كنت بحب شكل النقاب الملكي اللي بيجي على جمب دا جدًا جدًا حتى من قبل ما انتقب ، وشفت كذا بوست فيه انه حرام وملفت وكلام من هذا .. ساعتها قلت فى نفسي ايه الغلو دا ! ماهو زيه زي أي نقاب بس هو بيدي شكل أحلى شوية وعادي يعني مفيهاش حاجه ماهو ساتر وخلاص وعدى الموضوع ..
جيت فى يوم كنت نازله قلت هلبسه وقاعده اظبط فيه بقى واجيبه على جمب واثبته بدبابيس وحركات وتمام التمام ونزلت ، المهم فِى بنوته صغنونه كلامها مكسر شويه معرفهاش والله ولا تعرفني أصلا وماشيه جمب أخوها صغير بردو ميتعداش السبع سنين كدا فشاورتله عليا فجأه كدا وبتقوله بصوت عالي بالنص كدا " الله بص عامله ازاي ! عامله زي اللي عامله قُصه "
ويكأنها جابت خنجر وطعنتني بيه "
صدقا بقيت ماشيه أكلم نفسي وإني أستاهل الضيق اللي حصل لي فجأه دا ، عشان ربنا أول مره خلاني أشوفها فى بوست عابر علشان اخد بالي وللأسف اتبعت هواي ..
الموقف معداش عليا عادي ابدًا !! وكلام كتير بيني وبين نفسي بتزيني فى النقاب وبتجملي فيه لمين فى الشارع ؟! ، النقاب للستر والخفاء اجي انا اتفنن فى ظهوره ليه ؟!
يعني انا فى عز الحر والتعب واحتسابي لـ نيه الحجاب هتذهب هباء كدا !!
لما طِفله ف السن دا شيفاني كدا اومال الناس الكبيره والشباب شايفيني ايه ؟!!
ورجعت وجددت نيتي من تاني ، ودي كانت آخر مره البسه فيها الحمد لله"))
#البسوه_صح
#قالت_لي
