ليلة زفاف

البارت التاني

البارت التاني
رضوى بخوف: يعني ايه
رامي بعصبية : يعني احنا فمصيبة دلوقتي....انتي ركبتي مع مين ؟؟
تطلع رضوى لمراد...ثم تقول : هنتقابل عند  كارتة القاهر ...روح هناك واستناني...متخافش انا هتصرف
ثم تغلق المكالمة
وتعود لمراد...يظل مراد شارد بها
- انا اسمي رضوى....وانت
- لا رد
- انت مش من هنا صح...اكيد هتاخد طريق الصحراوي عشان تروح القاهرة....شوفت انا ذكية ازاي
- لا رد
- اذا كان كده انا وانت طريقنا واحد...ع الاكيد هتعرض عليا انك توصلني ...واحد زوق وجنتل مان زيك مش هيسيب بنت بفستان الفرح فالطريق كده
- لا رد
-(بمرح) هركب معاك عشان مكسفكش...رغم اني مبحبش اركب عربية مع شاب غريب اه ...بس عشان انت مصمم بس
تركت ذاك المغيب بها وفتحت شنطة العربية واخرجت جيتارها و شنطة سفر صغيرة ...عند تلك اللحظة استعاد مراد عقله وقال : ايه ده ايه ده...انتي مين
- قلتلك انا رضوى...حفيدة العدويين ...اللي فرحها النهاردة...مش انت اللي قايل كده بنفسك
-(بعصبية) ومدام فرحك النهاردة...ممكن اعرف الهانم بتعمل ايه بالليل ف عربيتي
- (بسخرية ) هل مثلا كان المفروض اخد تصريح منك بإني استخبي فشنطة عربيتك ؟
- (بغضب)انتي عارفة كويس انا اقصد ايه....انتي ايه اللي هربك من الفرح....ازاي تعملي كده
استغربت رضوى من طريقته ثم قالت : دي حكاية طويلة قوي...اسمحلي بس اغير هدومي وبعدين احكيلك
مراد : تغيري هدومك فين
- انا هركب العربية واغير هدومي وانت تغطي العربية وتفضل مستنيني...مجرد ما اخلص هخبط عليك تشيل الغطا وتركب
- هي عربيتي ولا عربيتك
تركته رضوى ودخلت المقعد الخلفي من العربية وفتحت شنطة السفر واخذت ثيابها
- مش هتغطي العربية
- (بتحدي) لا مش هغطيها ووريني هتغيري هدومك ازاي فعربيتي
- اوك ...as you like
وضعت رضوى يدها ع سوستة فستانها من الخلف وبدأت وفي إنزاله
مراد بصدمة وصوت عالي : انتي بتعملي ايه
- (ببرود) بغير هدومي
زفر مراد بضيق منها واخذ الغطاء وفرده ع العربية
ابتسمت رضوى بإنتصار وانهت تغيير ملابسها
..........بقلم Ana Su
مرام : احم احم...واضح انه شعور متبادل يا ولاء....بنتك كمان مش حابة تتجوز وهروبها اكبر دليل ع ده
ولاء : اخرسي...بتي متعملهاش...اكيد حوصلها حاجة اكيد حد خطفها
معاذ (بسخرية): وهو اللي خطفها ده محبش يخطفها لوحدها فخطف الجيتار بتاعها معاها عشان تتونس بيه
ماهر : طب ايه اللي خلى رضوى كمان تهرب...ع حد علمي هي كانت موافقة ع الفرح
مرام : هي مكانتش موافقة...ثم نظرت لولاء وقالت: في حد هو اللي جبرها توافق
معاذ نظر لولاء بشك وقالها : هو انا مش من قيمة يومين قلتلك تروحي تجسي نبضها وتشوفي هي فعلا موافقة ولا في حاجة مضايقها ف الجوازة
ولاء بتوتر : ايوة ...وانا جولتلك انها موافجه وفرحانه كمان
نظر كلا من مرام وماهر لها بشك.............
