قصة : ( مندوب الموت ) ل سهيلة سعيد المنجي

الحلقة ١٣ و ١٤

قصة : { #مندوب_الموت } ☠🔥

الحلقة الثالثة عشر { ١٣ } 🦂

( يطلع البادي جارد ووراه الشخص ، يلاقوا سفيان واقف وحواليه مذبحة دم واتنين بادي جارد موجهين ناحيته سلاح )
الشخص المطلوب ب ابتسامة : كنت مستنيك 🙂
( يشاور للبادي جارد ينزله فيه ضرب لما يورموه ووشه ينزف )
الشخص المطلوب وهو بيحط ايده ف جيبه : سمعت عنك كتير ، بيقوله عنك مندوب الموت ، بس الي اعرفه إنك بتدرس اي مكان كويس قبل م تدخله ، اظن فاتتك دي معايا 💁🏻‍♂️
( يبص للبادي جارد )
الشخص المطلوب : خلص عليه
( لسة هيمشي ..................... يلاقي الي هجم عليه مرة واحدة خدوا ووقعه ف الماية ، يفضل سفيان غطسان بيه وبيخنق فيه تحت الماية لحد م يموت ، يلاقي طلقات بتضرب عليه من فوق ، يسيبه ويبعد ع اد م يقدر وهو لسة تحت الماية ، لما يبعد كفاية يطلع ويعوم لحد الشط لإن مكانتش المسافة كبيرة ، ينام ع الرملة م التعب وبعدها يقوم يقرب ع عربيته مركونة يركبها ويمشي ، يوصل قدام الشاليه بتاعه ، ينزل م العربية يفتح الشاليه ويدخل ياخد دش وبعدين يطلع يترمي ع الكنبة ب تعب ، يطلع الصبح ، تصحى حور ، تقوم تقعد ، تمسك دماغها )
حور ب تعب : ااااه ، ايه الصداع دة 😞
( تلاحظ الچاكيت الي لبساه رجالي ، تستغرب ، تقوم تقلعه وتدخل التويليت تغسل وشها ، يخبط باب الأوضة )
حور م التويليت : ادخل
( تدخل حبيبة )
حبيبة : نموسيتك كحلي يسطااا 🤷
حور وهي بتقرب عليها : مصدعة اوي 🤦🏻‍♀️
حبيبة وهي بتقعد : ليكي حق دة انتي بهدلتينا
حور ب استغراب : هو حصل ايه امبارح ، انا لقيت الچاكيت دة كنت لبساه !!
حبيبة : اه دة بتاع سفيان ، انتي بس شربتي المشروب بتاع المكان وبعد كدة خربتي الدنيا 🙅🏻‍♀️
حور ب خضة وهي بتقعد : احيه بتهزري 😦
حبيبة ب ضحك : والله جد دة كان يوم تحفة 😂
حور ب قلق : عملت ايه ؟!
حبيبة : استني هوريكي ، انا كنت مصوراكي عشان لو حكيتلك مكنتيش هتصدقي طبعاً 🤷
( تفتح حبيبة الڤيديو وتديه ل حور )

( يقلع سفيان الچاكيت بتاعه ويلبسهولها )
سفيان : البسي
حور وهي بتلبسه : هو احنا نعرف بعض 😌
سفيان : تقريباً
حور : حبايب صح 😉

