ليلة زفاف

البارت الاول

ليلة زفاف الجزء التاني

البارت الاول

في زفاف صعيدي يملؤه الناس وطلقات النار ترج المكان...يجلس بطلنا بإحدى غرف منزل العدويين شارد
مراد: انا مش عاوز اتجوز...مش بحبها
ماهر : انت كنت شوفتها اصلا عشان تحبها او متحبهاش...مش يمكن تطلع البني ادمة المناسبة ليك
مراد : انت مصدق...الكلام اللي بتقوله...بجد انت مصدق الكلام اللي بتقوله
ماهر : عارف انك مش بتحب حد يجبرك ع حاجة...بس صدقني لو كان القرار بإيدي مكنتش سمحت بده يحصل
- بابا ...هو انا ليه حاسس انك مخبي عني حاجة
- انا اسف...بس حاليا مفيش حل غير انك تتجوزها
يذهب ماهر من الغرفة ويفكر مراد بحل حتى تدخل عليه امه مرام
- امسك
- ده مفتاح عربيتي...بس ازاي عرفتي تاخديه من بابا
- بص كويس يا اهبل...ده مفتاح عربية والدك مش عربيتك ....لازم خلال ساعتين زمن تكون برة الصعيد
- طب وانتو هتعملوا ايه
- متقلقش انا هتصرف
- ماما انتي ملقيتيش غير عربية بابا...دي يوم شغال واسبوع لأ وبتعطل كتير...مش عارف بابا ليه محتفظ بيها ومش عاوز يغيرها
- تقدر تقول ان ليا انا وابوك ذكريات فيها...انت لسه هتحكي يلا بسرعة اهرب
- ههرب ازاي
- دلوقتي هما مشغولين ف الفرح ...هتتسحب وتركب العربية وتتحرك
- ماما...متأكدة هتعرفي تتصرفي
- (بتوتر) ربنا يستر...اهرب انت بس وملكش دعوة
..................بقلم/ Ana Su
كبير العدويين : بتجول ايه يا مخبل انت...كيف مش لاجيين العريس...راح فين امال...ايه يا داكتور...مش المفروض ابنك فرحه ع حفيدتي يتم الليلة ...ايه اللي حصل...حاجة غريبة والله
ماهر بهمس : عملتي اللي فدماغك يا مرام...العدويين هيعملوا مننا شاورما دلوقتي
مرام بهمس وغضب : انت اللي غلطت...وانا مش هسمح لابني انه يتحمل نتيجة اغلاطك...مش هسمح لابني يتجوز غصب عنه....ينظران لبعضهم بغضب
كبير العدويين : ما تتكلم يا داكتور
ماهر : يا حاج انا
تقاطعه ولاء والدة العروس بغضب : مش غريبة ولا حاجة يا ابوي...ابوه عملها جبل سابق ..البدويين ملهمش كلمة واصل
ماهر : معاذ...انا مقدر زوجتك والموقف اللي هي فيه لكن ده مش معناه انها تهين عيلتي
معاذ : ولاء...لاحظي انك بتهيني عيلتي انا كمان
ولاء بغضب : واللي اتهملت يوم فرحها دي...مش بتك برضه...مش بنت البدويين...ما تتكلم يا معاذ...ولا هتتكلم ليه ...ما انت طول عمرك بتحابيلهم...حتى لو ع حسابي انا وبتك
تتركهم ولاء وتتجه لاعلى
معاذ : بص يا ماهر...انت اخويا قبل ما تكون ابن عمي...لكن اللي عمله ابنك ده مش تصرف سليم...لو كان مش موافق ع جوازه من بنتي كان يقولي وانا كنت هتصرف...بنتي مش رمية ولا معيوبة عشان اجوزها لحد مش عاوزها...لكن يسيبها يوم فرحها...ده عمره ما كان تصرف رجالة
ماهر : انا عارف ان موقفي زي الزفت دلوقتي...بس صدقني انا..
تقاطع حديثهم ولاء بصوت عالي: إلحجني يا معاذ
معاذ : في ايه ؟؟؟
...........بقلم : Ana Su
.............
في الطريق الصحراوي يقود مراد سيارة والده
- (فنفسه)اوف...الحمد لله....قال اتجوز قال ...ايوة بس العروسة ذنبها ايه...اكيد هتتضايق...ياعم فكك...ع اساس انها دايبة فغرامك...كده احسن ليها....تتجوز بني ادم يحبها وتحبه ...احسن ما تعيش انت وهي فتعاسة
يقاطع افكاره صوت بشنطة العربية....صوت تخبيط ..يذهب مراد بترقب ليرى ما بداخل شنطة العربية وحين يفتحها...
تنزل منها فتاة في العشرينات بفستان زفاف يلائم طولها ...مغلق عن الصدر وبدون اكمام وواسع ف الاسفل ...شعرها مفرود متوسط الطول بني مائل للاسود
يتفاجأ مراد بها ويسألها : انتي مين ؟
- رضوى
- رضوى مين
- هو ايه اللي رضوى مين
- استني.... رضوي العروسة...حفيدة العدويين اللي فرحها الليلة زفرت رضوى بضيق منه ثم قالت : اديني رامي
- هي مش كانت اديني رمضان
- انت بتستزرف ...لو سمحت بدون كلام كتير كلم رامي
- رامي مين
- اللي بيشغلك
- لا احترمي نفسك انا مبشتغلش عند حد
- رامي يابني...اللي باعتك تاخدني وتهربني من الفرح...بقولك ايه...هات موبايلك
اعطى مراد هاتفها له
- (بغضب)انتي فين يا رضوى
- ايوة يا رامي انا ركبت العربية
- عربية ايه يا رضوى اللي ركبتيها ...السواق لسه لحد دلوقتي مستنيكي وبيقول انك لسه موصلتيش
- ازاي ...مستحيل...انت مش قولتلي عربية رينو لونها اسود
- وهو اي عربية رينو لونها اسود تركبيها يا رضوى

انتهى البارت الاول