كنت قاعد في فرح واحد صحبي وكانوا الشله كلها حواليا كنت زعلان لاني اتخانقت مع مراتي بسبب النقاب
هي عايزاه وانا رافض وبعد شويه دخلوا العرايس وابتدت الاغاني وبعدها جه واحد من صحابي و ميل عليا وقالي
- عارف فكروني بيوم فرحي اووي داخل علي عشر سنين جواز وكل ما افتكر الموقف ابتسم بفرحه علي الذكريات الجميلة
عارف مراتي قبل الفرح بأسبوع كانت مصره منعملش فرح علشان الاختلاط بين الستات والرجاله
حاولت ارضيها بكل الطرق علشان نعمل فرح ولأن اصحابي كلهم كانوا مصرين علي فرح بيقولوا عايزين نفرح بيك
ومكنش عندي مقدره احجز قاعتين علشان ليله واحده فاتخانقنا بسبب الفرح وكنا هنفشكل بسبب الموضوع ده
وهي كانت مصره علي موقفها وقالت يا اما تعمله منفصل عن الرجاله يا اما متعملش بصراحه غلبت في أمري ومبقتش عارف اعمل ايه
ولقيت رجليا اخدتني علي الجامع وهناك كنت قاعد ومهموم اووي بسبب الموضوع ده وجه واحد معرفش جه منين وقرب مني وقالي
- اوعي تفرط في اللي مش عايزه تعصي ربنا علشان حاجه في الدنيا
قالي
- تفتكر هي كمان مش عايزه تفرح ! بالعكس هي عايزه اكتر منك بس اختارت رضي ربنا علشان يبارك في فرحتكم وحياتكم
تفتكر هي منفسهاش تفرح بيك في ليله زي دي !؟
هي قارنت بين فرحتها في ليله واحده وفرحتها معاك العمر كله واختارت فرحه العمر مقابل فرحتها في اهم ليله في حياتها واهم ليله في حياه اي بنت
اوعي تسيب اللي بتراعي ربنا فيك قالي عارف قعدت وقلبت الكلام في دماغي وبصيت علي الراجل لقيته اختفي
كأنه كان ملك وجه بلغني رساله واختفي قالي رجعت لمراتي وقولتلها مش هقدر علي حجز قاعتين قالتلي سيبك من الفرح والذنوب وتعالي نعمل اللي يمحي ذنوبنا ويقربنا اكتر من ربنا
كنت فرحان بكلامها وكنت متوقع هتقول ايه بس كنت مستني اسمعها منها وقالتها وفعلا تاني يوم كنت حجزت التذاكر
ومن حسن حظي أننا كنا داخلين علي شهر ذو الحجه وبدال ماكانت عمره بقت حجه ورجعنا مجبورين الخاطر
وافتكر أن مفيش مره زعلنا من اول ما اتجوزنا بالعكس كانت كل امورنا بتتحل قبل ما ندخل اوضه نومنا
عارف افتكر في اول مقابله ليا معاها قالتلي انا عايزه اتكلم عن عيوبي الاول مميزاتي اكتشفها انت مع الوقت لكن عيوبي هعرفهالك وعايزاك تاخد قرارك ف انك تكمل أو لا علشان متعلقش بحاجه مش ليا
ولاني مش هتحمل فراق حد عزيز عليا لقيتني بتلقائيه بابتسم واقولها انا عايزك بعيوبك قبل مميزاتك قالتلي مش هتتحملني انا محدش يقدر يتحملني انت مش هتتحمل ان وقت راحتك يبقي جحيم
