عفاف الزينبي 👑♥️✨

العباءة الجامعية.!

وأكو فرق بين ألبس عباية حتىٰ أستر نفسي وبين ألبس عباية حتىٰ أكشخ بيها، الإنسانة الي هدفها من عبائتها ستر ماتدور مظهرها شلون صاير بالعباية أو شنو يگولون الناس بالعكس هذهِ الأمور ماتهتم الها وخلوا ببالكم شغلة وحدة "العباية الماتلوح الطين ماملبوسَّة للعفَّة"، مَنْ ألبس عباية وشايلتها متر عن الأرض هاي كل ستر مابيها*.
هسة تگولون شسالفة يعني كل وحدة ماتلبس عباية مامستورة؟ أيضاً هذا الموضوع بي فرق أكو فرق ألبس ملابس حتىٰ أغطي جسمي فقط "غلاف" وبين ألبس ملابس تسترني خو هيَّ العباءة بالاصل مو واجبة فَكل وحدة تلبسها لازم تنطيها حقها لان اساسًا الهدف والغرض منها الستر والأهم من ذلك هو أقتداءًا بمولاتي فاطِمَّة "عليها السَلآم"، نرجع للغلاف الملابس اكو بيها بس تغلف الجسم يعني مجرد هذا جلد غطيتة والنوع الثاني هو "ستر" حتىٰ مايبين أي شي منچ، فَراجعي ملابسچ من يا نوعيَّة؟.زين هذا كلامچ آية رواية لو تسفيط حچي وضحيلنة! تمام نجي نوضَّح السالفة الخَطبة الفدكية للسيدة الزهراء أغلبكم سامع بيها شتگول: "لاثَتْ خِمارَها على رأسِها" أكيد هنا نعرف أن السيدة الزهراء خلَّت شيء علىٰ رأسها شنو هذا الشيء أكيد "عباءة" زين بعد شنو نص الخطبة "واشْتَمَلَتْ بِجِلْبابِها، وأَقْبَلَتْ في لُمَةٍ مِنْ حَفَدتِها ونساءِ قَوْمِها، تَطأ ذُيُولَها"، ركزولي علىٰ كلمة "تَطأ ذُيُولَها" بمعنىٰ أن عبائتها كانت تطخ بالگاع مَنْ تمشي، من هنا نفهم أن الغرض مَنْ العباءة هو "ستر، ستر، ستر" ليس فقط غطاء.
ومَن هذا المُنطَلق عرفنا أن العباءة هيَّ كانت تَرتديها سَيِّدِة نِساء العالمين فَـ أنتَ أو أنتِ منو حتَّىٰ تنتقدون العباءة؟ أو تگولون عنها تَخلَّف؟ إذا العباءة تَخلَّف فهذا أكثر شي أفتَخر بي بحياتي إنَّي مُتَخلَّفة كلام الناس لا يَنفع ولا يَضر والّي يگول محد سِلم من كلام الناس لا الزين ولا المو زين، المشكلة مو هنا وإنما أنا أصير زينة وأطبَّق الّي أعرفة وكلام الناس ماراح يأثَّر والموزين علىٰ نفسة.
" قَدْ جَاءَكُمْ بَصَائِرُ مِنْ رَبِّكُمْ  فَمَنْ أَبْصَرَ فَلِنَفْسِهِ وَمَنْ عَمِيَ فَعَلَيْهَا  وَمَا أَنَا عَلَيْكُمْ بِحَفِيظٍ ".
وأيضاً موديلات العبي الي بيهن "زنجيل، أو كبوس.." وغيرهن من الموديلات الجدد لاهنَّة عبي ولا محسوبات علىٰ العباية ولا يَحملنَّ رائحة مولاتي فاطِمة.
القرآن شيگول: " يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ".
ماگلة بس ازواجك ولا بس بناتك گلَّة" نساء المؤمنين"، يَعني تَخيلَّوا رب العالمين موصي رسولة علينة شكد حلوة هاي الآية