قصة : ( مندوب الموت ) ل سهيلة سعيد المنجي

الحلقة ٣ و ٤

قصة : { #مندوب_الموت } ☠🔥

الحلقة الثالثة { ٣ } 🦂

عبدالرحيم بغيظ : ادي تربيتك الوس*ة ودلعك ، مفيش ليه مدارس تاني 
( يمشي عبدالرحيم ع اخره ، تقرب ريحان تاخده ف حضنها )
ريحان بحزن : حصل ايه بس لدة كله ؟!
سفيان ودموعه بتنزل : بيعايروني ب امي ي ريحان
( تبصله بحزن )
سفيان : بيعايروني بموتها
ريحان : متزعلش ، انا هساعدك ونتعلم ف البيت
سفيان بعياط وانفعال : هو ليه بيعمل معايا كداااا ، يعني مكفهوش قتل امي ، م يسيبني ف حالي بقاااا
ريحان وهي بتطبطب عليه بخوف : بس بس عشان خاطري ليسمعك ، هو بس قاسي شوية انا فهمتك ، متدققش ع تصرفاته ماشي ؟
سفيان : انا تعبت ، نفسي اعيش طبيعي بقا زي الناس !
( تبصله ريحان بحزن وقلة حيلة )

*( بعد 12 سنة )*

*( شهر 6 ، سنة 2021 )*

( قدام night club ، بنت قاعدة ع عربية مركونة وواقفة قصادها بنت تانية )
حبيبة : قلتلك مش هدخل خلصنا بقا

*( ملحوظة .. حبيبة بنت جميلة ، بشرتها بيضة ، عونها عسلي ، شعرها اسود طويل ، جسمها رفيع ، طولها متوسط ، عندها ١٨ سنة ، من عيلة غنية ، بباها ومامتها منفصلين وهي واخوها عايشين مع اختها الكبيرة )*

ندى بتوتر : عشان خاطري طيب ، متحرجنيش معاهم ي حبيبة بليز !
حبيبة ببرود : انتي الغلطانة عشان انا لو اعرف إن الشلة دي جاية مكنتش جيت ف مش هدخل ⁦
ندى : يعني مش داخلة دة اخر كلام ؟
حبيبة وهي بتبص ف حتة تانية : ايوة ، مستنية يجيبولي المتوسيكل عشان اروح
ندى : طيب براحتك ، انا داخلة
حبيبة بغيظ : طب غوري
( تدخل ندى ال night club ، تتنهد حبيبة وترجع بضهرها لورا تسند ع ازاز العربية ، وفجأة ، يشتغل صوت محرك العربية )
حبيبة بخضة : عاااا !
( تقوم بسرعة من ع العربية ، تطفي العربية ، تتغاظ حبيبة ، تقرب بعصبية عند شباك السواق )
حبيبة بعصبية وهي بتخبط ع الشباك : افتااااح
( يفتح ازاز العربية ، ترتبك اما تشوفه )
سفيان : نعم ؟

*( ملحوظة .. سفيان شاب وسيم ، بشرته خمرية ، طويل وعريض جسمه رياضي مظبوط ، شعره اسود ، لحية خفيفة مظبوطة ، عيونه عسلي ، تاتو ع دراعه وبعض المناطق ف جسمه ، حالياً عنده ٢٨ سنة ، عايش مع عمه من وقت م اخده وشغال معاه بس مازال التعامل بينهم مش لطيف ابداً ودايماً مشاكل )*

