آخــﮯ مــن گــوگب آخــࢪ

ابن سبعة شهور

محمد:لما دخلت الحضانة كانت بالنسبة الدكاترة ديه كانت حالة فريدة من نوعها و كان في دكتور هناك بيتاجر في الأعضاء فخادني.....
كارما:و باع اعضائك؟!!
محمد:اسكتي يا كارما شوية عايزاة اتكلم
كريم:يا ريت يا كارما تحاولي تسكتي
كارما:طيب خلاص اتفضل كمل انا هسكت خالص مش هتسمعوا صوتي
محمد و كريم في نفس اللحظة:ياريت
محمد:الدكتور خادني و باع أعضاء كتير مني زي الكلية و جزء من الكبد و جزء من القلب
كريم:طب انت اتعاملت ازاي مع الموضوع ده؟
محمد:ما هو انا مش هخلص من كارما اختك تيجي انت ارحموني يا عالم
كارما:رغم ان كرامتي وجعتني بس هو كان هيحس ازاي يا مريخي يا عبقري؟!!
كريم بخجل: وجهة نظر
محمد:اكمل ولا حد هيقاطع كلامي تاني؟
فجاء صوت طائر من خلف محمد و كأنه يرد عليه
كارما بسخرية:كلم صاحبك يا محمد
محمد بعماد أطفال:خلاص مش هكمل
كارما:خلاص انا آسفة كمل عشان خاطري باءه كمل 
محمد:حاضر يا ستي المهم كان هو باع الأعضاء ديه مني و كان لسه هيبيع قرنية عيني و في اليوم ده اتمسك و هو كان بيتفق و أهلي لاقوني بس كانوا فاقدين الأمل في اني اعيش بس والدي كان ليه واحد صاحبه عالم أحياء و كان بيدرس التطور الجيني لكروموسومات الإنسان و ازاي يربط بينها و بين الحيوانات فهو كان محتاج يعمل تجربة على اي انسان فاهلي شافوا ضوء بصيص من الأمل  اني افضل عايش فخلوني اروح عنده و أهلي حكولي اني كنت بتألم مع كل حقنة بيدهالي كانت بتغير في شكلي و كنت بصرخ من شدة الوجع و كان حقني باربع حقن واحداة للقلب و التانية للكلية و التالتة للكبد رغم ان الكبد كان يقدر يتكون لوحده بس مكنش متأكد ان جسمي ممكن يستوعب حاجة زي ديه في السن اللي انا فيه و الحقنة الرابعة كانت بتاعت الجناح هو افتكرها بتاعت القلب بس لما اداني الحقنة و ظهر ريش في ظهري لاحظ انها حقنة  بتساعد ان الجناح يكبر عند الطيور بس مكنش متوقع انها تطلعي جناحات بس احتمال ان ده يحصل كبير جدا بالنسبة للتغيرات اللي حصلت في جسمي بسبب الحقن و كان طبعا إعجاز ان طفل في سني لسه مكملش شهر استوعب الحقن ديه و لما ده حصل هو قال لوالدى ان لو حد عرف بموضوع الجناح ده محدش هيسيبني في حالي و ممكن الموضوع ده يتسبب في قتلي انا و أهلي فوالدي اشترالي الطيارة النفاثة اللي لما البسها بتخفي الجناح ازاي باءه معرفش
كريم:انا اعرف ديه مش طيارة نفاثة ديه جاهز مريخي متطور فيه كاميرات بتصور كل اللي حواليك و بتخرج شاشات صغيرة بتلزق في الحاجة اللي انت عايز تخفيها و بظهرها على الشاشات الملزوقة على الحاجة اللي انت عايز تخفيها و الموضوع ده بيحصل بالتواصل العقلي و الجهاز ده والدي هو اللي صنعه
كارما:هو انت باباك كل ما يحس انه مش محتاج حاجة بيحطها على كوكب الأرض؟
كريم:مين قالك انه مكنش محتاجاها؟كان محتاجاها جدا بس هو اضطر يتخلى عنها عشانك
كارما:عشاني؟!