قصة : ( مندوب الموت ) ل سهيلة سعيد المنجي

الحلقة ٩ و ١٠

قصة : { #مندوب_الموت } ☠🔥

الحلقة التاسعة { ٩ } 🦂

حبيبة بتحايل : عشان خاطري بقاااا
حور بتنهيدة : استغفر الله العظيم يارب ، ماشي ي حبيبة
( تفرح حبيبة )
حور : بس دة اول واخر طلب تطلبيه وانفذهولك غصب عني ⁦
حبيبة : والله هتنبسطي بدل القفلة الي انتي فيها دي
حور : ي ستي انا عجباني القفلة دي ، روحي اتخمدي بقا
حبيبة وهي بتقوم : طااايب
( تجري حبيبة ع اوضتها ، تمسك الفون وتتصل ، سفيان راكب متوسيكله وبيجري ورا متوسيكل تاني ، يرن فونه ، يرد م الهيد فون )
سفيان : الو
حبيبة : انا بأكد عليك اهو ، بكرة هنتحرك بعد الفجر اشطااا ؟
( يحود يمين بسرعة )
سفيان : اختك وافقت ؟
حبيبة : اة بس جاية معايا بقا
سفيان : اللوكيشن ؟
حبيبة : هبعتهولك ع الواتساب 
سفيان : ماشي ، هتلاقيني هناك
حبيبة : انت روحت ؟
سفيان وهو بيطلع مسدسه من ورا ضهره : بحاول
حبيبة : طب لما تروح كلمني عشان ابعتلك اللوكيشن
سفيان : ماشي
حبيبة : متنساش
سفيان وهو بيوجه المسدس ناحية دماغ الشخص : مبنساش
حبيبة : باي
( تقفل حبيبة ، يضربه سفيان بالنار ، يقع من ع المتوسيكل ، يكمل سفيان طريقه ، حور قاعدة مع علا )
علا : قلتلك لو بيحبك مش هيبعد
حور : انا عارفة إن مش من حقي اختار وإن وسام بالنسبالي فرصة كبيرة اوي
علا : ليه بتقولي كدة ، من حقك طبعاً دة انتي ست البنات !
حور : انتي بتقولي كدة عشان بتحبيني بس لكن الواقع بتاعي مختلف ، انا بس كان نفسي اعيش قصة حب ، مكانش نفسي عشان حد انا وهو متفقين ونشبه بعض يبقا خلاص نكون سوا ، طب فين الحب ، فرق ايه دة بقا عن جواز الصالونات
علا بفهم : عندك حق مفيش مشاعر !
حور : بالظبط ، وانا معنديش مشكلة افضل مستنية لحد م الاقي حد أأمنله بجد وميخذلنيش
علا : هتلاقيه ب اذن الله
حور بتنهيدة : يارب ي لولو
( تاني يوم ، تدق الساعة اربعة الفجر ، حور واقفة بتحضر شنطتها وبتتكلم ف الفون )
حور : استمتع ايه بس م انت عارفني طلاما ورايا حاجة ببقا مركزة فيها ومبعرفش اركز ف حاجة تانية !
وسام : ي ستي م انتي سكتشك معاكي ، ف وقت فراغك ارسمي براحتك
حور : هشوف بقا
وسام : اخوكي رضا اصلاً ؟
حور : اتصلت بيه قالي اولعوا
وسام : هههههه ، دة مريح دماغه ع الأخر والله
حور بتنهيدة : اة والله ، وانا ليا وجع الدماغ
وسام : معلش يومين ويعدوا
حور : طب بقولك ايه ، م تيجي معايا
وسام : اجي فين والشركة !
حور : باسل هيتصرف ، بالله عليك تعالى معايا ، انا هبقا لوحدي وهي مع صحابها
وسام بحيرة : مش عارف والله ي حور !
حور : هقول ل زينة بالمرة تيجي هي كمان ، واهو نبقا غيرنا جو سوا ، عشان خاطري ي وسام
وسام : طيب ماشي 
حور بفرحة : اشطااا ، وانا هقول ل زينة
وسام : اوك ، باي
حور : باي
( حبيبة ف اوضتها بتتكلم ف الفون )
حبيبة : اة معلش بقا ، مش هينفع تقعد معانا عشان حور هتنفخني طبعاً
سفيان : مفيش مشكلة ، هأجر اي شاليه قريب منكم
حبيبة : ماشي ، انا جهزت شنطتي وهلبس اهو ، اوك ، باي
( تقفل حبيبة وتلبس هدومها وتروح اوضة حور )
حبيبة : خلصتي ؟
حور وهي بتشيل شنطتها : اة ووسام وزينة هيحصلونا ع هناك
حبيبة : هما جايين ؟
حور : اة اهو الاقي حد يسليني م انتي هتبقي مشغولة بصحابك
