قصة : ( مندوب الموت ) ل سهيلة سعيد المنجي

الحلقة ٥ و ٦

قصة : { #مندوب_الموت } ☠️🔥

الحلقة الخامسة { ٥ } 🦂

علا : طب تصبحي ع خير
حور : وانتي بخير ي قمري ، اتعشي هاا
علا : حاضر 😊
( تمشي علا وتقفل الباب وراها ، تكمل حور رسم ، عند سفيان ، يرن فونه ، لسة هيقوم من جنب الهام )
الهام وهي بتمسك ف رقبته : متردش بقااا 🥺
سفيان وهو بيبعد ايدها : استني بس !
( يمسك الفون من ع الترابيزة جنبه يلاقيها چنى ، يستغرب )
سفيان : الو !
جنى : سفيان
سفيان ب استغراب : چنى ، في حاجة ولا ايه ؟!
( تلعب الهام ف شعره يزقها )
جنى ب خوف : اتخانقت مع بلال ونزلت م العربية وهو مشي وسابني ، وانا مش عارفة انا فين عشان اروح وخايفة اوي 😟
سفيان : اهدي طيب وحاولي توصفيلي المكان كدة
( الهام تلعب تاني ف شعره )
سفيان ب عصبية : باااس 😠
جنى ب استغراب : نعم ؟!
سفيان وهو بيقوم : لا مش انتي قولي العنوان ، ايوة ، تمام عرفته ، ربع ساعة واكون عندك ، باي
( يقفل سفيان )
الهام : هو في ايه ؟!
سفيان وهو بيمسك هدومه : لازم امشي
الهام : طب هستناك هنا
سفيان وهو بيلبس : لأ ، ارجعي زي م كنتي
الهام : طب ........
سفيان ب اصرار : سمعتي يلاااا
الهام : طااايب 🙄
( تقوم الهام تلبس وتمشي ويطلع سفيان يركب عربيته ويمشي ، يتصل ع فون بلال ميردش ، يوصل سفيان المكان الي وصفتهوله چنى ، يشوفها واقفة ، يركن عندها ، تركب ويمشوا )
جنى : شوفت تصرفات ابن عمك !
سفيان : هو حصل ايه طيب ؟!
جنى : ليه وليه قلتله تعبانة وعاوزة اروح قام قالب عليا !
سفيان ب استغراب : هو مش قالي هيوصلك يعني كنتوا ماشيين اصلاً !
جنى : ايوة وبعدها قالي نقعد شوية قلتله تعبانة
سفيان : طب ودي فيها ايه !
جنى : قولي انت بقا فيها ايه 🤷🏻‍♀️
سفيان : ممكن كان حابب يقعد معاكي اكتر
جنى : لأ ، بيقول إن لما انت بتمشي انا بتضايق وببقا عاوزة امشي 🙂
سفيان وهو بيبصلها : لا والله !!
جنى : اه والله
سفيان : ودة صح ؟
جنى : بصراحة اة ، القاعدة بتبقا مملة اوي من غيرك 😕
سفيان وهو باصص ل الطريق : امممم 😒
جنى : انت ليه مشيت ؟
سفيان : كان ورايا مشوار
جنى ب فضول : مشوار ايه ؟
سفيان وهو بيبصلها : مبحبش حد يسألني انا بعمل ايه 🙂
جنى : خلاص مش هسألك ، هو انت كان في حد معاك اما كلمتك ؟
سفيان : اه
جنى : واحدة صح ؟
سفيان : اه صح
جنى ب استغراب : انت جريئ اوي ، طب انكر حتى !
سفيان : وانكر ليه ، انتي ولا مراتي ولا امي عشان اكدب او انكر !
جنى : يعني عشان ع الأقل إني بنت ، وإني عرفاك يعني !
سفيان : م انا قلتلك مبحبش حد يسألني ، بس بما إنك مصممة ف اتحملي الأجابة
جنى : اممممم 🙂
( يسكته )
جنى : انت هتوصلني وتروح ؟
سفيان : اه
جنى ب ابتسامة : طب م تيجي اعزمك ع حاجة عندي 💁🏻‍♀️
( يبصلها ، يعدي الوقت ، يوصل سفيان بيته ويدخل الجراچ ، يلاقي بلال نايم ع المرجيحة وبيلعب لعبة رمي الأسهم ع الدايرة الي ع الحيطة )
بلال وهو بيلعب : كنت فين 🎯
سفيان : بوصل خطيبتك بيتها 😒
بلال وهو بيبصله ب استغراب : كل دة ، انا سايبها من ٣ ساعات !!
سفيان : كانت بتشتكيلي منك
بلال : وقالتلك ايه ؟
سفيان وهو بيحط ايده ف جيبه : إنك بتتعصب عليها ، حاول تبقا اهدى من كدة معاها !
( يقوم بلال يقف قصاد سفيان )
بلال : انت عارف انا بحب چنى اد ايه ؟
سفيان : عارف
بلال : متأكد ؟
سفيان : لا مش متأكد ، الي بيحب حد بيحافظ عليه ، وانت مهمل 💁🏻‍♂️
بلال : انا مفيش حد ف الدنيا دي مهتم بيها ادي ، بفسحها وبجيبلها هدايا ، هي عاوزة ايه تاني 🤷🏻‍♂
سفيان : انت مهمل حب ، والأهتمام حاجة والحب حاجة ، وانت مهتم بالحاجات الي هي بتحبها ، وناسي إن من ضمن الحاجات دي واهمهم انت 💁🏻‍♂️
بلال ب حيرة : اعمل ايه 😕
سفيان : اهتم ب علاقتكم ، الكلام الي بيطمن مش الهدايا والفسح !
بلال ب تنهيدة : تصبح ع خير 😒
سفيان : وانت بخير
( يمشي بلال ، يترمي سفيان ع الكنبة ، تعدي الأيام ، ف يوم الصبح ، ف شركة للأزياء ، ف قاعة الأجتماعات ، قاعدين ناس رجالة وستات عمالين يتكلمه ويبصه ف ساعاتهم ، ع جنب واقفين شابين )
وسام ب قلق : هي ايه الي اخرها كدة ؟!