جنات النعيم غايتنا

اختاري صح 🌹

_"مقدرش أقلع الطرحة علشان شعري بيقع.."
_"ومروحتيش ل دكتور ليه؟"

_ "مش شايفة. "
_ "ماهو لا اللينسز لا أما مفيش النضارة دي تاني."

_ "عندي هالات"
_ "لازم تعالجيها لأنها بتخلي المظهر العام مش حلو."

_" مابعرفش أضحك في الصور علشان سناني مش مظبوطة. "
_" ابقى ركبي تقويم علشان تتظبط قبل الفرح. "

_" عندي حبوب في وشي. "
_" في حد اسمه دكتور جلدية لو مبتسمعيش عنه. "

_" بس أنا بشرتي سمرا كدا مش من الشمس. "
_" بس دا بردو ميمنعش أنك تهتمي بنفسك أكتر."

_" دا بهاق ومش مرض مُعدي. "
_" بردو لازم تتعالجي، أو ع الأقل حطي ميك أب وثبتي لون بشرتك علشان أقدر أبصلك. "

_" جسمي تخين. "
_" روحي ل دكتور تخسيس وتبطلي أكل شوية، أنا إيه ذنبي أعيش مع واحدة تخينة. "

_" هو جسمي كدا مش بيتخن. "
_" لازم تشوفي حل، أنا مش هتجوز عود قصب. "

_" أنا عاملة الزايدة. "
_" لازم تشوفي دكتور تجميل قبل الفرح لأن كدا مش هطيق أشوفك. "

_" عايزة ألبس كعب. "
_" وهتطولي أكتر من كدا إيه. "

_" مش بعرف ألبس كعب. "
_" وأنتي هتبقى ماشية جنبي قصيرة كدا؟ "

__________________________________

_" مقدرش أقلع الطرحة علشان شعري بيقع. "
_ ومين قالك إني عايزاك تقلعيها، وأدى حلقة السقا من بكرا."

_ "مش شايفة."
_ "اسندي عليا أنا هشوفلك."

_ "عندي هالات. "
_ "باندا قمر، أنا بحب باندا قمر."

_ "مبعرفش أضحك في الصور علشان سناني مش مظبوطة."
_ "أنتى متعرفيش أنتي السنان اللي مش مظبوطة بتحلي الصورة ازاي، اضحكي يا بت يا سعدية بحب ضحكتك. "

_" عندي حبوب في وشي. "
_" أهو عندك حبوب أحسن ما يكون عندك ذنوب. "

_" أنا بشرتي سمرا طبيعي مش من الشمس. "
_" السُمر نص الجمال مع إني شايفك الجمال كله. "

_" دا بهاق ومش مرض مُعدي. "
_" أنتي مميزة بالنسبة لي. "

_" جسمي تخين. "
_" وإيه يعني لما تتخني أكتر، كلي وانبسطي. "

_"هو جسمي كدا مش بيتخن. "
_" عود فرنساوي قمر بيتكلم! "

_" أنا عاملة الزايدة. "
_" بصرة وأنا شايل المرارة. "

_" عايزة ألبس كعب. "
_" البسي كعب كدا كدا مش هتطوليني. "

_" مش بعرف ألبس كعب. "
_"أنا بحبك بالأرضي . "

" ولا تظنين أنكِ ناقصة لشيءٍ من الجمال؛ فإن جمالك في كمالك الخاص بكِ، لا تظنين أنه يثني عليكِ، وإنما يمنحكِ القليل من حقكِ عليه، لم يتصدق عليكِ بالزواج؛ فأنتِ إن لم ترين فيه كل ما يناسبكِ لا تعطيه شرف التقرب إليكِ، فإنكِ مسكنه ومأواه هو من يريدك لتكملي نصفه الاخر وتكوني اما صالحه لاولاده ، وإن ذهب ياتي بعده العوض من الله فانتظري لحين يأتي ذاك الرجل الذي يرى فيما ينقصكِ رونقكِ الخاص. 💛🍂
#مقتبس
رزقكم الله زوجا صالحا محبا ودودا💛🍂