو كنت فاتحها مفيش هنا التقنية اللي تخليك تستخرج المعلومات من العقل الباطن
مارك:مين قالك؟
كريم:بالنظر للمستوى بتاع الأجهزة هنا انتوا مقدرتوش توصلوا لمحتويات العقل الباطن لان لو كنت وصلتوا ليها كانت الأجهزة هتبقى متطورة اكتر من كده بكتير و مكنتش هتبقى محتار قدام عينة DNA لقيتها على جلد رجلي
مارك:وجهة نظر سليمة
توضيح للقارئ:
عينة الDNA اللي كريم يقصدها هي اللعاب بتاع الكائن اللي عض كريم
نهاية التوضيح.
كريم:طب هو انا هطلع للمعمل امتى؟
مارك: لما مالك يوصل و يتكلم معاك
وبعد بضع ساعات
مارك:اهوه مالك وصل
مالك:اهلا يا كريم
كريم:اهلا يا مالك
مالك:اكيد مارك قالك على موضوع المعمل
كريم:ايوه هو انت هتديني معمل بمناسبة ايه؟
مالك:اعتبره تعويض
كريم:تعويض عن ايه؟
مالك:هشرحلك باختصار انت عندك رجليك الاتنين مقطوعة و احنا بنحاول نتعامل مع المواقف اللي زي ديه فاحنا...
كريم مقاطعا:هتعملوني فأر تجارب
مالك:بص انا عارف انك اذكي من أن الاسامي تفرق معاك فهنسميك فأر تجارب زي ما انت قولت
كريم:طب و نسبة النجاح
مالك:نسبة كبيرة 99.9
كريم:انا موافق بس المعمل بتاعي هتجهزوه باكتر الأجهزة المتطورة اللي وصلتولها في المعمل بتاعكم
مر يوم كامل وانا بداخل هذه الغرفة البيضاء هي ليست بيضاء لان اللون الأبيض اذا اخترق عين اي انسان سيعميه لكن هذا ما يطلقونه على هذا اللون بعيد عن التفاصيل المملة نجحت العملية بعد يوم طويل شاق و قاموا بزراعة أقدام جديدة لي لقد تذكرت أحداث جديدة لم انفي من الكوكب لكن بعثت الي هنا من قبل والداي لان ملك كوكبنا سناف قرر بناء إمبراطورية كبيرة تشمل الكون باكمله و قامت امي بعمل ابحاث و نتيجة الأبحاث ان احتمال موت ركاب السفينة التي سترحل مع الملك كبير و امي و ابي كانا يعملان مع سناف في القصر لذا كانت سيسافران معه بكل تأكيد الان بعد أن استرجعت قليلا من ذكرياتي يجب ان اجد اختي جيلان
توضيح للقارئ:
جيلان ارسلت إلى الأرض بعد مدة ولادتها بوقت قصير السبب كان مجهولا
نهاية التوضيح.