حبيبة ب ارتياح : ايوة اة ، طيب احنا هنعدي ناخد البنات ، هيستنونا عند عمارة جنة
حور : هما هيركبه معانا ؟
حبيبة : ايوة مينفعش يسوقوا لوحدهم السعادي
حور : طب يلا 
حبيبة : يلا
( ينزلوا بشنطهم يحطوها ف العربية )
حور وهي بتحضن علا : هتوحشيني ي لولتي
علا بحب : وانتي كمان ، خدي بالك من نفسك ومن حبيبة 
حور : م كنتي جيتي معانا بس
علا : انتي عارفة مقدرش اسيب البيت
حور : هيطير يعني !
علا : معلش اتبسطي انتي
حور : ماشي ي رخمة ، باي
علا : باي
( يمشوا ، حور الي سايقة ، بعد شوية )
حبيبة : بس هنا ، اهم واقفين
( تركن حور ويركبه ليلى وجنة صحاب حبيبة )
جنة : صباحوو
ليلى : صباح الخير
حور وحبيبة : صباح النور
( يمشوا ، طول الطريق دوشة وهزار البنات مع حبيبة وغنا بصوت عالي واخر هيصة وحور ع اخرها ، يعدي الوقت والصبح يطلع )
حور بتعب : خمسة هدوء بقا الله يستركم !
جنة : معلش ي حور ازعجناكي !
حور : لا خالص ي حبايبي براحتكم
ليلى : اهو بنسليكي عشان تبقي فايقة للسواقة
حور : الله يخليكي والله
( يعدي الوقت )
حور : لسة بدري ولا ايه ؟
حبيبة : لا القرية الجاية
( وفجأة ، يعدي سفيان بعربيته بسرعة رهيبة تفزعهم )
حور بخضة : ايه الحمار دة ع الصبح !!
حبيبة : احم ، دي عربية سفيان !
حور : سفيان مي ، سفياااان ، قوليلي إنه معدي صدفة مش اكتر
حبيبة بتوتر : لا م انا عزمته
حور ب انفعال : لا انتي اتهبلتي ف مخك صح ! 
حبيبة : مهو من ضمن صحابييي
حور : بس دة شاااب !
حبيبة : وفيها ايه يعني ، مهو وسام جاي متبقيش متخلفة ، وبعدين انا بقولك صحاب مش متصاحبين !
حور : لا مهو دة الي ناقص والنبي صاحبيه !
حبيبة بحب : ياريييييت ، ادعيلي انا ابقا حبيبة المز دة
حور : انتي حمارة ، دة باين عليه ضعف سنك !
حبيبة : وايه يعني ، انا مبحبش الفرافير
حور : انا بتناقش معاكي ليه اصلاً اولعي ، بس لو شفته ف حتة احنا فيها هبهدله وهبهدلك ⁦
حبيبة بقلق : حور بالله عليكي متحرجنيش معاه
حور : يبقا تتلمي وملكيش دعوة بيه لما نوصل
حبيبة بزهق : طيب
( تلاقيه سايق قدامها ومهدي السرعة وفاتح سقف العربية ، تتغاظ حور وتحود شمال تبقا جنبه ، تشاورله حبيبة والبنات ب باي ، يشاورلهم ، تزود حور السرعة ، يبتسم سفيان ويزود هو كمان يختفي من قدامهم )
حور ف سرها : يارب عديها ع خير !
( يوصله القرية ويدخله يركنه قدام شاليه ، ينزلوا ، تبص حور للبحر ، ييجي ف بالها اصوات غريبة صريخ ورجاء وزعيق ف تسرح )
حبيبة : حور ، حوووور !
حور ب انتباه : ايوة ؟
حبيبة ب استغراب : ايه مالك ، سرحانة ف ايه كدة ؟!
حور وهي بتاخد شنطتها : ولا حاجة ، خده حاجاتكم وابقي اقفلي العربية ، انا طالعة انام
حبيبة ب استغراب : ماشي !
( تدخل حور الشاليه )
ليلى : مالها اختك ؟!
حبيبة : فككوا منها ، هي كدة مزاجية
( تركن عربية وسام وينزل هو وزينة )
زينة : صباح الخير
البنات : صباح النور
وسام : اومال فين حور ؟!
حبيبة : طلعت تنام
زينة بقلق : من دلوقتي ، هي تعبانة ولا ايه ؟!
حبيبة : معرفش ، ممكن م السواقة
وسام : هشوفها
( يدخل وسام الشاليه ، يطلع يخبط ع اوضة حور ، حور قاعدة ع السرير )
حور : ادخل
وسام وهو بيدخل : حمدلله ع السلامة
حور : الله يسلمك
وسام : هتنامي دلوقتي ليه ، انتي كنتي مطبقة ؟
حور : لا عاوزة انام بس
وسام وهو بيقعد قصادها : انتي كويسة ؟!