قصة : ( مندوب الموت ) ل سهيلة سعيد المنجي

الحلقة ٧ و ٨

قصة : { #مندوب_الموت } ☠🔥

الحلقة السابعة { ٧ } 🦂

*( ملحوظة .. يوسف اخو حور الكبير ، عنده ٢٩ سنة )*

حور ب استغراب : ف اوضتها ، في ايه ؟!
( يجري يوسف ع فوق ب عصبية ، تروح وراه حور ، يدخل اوضة حبيبة مرة واحدة ، تتخض اول م يدخل ، يقفل يوسف الباب وراه بالمفتاح ، تقوم حبيبة تقف ، تقرب حور ع الأوضة )
حور ب خضة : يوسف افتح 😧
يوسف : كنتي فين لحد دلوقتي ؟!
حبيبة ب توتر : كنت مع صحابي !
يوسف : صحابك اه 😒
( وفجأة ، يضربها بالقلم ويمسكها من شعرها )
حبيبة ب صريخ : اوعااااا 😧
حور وهي بتخبط ع الباب : يوسف افتح الباب بقااا !
يوسف ب زعيق وهو بيشد ع شعرها : وحيات امك لو اتأخرتي التأخير دة تاني ل اكون حابسك ف البيت ، فاهمااااا 😡
حبيبة ب صريخ وعياط : خلااااص 😣
( يزقها ع السرير ويطلع )
يوسف وهو بيقرب ع حور : يوم اهلك اسود انتي كمان ، بتداري عليها ليييه 😡
( يذغدها ف كتفها )
حور ب وجع : اااه ، عشان مش قادرة عليها ، ولما بشتكيلك بيبقا هو دة رد فعلك ضرب وشتيمة ، وانت السبب اصلاً ، لا انت محتوي البيت ولا حتى محتوينا 🤷
يوسف ب انفعال : العيب فيا يعني  ماشي ، من بعد انهاردة البيت دة هيمشي ب نظام جديد 😡
( يزقها ب عنف من قدامه تتخبط ف الحيط ويمشي )
حور ب وجع : ااااه ، ربنا يتوب عليا منكم بقاااا 😔
( تدخل حور ل حبيبة ، تقرب عليها )
حور : انتي كويسة ؟
( تشاورلها ب لأ وتتفتح ف العياط ، تقرب حور تاخدها ف حضنها وتطبطب عليها ، ينزل يوسف يقعد ف اوضة المكتب ، يطلع من جيبه كيس بودرة ويحطه ع المكتبه ويبدأ يشمه )
يوسف ب قرف : كتكم الأرف ستات غم 😤
( يعدي الوقت ، عند سفيان ، نايم ع الكنبة وباين عليه التعب وعرقان وبينازع ف نومه كأنه شايف كابوس )
صوت بيصرخ : سفياااااااااان
( يقوم سفيان مفزوع م النوم ومادد ايده كأنه كان هيمسك حاجة قدامه )
سفيان ب لهفة : ماماااا 😧👋
( يصحى ، يبص حواليه يلاقيه كان بيحلم ، يقلع التيشيرت الي اتغرق عرق ويقوم يقعد ساند ب ايده ع رجله وباصص للأرض )
سفيان ودموعه بتنزل : مش هسيب حقك ، مش هسيبه والله 🤦🏻‍♂️
( تاني يوم ، ف بيت حور ، واقفة حور قدام مرايتها بتظبط الميكب بتاعها ، يرن فونها )
حور : ايوة ي فريدة ، خلاص خلصت ، طيب هقابلك هناك ، باي
( تقفل حور وتخلص وتنزل ، حبيبة قاعدة ف الأنتريه بتتفرج ع ال tv ، تشوف حور )
حبيبة : رايحة فين ؟!
حور : عيد ميلاد لارا
حبيبة وهي بتبص ل ال tv : طيب 😒
( تمشي حور توصل night club فيه العيد ميلاد وتقعد مع صحابها ووسام ، ف نفس المكان بس ف جزء تاني ، قاعد سفيان مع صحابه )
اياد : ايه بقا متخلص ، قولتلي هتدخلني الحفلة عاوز اشوف المزة بتاعتي 🙄
سفيان ب تذكير : اه صحيح كنت هنساك ، يلا بينا
( يقوم يمشي سفيان واياد وصحابهم وراهم ، يطلعه من باب ورا ويدخله مكان حفلة لارا وينتشره ف المكان ، يقرب اياد ع فريدة )
اياد وهو بيقرب ع فريدة : حبيبي
فريدة : كل دة تأخير ي اياد !!
اياد : معلش ي قلبي كنت مستنى سفيان عشان حافظ المكان انتي عارفة مش بالساهل اعرف ادخل هنا من غير دعوة عشان دة عيد ميلاد 🤷🏻‍♂️
فريدة : طب تعالى اعرفك ع صحابي
اياد : اوك
( حور واقفة ع البار )
حور : لو سمحت عايزه عصير تفاح
الويتر : اوك
( يقرب سفيان يقف ورا حور )
سفيان وهو بيبص ع فستانها : حلو ستايل سعاد حسني دة ، بموت فيه 🤔
حور وهي بتبصله : طب ياريت تموت بعيد عني 😒
( تضير وشها )
سفيان : لا احب اموت هنا 🙂
( متبصلوش )
حور ل الويتر : العصير لو سمحت !
