آخــﮯ مــن گــوگب آخــࢪ

اللقاء الاول

بعد اسبوع
مرحبا ها أنا عدت مجددا بقصة جديدة من على المنصة حققت الفكرة نجاحا باهرا وزاد عدد المشترين فقررت ان اكتب كل يوم قصة جديدة بدلا من كل اسبوع اليوم قررت ان اقابل مسجونا جديدا فذهبت اليوم الي السجن مرة أخرى
كارما:صباح الخير يا احمد
احمد:صباح الخير يا كارما
كارما:امال فين العسكري محمد؟
احمد:محمد اجازة انهاردة
كارما:طيب هو خد اجازة ليه هو تعبان ولا حاجة؟
احمد:مش عارف والله هو خد اجازة و مشي من غير ميقول حاجة
_فكرت في نفسي انه يجب أن ازوره وقررت انه بعد أن اكلم المسجون للجديد سأذهب لزيارة محمد
كارما:مين هيجي معايا عشان أزور محمد؟
احمد:ايه؟!!لحظة واحدة انت بتقولي ايه؟!!
كارما في خجل:انا آسفة كان قصدي المسجون
الضابط: عادي ولا يهمك وفي حد جاي عشان يدخل معاكي و مش اي حد بنتي هي اللي جاية
كارما:اوكي
كنت متشوقة لأرى من سيأتي معي وعندما رأيت من سيأتي كانت صدمتي كبيرة
احمد:احب اعرفك بليلا
كارما:اهلا يا ليلا
ليلا:اهلا يا كارما
كارما:انت اتخرجتي امتى؟
ليلا:انت لو بتسالي كنت عرفتي عموما اتخرجت السنة ديه
احمد:انتوا عارفين بعض؟
ليلا:ايوه يا بابا للاسف
كارما:وللأسف ليه بس يا بنت الناس الطيبة
ليلا:لما تبقى واحدة صاحبتك ومتساليش عليها ده يخليني اضايق اني ابقى عارفاكي
كارما:انا آسفة والله غصب عني  لما سافرت مقدرتش اتواصل معاكي تاني
احمد:بنات متنسوش ان انتم في السجن مش في المدرسة فحلوا مشاكلكم ديه بره لما تخلصوا
كارما وليلا في صوت واحد ينم عن غضب:حاضر
ليلا:اتفضلي يا سيادة الصحفية
كارما:حاضر يا حضرة الشويش
_سرنا  في طريق أطول من كل الطرق التي سرت بها في السجن من قبل فسالتها:هو ليه الطريق ده طويل؟
ليلا:عشان ده طريق لمسجون جريمته كبيرة
كارما:هو المسجون اسمه ايه؟
ليلا:اسمه حسن
_وصمتنا مجددا
ليلا:وصلنا
كارما:طب الحمد لله
حسن:انتي مين؟
كارما:انا صحفية جاية هنا عشان احاول اساعدك تثبت برائتك
_بالتأكيد تعلمت بعض الحيل و استفدت من مقابلة الأمس لكي اجعل من أمامي يخبرني بما اريد لكن يبدوا ان هذه الحيلة لن تنفع  مع هذا المسجون
حسن:انا مش محتاج منك مساعداة انا عندي محامي شغال على القضية
كارما:قضية ايه؟
حسن:انا مش عايز اتكلم
كارما:لو سمحت اتكلم وانا هحاول اساعدك
ليلا:انصحك تتكلم ديه زننانة
كارما:سيبك منها اتكلم وانا والله هحاول اساعدك عشان تطلع من هنا انت عجباك قعدتك في السجن ديه؟
حسن: لا طبعا
كارما:خلاص يبقى اتكلم عشان اقدر اساعدك وانا اوعدك اي حاجة هتقولها هديها للمحامي بتاعك اتفقنا
حسن:اتفقنا بس مش انت أصغر من انك تشتغلي؟
كارما:ايوه وايه المشكلة
حسن:طب انت بتشتغلي فراغ ولا بتصرفي على اهلك
كارما:عايز الصراحة
ليلا:اكيد فراغ عشان باباها غني
كارما بغضب :ليلا لو سمحتي سبيني اشوف شغلي
حسن:هاتي الصراحة
كارما:بصرف على ناس بس مش اهلي
حسن بفضول:ناس مين؟
كارما:الولاد اللي في دار الايتام
حسن:انت عارفاة انا ليا ابن هناك
كارما:انت اللي وديته؟
حسن:لا
كارما:اومال ايه اللي وداها هناك
حسن:هو كان هناك اصلا
كارما:يعني هو مش ابنك
حسن:بصراحة الموضوع اكبر من أن عقلك الصغير يفهمه
كارما: طيب يا صاحب العقل الأكبر بلاش تحكيلي القصة ديه احكيلي انت اتسجنت ليه؟
حسن:عشان كنت بعمل تجارب من غير تصاريح
كارما:تجارب!!! بس على ايه؟ او ايه نوعها يعني؟
حسن:كنت بحاول اصنع قمر صناعي يبقى بتاعي وارميه في الفضاء
كارما:بس ليه؟
حسن:لأسباب افضل اخليها لنفسي  هو انت اسمك ايه صحيح؟
كارما:اسمي!!! اشمعنا دلوقتي
حسن:عادي يعني فضول
كارما:بالنسبالك اسمي كارما
_وبعد قليل سمعنا صوت يشبه الانذار لكن هل فر مسجون؟
ليلا:خليكي هنا هتاكد ان مفيش حد من المساجين هرب
ظللت في نفس الغرفة التي بها المسجون و عندما خرجت ليلا رأيت ضوء احمر يضئ الغرفة و فجأة وقف المسجون وسار باتجاهي و تجمدت في مكاني لم أعرف ماذا يريد مني لكني جلست في الزاوية منتظرة ان تعود ليلا لكنه اتي وجلس بجواري و فجأة
قال لي بطريقة شخص مجنون: انتي اسمك حلو اوي بس للاسف مش اسمك الحقيقي
كارما:انت بتقول ايه؟!!!يعني ايه مش اسمي الحقيقي؟
حسن:حسن مش اسمي الحقيقي ولا حتى كريم اسمي الحقيقي