حبيبي ب ارتباك : كدة خضتني !
سفيان ببرود : معلش
حبيبة بغيظ : والله ، عملت بيها انا ايه يعني !
سفيان : انزل ابخرك يعني ولا اعملك ايه ؟
حبيبة بتريقة : ايه دة حلو ودمه خفيف كمان !
سفيان وهو بينزل م العربية : تخيلي
( تتخض حبيبة من طوله )
حبيبة وهي ماشية : حاجة زفت !
( تروح تسند ع عربية تانية وتمسك الفون ، يسند سفيان ع عربيته ويبصلها ، تلاحظ حبيبة ، تتحرج ، كل اما تبصله تلاقيه باصصلها )
حبيبة ب انفعال وهي بتبص ل سفيان : وبعدين يعني !
سفيان : نعم ؟
حبيبة : بتبصلي كدة ليه ، لو سمحت بص قدامك ⁦!
سفيان وهو بيبص قدامه : هههههه حاضر
حبيبة : مبهزرش ع فكرة !
سفيان : سؤال بس ، انا جيت جنبك ؟
حبيبة : لا مجتش جنبي
سفيان : اومال متعصبة ليه كدة ع امنا ؟!
( تحس طريقة كلامه مش متظبطة ، تخاف وتسكت ، تطلع ندى م ال night club ومعاها بنت وشابين )
غدير وهي بتقرب ع حبيبة : حضرتك بتتهربي مش كدة !
حبيبة وهي باصة للفون : بقولك ايه ابعدي عني احسنلك ⁦
غدير : طول م انتي حطاني ف دماغك هتلاقيني نطالك ف كل حتة ي حبيبة
حبيبة وهي بتبصلها بقرف : حطاكي انتي ف دماغي ، انتي مين اصلاً عشان احطك ف دماغي ي ماما !
( يقرب شاب راكب متوسيكل ، يقف قدامهم وينزل ويدي المفاتيح ل حبيبة )
ندى بقلق : خلاص ي بنات !
غدير ب استفزاز : انا الي اخدته منك ي حبيبتي
حبيبة بتريقة : كلوا بعض ي روحي ، انا التفة الي بتفها مبرجعش الحسها تاني
باسم ب انفعال : حبيبة احترمي نفسك ولمي لسانك احسنلك !
حبيبة : ايوة دافع ي حبيبي دافع ، وع فكرة ي صاحبتي ، زي م سابني وراحلك هيسيبك ويروح لغيرك م دي طبيعته
( تبص ل باسم )
حبيبة : بس الأستاذ افتكر إني كنت ميتة ف دباديبه وميعرفش إني مكنتش عارفة اسيبه عشان مجرحش مشاعره مش اكتر ، بس طلع معندوش مشاعر اصلاً ههههه
غدير وهي بتطبطب ع خد حبيبة ب ابتسامة مستفزة : انتي بتقولي كدة من قهرتك بس
حبيبة وهي بتزق ايدها : اوعي ايدك دي بس كدة وحطيها جنبك !
ندى : م خلاص بقا انتوا هتتخانقوا !
( كل دة وسفيان مراقب الي بيحصل )
غدير بتريقة واستفزاز : اتخانق مع مين ، دي لو نفخت فيها هطيرها
حبيبة ب انفعال وهي بتزق غدير : تطيري مييين !
غدير بخضة : ااه ي حيوانة !
( تلحقها ندى قبل م تقع )
حبيبة : دة انا اطيرك انتي والي يتشددلك
باسم وهو بيمسك دراع حبيبة بعنف : خلصناااا
حبيبة بزعيق : اوعا ايدي دي ي متخلف انت ، انت هتعمل راجل علياااا !
باسم وهو بيضربها بالقلم : احترمي نفسك بقا !
حبيبة بخضة : اااه !
( يتخض سفيان الموضوع كبر )
ندى بخضة : انت اتجننت ي باسم بتعمل ايه !
( يرمي سفيان السيجارة الي ف ايده ويقرب عليهم )
سفيان ل باسم : انا بقول ميصحش إنك تمد ايدك ع بنت !
باسم : وانت مال اهلك هي كانت بنت خالتك ، مين الحشاش دة ؟!
حبيبة ب انفعال وعياط : وربي ل ...................
سفيان وهو بيحط ايده ع بؤها : اة بنت خالتي
( وفجأة ، يضرب باسم بالدماغ ف مناخيره ، يصرخه البنات وتتصدم حبيبة ، يطلع سفيان مسدسه ويوجهه ناحية باسم ، يتخض باسم والي معاه ويطلعوا يجروا )
حبيبة بخوف وهي بتمسك دراعه : ممكن تهدى !
سفيان وهو بيمدلها ايده : هاتي المفتاح 
( تديهوله حبيبة وهي مصدومة م الي حصل ، يركب سفيان المتوسيكل بتاعها )
سفيان وهو بيبصلها : اركبي ، ولا محتاجة عزومة ؟
( تركب حبيبة وراه ويمشوا )
حبيبة : انا اسفة عملتلك مشكلة !
سفيان وهو سايق : حاولي لما تبقا في لمة عليكي كدة تاني تبقي اهدى من كدة !
حبيبة بعصبية : اهدى ايه دة انا هطلع عينهم ، انت لو مكنتش اتدخلت انا كنت زماني مفرتكاهم
سفيان ب ابتسامة : مفرتكاهم حتة واحدة !
حبيبة : مفكرني بكدب !
سفيان : لا عيب مصدقك طبعاً
( يفرمل ع الشارع العمومي ، ينزلوا )
سفيان وهو بيديها المفتاح : امسكي
حبيبة : شكراً
سفيان : العفو
حبيبة وهي بتمدله ايدها : انا حبيبة
سفيان وهو بيسلم عليها : سفيان
حبيبة ب ابتسامة : حلو اسمك
سفيان : تسلمي
حبيبة : تصبح ع خير
سفيان : وانتي بخير
( تركب حبيبة وتمشي ويفضل سفيان باصصلها ، يرن فون سفيان )
سفيان : الو
بلال : ايه ي بني فينك ؟!