#يلا_اسمعوا_مني_النصايح_دي
🌸🌸🌸🌸🌸
#وادعولي_بقي 😀
نصيحة لطيفة لكل بنت يوم الرؤية الشرعية :
1- البسي اليوم ده اللي يرضي ربنا، مش مضطرة تلبسي ضيق علشان العريس أو لضغط الأسرة عليكي!
بصي .. ما فيش واحدة هتتجوز غير جوزها، واللي عند ربنا مش هتوصليله غير بطاعته، و الإنسان المحترم حتعجبيه لما يشوفك التزمتي بالزي الشرعي في اليوم ده بالذات 😊
لبس شرعي يعني ميوصفش جسمك يعني مش شفاف ولا ضيق..
2- بلاش موضوع إنك تدخلي تقعدي 5 دقائق و تقومي تجري الله يكرمك 😀 ارحموا الشباب!!! اقعدي كتير علشان ياخد فرصته في رؤيتك و اختيارك، وتاخدي فرصتك في رؤيته واختياره..
3- حاولي تعصري علي نفسك لمونة و تبصيله و تتكلمي معاه 😀 لكن لو حيائك غلبك و مقدرتيش مقدرش أقولك حاجة 🙂 أنت جميلة بهذا الحياء، بس ياريت تردي عليه لو كلمك، مش للدرجة دي يعني 😀
4- لو جايب ماما و بابا معاه مش مشكلة، لكن لو حسيتي إن ماما مسيطرة عليه و إنه ملوش كلمة = بلاش منه
لأن كده ماما حتكون راجل بيتك، طبعا مش قصدي يكون عاق لأمه لكن قصدي إنها مش عاملة له شخصية.
5- أنت مش بتختاري عريس، أنت تختارين جنتك أو نارك، بتسلمي نفسك لقائد حياتك، ممكن تحبي تحفظي قرآن في دار يمنعك، ممكن عايزة تخلي حجابك أحسن يقولك لأ أنا عايزك كده، و لو كسلتي عن الصلاة مش حيفكرك .. فما تتساهليش في الاختيار 🙂
6- انسي موضوع إنك تاخدي واحد مش ملتزم و تقولي إنك تساعديه يلتزم، الراجل ميحبش الست اللي تأمره، و حيفضل هو كلامه اللي بيمشي و أنت المتضررة في النهاية 🙂
7- مش معني كلامي السابق إنك تشترطي عريس خاتم قرآن و معاه قراءات أو فقيه!
لا مش لازم خالص، ب شرط يكون ملتحي، لكن أهم شئ في الرجل المحافظة علي الصلوات الخمس، و في المسجد يكون أفضل، مع أن يكون ( مشهور ) بحسن الخلق بين الناس، و أن يكون كريم ( إياكي و البخيل ... إياكي و البخيل )
و طبعا بيشتغل و يفتح بيت و يظهر عليه انه راجل يشيل مسؤلية، سيبك من العيال حتي لو خاتم قرآن.
8- مهم في الرجل أن يكون غيور باعتدال و يخاف عليكي جدا، دي حاجة حلوة بس متكونش أوفر.
9- خلي بالك بعد الزواج و الحمل و الانجاب حتبقى صلاة الفجر بالنسبة لك مش سهلة، فلازم عريسك يكون حريص علي صلاة الفجر لأنه هو اللي حيساعدك تحافظي عليها، العكس مش بيحصل، لو الراجل مش بيصلي الفجر الست حتنام جنبه في الغالب.
10- صلي استخارة، و أنصحك برأي والدك أكتر من والدتك، لأن الرجالة فاهمين بعضهم كويس .. ممكن يمثل عليكي و على والدتك ... لكن بابا حيفقسه من أول قعدة 😈 😀
#تلك_عشرة_كاملة_للمخطوبه
