ليلة زفاف

البارت التالت

البارت التالت
رضوى:من زمان الزمان.....عيلة البدويين والعدويين كانوا اعداء...لحد ما كبير عيلة البدويين عمل الصلح....ومن ساعتها وهما احباب واصحاب...بس جه منصف البدوي...وضحك ع جدتي الكبيرة اللي هي جدة امي وخدعها وغشها عشان ياخد منها اللي هو عايزه...طبعا بعد ما العدويين عرفوا بده كانوا عاوزين ياخدوا راس منصف....وفنفس الوقت كبير البدويين وقتها كان هاين عليه انه ابنه يموت....وبرضه مكنش عاوز يرجع العداوة من تاني.....راح لجدي الكبير وطلب منه السماح...بس جدي الكبير مكنش عاوز غير حق بنته....راح قاله انه لازم يسيب الصعيد كلها ويمشي...بعد طبعا ما يبيع ليه بيته وارضه....وده اقل حاجة لو عاوز يحافظ ع ابنه....والشرط ده واللي هو اهم شرط....انه كل ٣٠ سنة...حد من عيلة البدويين هيتستر ع واحدة من نسل جدتي...لان طبعا اللي حصل لجدتي هيفضل وصمة عار لبنات نسلها.....وفعلا البدويين كلهم سابوا الصعيد وهجوا ع القاهرة....وطبعا كل ٣٠ سنة واحد من البدويين بيتجوز واحدة من نسل جدتي الكبيرة وهكذا
مراد : ايه الفيلم القديم ده
رضوى : شوفت ازاي....تفتكر بالطريقة دي...انا وصاحبك كنا هنبقى مبسوطين مع بعض
مراد : اشمعنا ان...اقصد اشمعنا مراد...ليه مش واحد تاني...البدويين مليانين عرسان
رضوى: اهو كل الفيلم الابيض واسود اللي حكيتهولك ده كوم...وقصة جوازي من مراد بالذات كوم تاني....مراد من ساعة ما اتولد وهو عايش تحت جناح جده حازم الجبالي....ومقولكش بقى ع امبراطورية حازم الجبالي....اي ام هتبقى عاوزه الاحسن لبنتها....وماما شايفة ان مراد فرصة ميتعوضش...ده غير انه كان ف حساب قديم عاوزة تصفيه
مراد : وانا بقى ميلزمنيش من كل اللي حكيتيه...غير الحساب اللي امك عاوزة تصفيه ده
رضوى : مش ملاحظ ان انت عمال تسأل وانا اللي عمالة احكي...وانا لحد دلوقتي معرفش انت مين اصلا
مراد بتوتر : ما قلتلك اني صاحب مراد
رضوى : واسمك ايه ؟
مراد: اممممم
- ايه بتفكر ف اسمك
- لا بفكر هقولهولك ولا لأ
- ليه هو انا سألت عن اسمك ولا سألت عن رقم موبايلك
مراد وهو يقترب منها ويقول بلهجة مغرية : زيرو اتناشر ستة ستة تسعة ستة سبعة تمانية خمسة ستة
رضوى بتوهان : الله ..ولما رقم التليفون حلو كده ...الاسم هيبقى عامل ازاي
مراد : شوفي انتي بقى
رضوى بصوت عالي : ما تخلص وقولي اسمك ايه
مراد بتوتر: مصطفى
-طب اتحرك بالعربية يا عم مصطفى مستني ايه
تحرك مراد بالعربية
....................بقلم/ Ana Su
ولاء : عملتي اللي فدماغك وهربتي يا رضوى.....ربنا يسامحك يا بت بطني...بس انا مش مسمحاكي...مش مسامحاكي يا رضوى
معاذ بصوت عالي : يعني كنتي عارفة ان رضوى مش حابة تتجوز مراد وكنتي عاوزة تجبريها....ليه عملتي كده
ولاء : كنت بتطمن ع بتي ومستجبلها