الويتر وهو بيديهولها : اتفضلي
( تاخد حور العصير )
سفيان ب تريقة وهو بيشد طرف فستانها : لبن نيدو دة 👋
حور ب خضة وعصبية : لا لبن امك 😡
( تكب العصير ف وشه ، يلاحظ الكل ويتنح م الموقف ، سفيان واقف ع اخره وتتخض حور من رد فعلها السريع وتندم ، يمسح سفيان وشه ويقلع الچاكيت بتاعه ، يقرب وسام ع حور )
وسام : انتي كويسة ؟!
( بيبص ل سفيان )
وسام : دة ضايقك ف حاجة ؟!
حور ب قلق : يلا بينا 😐
( لسة هتمشي .............. )
وسام وهو بيقرب ع سفيان : شكلك ضايقتها ، اعتذر 💁🏻‍♂️
( يبتسم سفيان ، وفجأة ، يدي وسام بالدماغ يوقعه ف الأرض ، تتخض حور ويقرب الأمن ويتخانقه مع صحاب سفيان ، يقرب سفيان ع حور ب كل غيظ ويشيلها ع كتفه )
حور ب خضة وصريخ : انت ي حيوان نزلنييييي 😧
( ميردش سفيان ويطلع بيها برة المكان يرميها ف نافورة قدام ال night club )
حور ب خضة وزعيق : انت اتجننت ي زبالة انتااااا 😨
سفيان ب غيظ وانفعال : لبن امي هاااا ، انتي لسة شوفتي جنان 🤷🏻‍♂️
( تقف حور ولسة هتطلع يزقها سفيان يوقعها تاني )
مروه ب وجع : ااااه دراعي !!
( يقرب يقومها بسرعة ، يلاقي صحابه طالعين بيجروا م المكان )
اياد : يلا بسرعة بلغوا البوليس 🏃🏻‍♂️
سفيان وهو بيبص ل حور ب ابتسامة : حظك حلو 🙂
( تقرب فريدة )
فريدة ب خضة ل حور : ايه دة جرالك ايه !!
حور وهي باصة ل سفيان : انا كويسة 😐
( يبتسملها سفيان ويركب هو وصحابه متوسيكلاتهم ويمشوا )
فريدة وهي بتسندها : الدنيا مقلوبة جوة ، تعالي نروح يلا 👋
حور : لا هشوف وسام الأول
فريدة : هتروحي معاه يعني ؟
حور : اة
فريدة : طب ابقي طمنيني عليكي 😕
حور : اوك
( تدخل حور تدور ع وسام ، المكان متكسر واهل لارا عمالين يتخانقه مع صحاب المكان ع الي حصل ، حور تشوف وسام قاعد ع كرسي وحاطط منديل ع مناخيره بتنزف ، تقرب عليه )
حور ب قلق : انت كويس 😬
وسام : مفيش حاجة انا كويس انتي كويسة .. ايه الي مغرقك كدة !!
حور : تعالى نمشي من هنا بس
( يطلعوا م المكان يركبه عربية وسام ويمشوا ، يوصله قدام بيت حور )
حور ب قلق : متأكد إنك كويس ؟
وسام : كويس والله متقلقيش
حور : طيب روح بالعربية وانا هبقا اجي بكرة ب عربية حبيبة
وسام : لا هطلب اوبر
حور : قلتلك روح بيها بقا خلاص ، يلا تصبح ع خير
وسام : وانتي بخير
( تنزل حور تدخل البيت ويمشي وسام ، تعدي الأيام وتفضل حبيبة ف البيت مبتخرجش بسبب مشكلتها مع اخوها ، حبيبة طالعة م البيت ، تقرب ع موتسيكلها ، تلمح سفيان واقف جنب موتسيكله ، تبتسم وتقرب عليه )
حبيبة : صباح الخير 🙂
سفيان : صباح النور 🙂
حبيبة ب استغراب : ايه الي جابك هنا ؟!
سفيان : مش باينة بقالك فترة وفونك مقفول ، خفت تكوني عملتي مشكلة تانية مع حد وخدتيلك علقة ولا حاجة 🤷🏻‍♂
حبيبة : هههههه لا الحمدلله 😄
سفيان : قلت اجي اطمن ، بس كنت متردد ادخل ل اعملك مشكلة مع اختك ف استنيت تخرجي انتي
حبيبة : كويس إنك مدخلتش الوضع متوتر شوية جوة
سفيان : حصل ايه ؟!
حبيبة : ممكن نمشي طيب واحكيلك
سفيان : اوك
حبيبة : هركب معاك
سفيان ب ابتسامة : ماشي 🙂
( يركب سفيان ويبص ع باب البيت كأنه مستني حد يخرج ، تركب وراه حبيبة ويمشوا ، ف الطريق حبيبة ماسكة ف المتوسيكل من ورا ، يطلع سفيان مطب جامد 🏍️ )
حبيبة ب قلق وهي بتمسك فيه : بالراحة والنبي 😅
سفيان ب استغراب : ايه دة خايفة ازاي وانتى بتركبيه لوحدك !!
حبيبة : لا بس انا مش متهورة كدة ، انت سريع اوي !!
( يذود السرعة اكتر )
حبيبة وهي بتمسك فيه اكتر ب خوف : احيه سفيان اقسم بالله هنقع 😮
سفيان : امسكي كويس 😌