خبطت رضوى من الداخل فازال مراد الغطاء فنزلت رضوى من الخلف مرتدية تيشرت ابيض بنصف كم وبنطال جينز ازرق وممسكة بجيتارها ثم ركبت المقعد الامامي ركب مراد العربية وتحرك بها ع الطريق......بعد صمت طويل
- مش هتحكيلي بقى ولا ايه
- (بتلقائية) مفيش يا سيدي...كانوا عاوزين يجوزوني حد مش بحبه بدون موافقتي ....فسيبت المكان ومشيت...بس كده
غضب مراد من عفويتها ولا مبالاتها
- ولما انتي مش موافقة مقولتيش ليه ....كنتي حتى تقولي ليا....اقصد تقولي لعريسك وهو ع الاكيد هيتفهمك
- حاولت اتواصل معاه اكتر من مرة مقدرتش
- كذابة
- نعم
- ايوة...فين اللي حاولتي تتواصلي معاه.
- انت معشتش معايا اصلا عشان تعرف اذا كنت كذابة ولا لأ
Flashback
رضوى : حضرت الاستاذ المبجل مراد ماهر البدوي...تحية طيبة وبعد..اكتب لك لأقر عدم موافقتي ع تلك الزيجة اللعينة ...لكن للاسف لا يسعني قول ذلك لوالدي او والدتي لظروف خاصة ميهمكش انك تعرفها....بناءا ع ذلك ارجو ان اجتمع بك ف اقرب وقت لنصل لحل لذلك الموقف المنيل بستين نيلة اللي احنا اتحطينا فيه ...مع خالص احترامي....زوجتك بالمستقبل اللي ان شاء الله ميتحققش....رضوى
انهت رضوى رسالتها الورقية وقالت...ماما خدت مني الموبايل...مبقاش عندي غير الحل ده...يارب الرسالة توصل....
وضعت رضوى الرسالة تحت فنجان القهوة الخاص بمراد...وبعد ساعات...تجلس رضوى بغرفتها تلعب بجيتارها وتدخل ولاء عليها وبيدها رسالتها
تنظر رضوى لها بصدمة
وتمزق ولاء الرسالة وتلقيها بوجهها
ولاء : اعملي اللي تقدري عليه...وبرضه الجوازة دي هتتم
رضوى بإنفعال : الام بتتمنى السعادة لبنتها ....ليه عاوزة تجبريني ع حاجة مش عاوزاها..عندك استماتة اني اتجوز مراد البدوي بالرغم من كرهك لوالده ووالدته...انا مش مسمار جحا يا ماما...اللي بيه هتقدري تعملي اللي انتي عاوزاه وتبني الخراب بين ماهر ومرام او تحرميهم من ابنهم...انا بني ادمة.....ومتخافيش...هعمل اللي اقدر عليه...وربنا هيكون معايا ...عشان ربنا مش بيرضى بالظلم
تتركها ولاء وتغلق باب غرفتها بالمفتاح
..............
غريبة قوي ....طب ليه والدتك بتكرهنا...اقصد بتكره اهل عريسك بالطريقة دي
- مش هقدر احكيلك
- ليه
- لإن دي اسرار عائلية وانت مش واحد من العيلة
- ولو قلتلك ان انا ابقى من العيلة
- ازاي
- لإن العريس اللي كان المفروض سعادتك تتجوزيه يبقى ا
- ييقى ايه
- يبقى اكتر من اخويا...يبقى صاحبي ...وكنت جاي احضر فرحه...اللي انتي هربتي منه وسيبتيه...(بغضب)ع الاكيد دلوقتي مضايق عشان عروسته هربت منه يوم الفرح
- عارفه اني غلطت...واني مش المفروض اعمل كده....بس صدقني اللي هحكيهولك دلوقتي هيخليك تقتنع ان الجوازه دي عمرها ما كانت هتكمل ولا هتستمر...لو كنا اتجوزنا انا وهو عمرنا ما كنا هنعيش فسعادة
اوقف مراد السيارة بشكل مفاجئ ونظر لرضوى : احكي
انتهى البارت التاني