حور ب خضة : يلهوي ، ايه الي انا بقولهوله دة وازاي اقلع كدااااا 😮
حبيبة : انتي لسة شوفتي حاجة كملي 🤭
( تكمل حور الڤيديو لحد م سفيان ضرب الشباب وبعدها راحت معاه )
حور ب احراج : احيه ، احيه ع منظري الزبالة ، احيه احيه !!
حبيبة ب ضحك : هههههههه 🤭
حور : كل دة بسببك ي زفتة 🤦🏻‍♀️
حبيبة : وانا مالي ي لمبي ، هو انا غصبتك تشربي 🙄
حور : لا بس بسببك رحت اصلاً مكان زي دة 🤷
حبيبة : خلاص بقا دة كان يوم زي الفل وربنا كان جميل
حور : هو سفيان دة قاعد فين ؟
حبيبة : شاليه قريب من هنا ، ليه ؟!
حور : تعالي معايا نروحله ، عاوزة اشكره ع الي عمله معايا واديله الچاكيت واعتذرله
حبيبة : شوفتي مش قلتلك إنه كويس
حور : بطلي كدب بقا ، انتي لسة قايلة إنه زي الزفت 😕
حبيبة وهي بتقوم : يلا طيب 🙄
حور : اديني عشر دقايق اغير هدومي دي
حبيبة وهي بتقوم : طيب هستناكي تحت
حور : ماشي
( تنزل حبيبة وحور تغير هدومها وتاخد الچاكيت بتاع سفيان ويروحوله ، يقربه ع الباب يلاقوه مفتوح )
حور ب استغراب : هو مش هنا ولا ايه ؟!
حبيبة وهي بتدخل : لا هنا عربيته برة
( يدخله )
حبيبة وهي بتبص حواليها : سفيااان ، سفياااان !
( تلمحه حور ع الكنبة نايم ومنظره دمار وبيترعش مش لابس غير الشورت ، تتخض )
حور : احيه 😦
حبيبة ب خضة : يلهوي ايه دة !!
( تقرب عليه حبيبة )
حبيبة : سفيان ، سفيان مالك انت كويس ؟!
( يفتح عينه )
حور وهي بتقرب عليه ب قلق : ايه الي عمل فيك كدة ؟!
سفيان ب تعب : حادثة 😞
حبيبة : طب قوم نوديك مستشفى
سفيان ب خضة : لا لأ ، مستشفى لأ ، اااااه 🤦🏻‍♂️
( يمسك دماغه )
حور : ليه طيب دة انت متدمر ، غلط كدة 😬
سفيان : هبقا كويس ، مبحبش المستشفيات
حبيبة ل حور : هنعمل ايه ؟
حور : طيب شوفي ف المطبخ بولا كبيرة حطي فيها ماية ب تلج وقماشة ، وانا هدخل اشوفله حاجة يلبسها بيترعش
حبيبة : طيب ماشي
( تقوم حبيبة تدخل المطبخ تعمل الي حور قالتلها عليه وتدخل هي تجيبله تيشيرت وغطا تحطهم ع الكرسي ، تقرب حبيبة بالماية )
حور : حطيها هنا 👈
( تحطها ع الترابيزة ، تقرب حور تاخد الغطا وتغطيله النص الي تحت وسفيان نايم وتمسك القماشة تعصرها م الماية وتحطها ع دراعه مكان الكدمة )
سفيان ب وجع : ااااه 😞
حور : معلش استحمل طلاما مش عاوز تروح مستشفى !
سفيان : ااااه 🤦🏻‍♂️
حبيبة ل حور ب استغراب : معقول حادثة تعمل فيه كدة !!
( تشاورلها ب لأ )
حبيبة : يكنش الشباب الي ضربهم امبارح رجعوله ولا حاجة !
حور ب خضة : احيه معقول 😕
حبيبة : ممكن 🤷
حور : بس من طريقة ضربه ليهم اظن يخافه يقربوله تاني !
حبيبة ب حيرة : مش عارفة بقا ، انا بخمن
حور وهي بتشيل القماشة من ع دراعه : انتي تعرفي صيدليات هنا ؟
حبيبة : اه عارفة
حور وهي بتحط القماشة ف الماية : طيب هنحتاجله حاجات
حبيبة : طيب شوفي عاوزة ايه واجيبهولك
( ترجع تحط القماشة ع صدره )
حور : عاوزة كريم للكدمات دي وفي تعاوير
حبيبة : تمام
حور : وكريم مضاد للجروح الي ف وشه وشاش وقطن وبلاستر
حبيبة : تمام
حور : ومضاد حيوي برشام وبس
حبيبة وهي بتقوم : ماشي هروح اجيبهم واجي
حور : متتأخريش بس
حبيبة وهي بتمشي : حاضر
حور : معاكي فلوس ؟
حبيبة : بتاخد ڤيزا عادي 🤷
حور : طيب
( تمشي حبيبة ، تكمله حور الكمادات ، تحط القماشة ع دماغه وتفضل بصاله ، تحط ضهر ايدها ع خده تمسحله الماية وتبصله ب حزن ع حاله ، بعد شوية ، تقوم حور تغير الماية وترجع ، تلاقيه مفتح عينه )
حور وهي بتقعد قصاده : حمدلله ع السلامة 🙂
سفيان ب تعب : الله يسلمك ، تعبتك
حور : ولا يهمك ، المهم تكون بخير 🙂
سفيان : تسلمي
( يسكته )
حور ب ارتباك : ااا حبيبة راحت الصيدلية تجيبلك شوية ادوية كدة ، او يستحسن تقوم تروح مستشفى
سفيان : لا مفيش داعي ، انا بقيت كويس
حور : زي م تحب ، انا كنت جيالك عشان اشكرك ع الي عملته معايا امبارح ، واتأسفلك كمان ع طريقتي والي انا عملته 😅
سفيان : ولا يهمك ، حصل خير
( يسكته )
حور ب احراج : ع فكرة انا مش متعودة اشرب وكدة ، دي اول مرة 😕
سفيان : عارف ، استغربت اما شوفتك كدة !
حور : البنات فهموني إن مشروب المكان مش بيسكر 🤷
سفيان : هو فعلاً مش بيسكر 
حور ب استغراب : بس انا سكرت !!
سفيان : ممكن عشان اول مرة ليكي
حور : واخر مرة إن شاء الله ، لسة سقعان تلبس التيشيرت ؟
سفيان : اه ياريت
( تقوم تمسك التيشيرت وتساعده يلبسه )
حور وهي بتلبسهوله : هتبقا كويس دلوقتي
سفيان ب ابتسامة : فرحت إني شفتك 🙂
حور ب ارتباك : اااا هعملك حاجة سخنة 😐
( لسة هتمشي يمسك ايدها )
سفيان : شكراً ع الي عملتيه معايا ⁦♥️⁩
( تدخل حبيبة ، تبصلهم ب استغراب ، حور تشيل ايدها من سفيان )
حور ب توتر وهي بتقرب ع حبيبة : جيبتي الحاجة ؟