معاذ : بتطمني ع بنتك ومستقبلها...ولا عاوزة تاخدي حقك من ماهر...وتقوليله انت مرضيتش تتجوزني زمان...اديني هجوز ابنك لبنتي...انتي كده مخدتيش انتقامك يا ولاء...انتي كده عملتي ولاء تانية
ولاء بإنفعال : وتفتكر كان بعد اللي حوصل حد هيجبل يتجوز بتي....وهي اللي فاضله من بنات نسل ستي...ابوي لو مكنش هيجوزها لمراد كان هيجوزها لحد تاني...حد مبيحبهاش برضه...حد كل يوم يندم ع انه اتجوزها واتحمل شيلة غيره....حد كل يوم يجلها انا مكنتش عاوز اتجوزك...كنت مجبور عليكي ...ولو كان بيدي كنت اتجوزت بت حلوة من البندر ولا اتجوزتكيش ....انا مكنتش عاوزه اعمل من بتي ولاء تانية....انا كنت بحاول مخليش بتي ولاء تانية....كفاية اللي انا شفته منك
معاذ : تقصدي ايه
ولاء : انت فاهم كويس انا اجصد ايه....بعد ما ماهر فسخ خطوبته بيا واتجوز بت الجبالي جيت انت وعملت البطل وشيلة شيلة غيرك واتجوزتني...بس الحجيجة انت معملتش اكده عشاني...ولا حتى عشان العيلة...عملت اكده عشان ماهر...وعشان ابوك وامك جبروك علي...لكن لو عليك ...مكنتش عاوزني ولا تفكر تتجوزني حتى...خصوصي بعد الكلام اللي اتجال علي بسبب ابن عمك
معاذ : اللي بتفكري فيه ده غلط ومش صح
- امال ايه الصح...اجولك انا ايه الصح
Flashback  من ٣٠سنة
معاذ يتحدث بالتليفون : ايوا يا ماهر
ماهر : حبيبي عامل ايه
معاذ : انا خطبت ولاء
ماهر : وانا اتجوزت مرام
معاذ : ايه...ازاي...هي مش كانت هتتجوز مازن الوكيل
ماهر : مازن مين...مرام مكنتش هتتجوز حد غيري...دي بس كانت حالة من عدم الاتزان عندها وانا حليتها...وحاليا...انا وهي فشهر العسل
معاذ : ايوا يا عم...انت تتجوز من البندر....وانا اتلطع هنا ف الصعيد
ولم يكن يرى من كانت تسمع حديثه وتبكي
black
كنت بتجول ان بتك لا رمية ولا معيوبة عشان تجوزها لواحد مغصوب عليها...وانا بجي بجولك...اني لا كنت رمية معيوبة عشان تتغصب علي وتشيل شيلة صاحبك.....مكنش ليا نصيب فماهر ورضيت بحكم ربنا ومعترضتش .....بس انت مكنش ليك حج انك تجلل من جيمتي وتعمل اكده فيا
معاذ : ياه...معقولة كل ده كنتي شايلاه فقلبك وساكتة
ولاء : وليه متجولش ان انت اللي محستش بيا....ليه متجولش ان انت اللي مكنتش شايف ....عشان انت عمرك ما شوفتني مرتك
معاذ :انتي ليه بتتكلمي فحاجة قديمة.......احنا دلوقتي عندنا بيت وحياة وبنت
ولاء : ما بني ع باطل فهو باطل....وجوازنا من اول يوم وهو باطل...عشان انت كنت مجبور
معاذ : الكلام ده مش حقيقي...انا
تقاطعه بصوت عالي: إياك تكذب....جولي الحجيجة كنت مجبور ولا لاه
معاذ : طب اسمعيني الاول
ولاء بصوت عالي: جولي كنت مجبور ولا لاه ؟
معاذ بإنفعال وصوت اعلى : ايوا كنت مجبور ارتاحتي
تنظر ولاء له بصدمة و حزن
انتهى البارت التالت