الكلام موجهه للي تواجه حجي بخصوص العباءة الزينبية وموجه لكل بنت ناويه تلبسها وتحب تلبسها لكن تواجه بعض الاعتراضات عزيزتي مهما يكون اللبس مستور هم يبرز المفاتن لو تلبسين كونيه وعيونج وصدكيني نظره الشباب فد نظرة قويه كلش يكول الامام لو تعلم المرأة كيف ينظر لها الرجل لغطت نفسها بدرع من حديد!! لو العبايه مو أفضل ما جان لبستها السيده زينب عليها السلام وحافظت عليها رغم كل اللي مر بيها..خو تكدر تكول
حرب وخيم ونار وأطفال وما کدرت ادبره. .. مثل ما هسه بعض الجامعيات يكولن منسيطر ورقه وقلم ودفتر وجنطه تصير خبصه؟؟خو يعني السيدة زينب عليها السلام معركه وقاتل ومقتول وطفل يبجي وسهم يجي منا وسهم يروح منا ليش ما كالت هسه اني شعندي لابستها مو لابسهه مستور دخلي انزعها!! قلبي أنت جوهرة.. تعرفين شنو جوهرة يعني لازم تتغطه يعني وجهج يصير كمر يضوي بنص الليل لتروحين تسألين المالابسات عبایه ليش مالابسات روحي سالي اللابسات ليش لابسات؟ ؟
طبعا ما اقصد الي ديشوهن سمعة العبايه.. تلكيها جوراب خفيف وقراصة كبيرة وميك اب وعلاقات واغاني وخاصة الجو ولابسه عبايه !! حتى من تجين تكولين لفد وحده البسي عبايه تكلج موذيج فلانه لابسه عبايه وهي شلونها وذيج فلانه مالابسه بس هي ورده ترا الإيمان إذا بالقلب يظهر عالجوارح الايمان اللي بقلبج هسه هو اللي دفعج انو تفكرين تلبسين عبايه... وهذا واحد من علامات حب الله الج لان ثقي بالله العبایه توف بكومة التبرج وغيرها اللي نشوفه !! متتخيلين نفسج شلون أميره بيها والله أميره.. تمشين مسيطره وكلها تحترم السواد الجاي من بعيد اكو يسمون امهات العباءة غرابيب سود..واني اكلكم عادي هذا نظرتكم المتخلفة المهم الله يرضى انتم منو وتهموني؟! البسيها حتى بيوم القيامه تلبسج الزهراء تاج العفاف ويانه
أنت تقرأ
عفاف الزينبي 👑♥️✨
Espiritualالفتاة...❤❤. عفّة، طهارة، شرف، جمال داخلي، مشية محتشمة. فكوني أميرة بحجابك ، ملكة بأخلاقك وامبراطورة بإسلامك و لا تكوني لقمة سهلة لكل من هبّ ودب كوني "فتــــاة" كما أمر الله ...🎀🎀
