ليلة زفاف

البارت السابع والاخير من الجزء التاني

البارت السابع والاخير

رضوى : بس اللي متعرفوش اني بحبك من وانا عندي ٥ سنين
مراد : ايه...مستحيل
رضوى : لا مش مستحيل...انا اعرفك من لما كان عندك ١٢ سنة
مراد : ازاي
رضوى : وقتها جيت انت ومامتك وباباك مرة تزوروا بابا...ساعتها انا عرفتك وحبيتك ...بعد ما مشيتوا ..ماما ع طول قالتلي ان مراد ليكي...وان انتي هتتجوزي مراد....كانت ع طول بتحكيلي عنك....كنت ع طول بتابع اخبارك منها...وانا من كلامها حبيتك..بالرغم من اني كنت عارفة انك مش بتحبني...وانك مسيرك تلاقي بني ادمة تحبها وتحبك...لما جدي قال اني هتجوزك...الفرحة مكنتش سايعاني...بس لما عرفت انك مغصوب اتضايقت......كنت ناوية اقف فوش جدي واقوله اني مش موافقة واللي يحصل يحصل....بس حسيت انو لو في فرصة ولو واحد ف المية انك تحبني زي ما بحبك فانا لازم اخاطر واتمسك بالفرصة دي
مراد بعتاب وغضب : يعني كنتي عارفة من الاول ان انا مراد مش مصطفى..وكنتي قاصدة انك تركبي فشنطة عربيتي ...لا لعبة حلوة قوي الصراحة...بجد احييكي
رضوى : بس متنكرش انك حبيتني...زي ما انا كمان حبيتك
مراد بإنفعال: انتي بني ادمة كذابة...فاهمة يعني ايه كذابة....كل اللي حصل ..وكل الليلة اللي فاتت ....كل ده كان كذبة...حتى رامي كمان كان كذبة مش كده
رضوى : اهو لولا رامي ده بقى مكنتش عملت كل ده....هو اللي اداني امل فيك...هو اللي قالي انه الحب مفيهوش استسلام...وان اللي بيحب لازم يحاول لأخر نفس ....وهو اللي ساعدني عشان اهرب من الفرح واركب عربيتك...رامي يبقى...
مراد : سكتي ليه ...كملي...رامي يبقى مين
ماهر : يبقى انا
ينصدم كل الموجودين
مرام : انت..مش معقول
ماهر : مهما عملتي يا مرام...لازم تفضلي حاطة فدماغك ان ماهر البدوي ع طول هيبقى سابقك بخطوة
Flashback
رضوى : انا مش عاوز اتجوز مراد يا عمو ماهر
ماهر : ليه يا رضوى
رضوى : عشان انا مش لعبة...تجوزوني للي عاوزينو من غير ما يكون ليا رأي
ماهر : وانتي بقى رأيك ايه يا رضوى
رضوى بإنفعال : هو انا بقى ليا ف البيت ده رأي.....جدو عاوز يجوزني مراد عشان يستر عليا بعد اللي حصل لستي...وامي كمان شايفة انه مفيش حد هيقبل يتجوزني خصوصا بعد ما انت فسخت خطوبتك معاها وخليت الناس تحكي عنها بالباطل...وبابا ميقدرش يعارض جدو....وانت حاسس بالذنب ناحية ماما وناحيتي عشان كده عاوز تجوزني ابنك....تفتكر بعد كل ده هيبقى ليا انا رأي...فين رأي انا بقى وسطيكم
ماهر بسخرية : بسم الله ما شاء الله يا رضوى....قلتي رأي جدك ورأي والدك ورأي ووالدتك ورأي انا كمان...وبتسألي رأي انا فين وسطيكم...فحين ان انا سؤالي كان واضح وهو انتي رأيك ايه يا رضوى
تسكت رضوى 
ماهر : طب انتي معترضة ع الجواز كفكرة...ولا معترضة ع ابني مراد بس
رضوى : اللي اعرفه ان انا مش هقدر اتجوز ابنك يا عمو ماهر...انا اسفة
ماهر : امممممم...بس خلفية موبايلك بتقول غير كده يا رضوى
رضوى بتوهان : هاه
امسك ماهر هاتف رضوى من يدها وفتحه ليجد صورة لابنه مراد
ماهر : حلو ابني مش كده
رضوى بزعل : بس جحش
ماهر بصدمة : جحش...ليه كده
رضوى : بقى انا جاهلة وفلاحة يا عمو
ماهر بخبث: اه...انتي بتحبي تلمعي اوكر بقى
رضوى بإنفعال : مش انا ع فكرة ده مروان...بس ده مش موضوعنا ....قولي يا عمو انا جاهلة وفلاحة ؟
ماهر : لا طبعا ابني انا اللي جحش
رضوى : ايوا جحش
ماهر : واللي يجوزك الجحش ده
تسكت رضوى
ماهر : سكتي يعني
رضوى : انا متجوزش حد مغصوب عليا يا عمو...ابنك مش عاوزني يتفلق انا ألف مين يتمناني اساسا
ماهر : لا بصي بقى....الوش الخشب بتاع ولاء ده تركنيه ع جنب ...وبعدين فين الالف دول إلا ما شوفت منهم واحد
رضوى : مانا كنت بصدهم...كنت بصدهم عشان قلبي غبي وحب المحروس ابنك...وياريته تمر ف الاخر
ماهر : قصره...هتقولي لجدك انك موافقة
رضوى : يا عمو قلتلك اني
يقاطعها ماهر : مش هتجوزيه غصب...ليلة الفرح هيكون ليها ترتيبات تانية
رضوى بفضول : الله...وانا مش بحب إلا الترتيبات التانية دي
ماهر : اشمعنا
رضوى بخبث : هنعملهم ع بعض يا عمو....ده البلد لحد دلوقتي ملهاش سيرة غيرك...وازاي خطفت بنت حازم الجبالي من فرحها ع مازن الوكيل...وازاي خليتها ع اخر لحظة تغير رأيها وتتجوزك.....بص يا دكترة.....انا من ايدك دي لإيدك دي...بس ف الاخر مراد يحبني من قلبه وهو من نفسه اللي يختارني
ماهر : ربنا يستر
.....................
في ليلة الزفاف
رضوى : عمو...متأكد ان مراد هيهرب من الفرح
ماهر : متخافيش ...انا سيبت مفتاح العربية.... مرام هتاخده وتديه لمراد
رضوى : انا مش بحب اكذب يا عمو...ولما توصل بيه لدرجة انه يهرب ويسيبني يوم فرحي ده ملهوش غير معنى واحد....انه عمره ما هيحبني ولا يعتبرني زوجة ليه
ماهر : امال مين اللي قالت انا من ايدك دي لايدك دي...ومراد يحبني من قلبه...ماهو الاستسلام اللي انتي فيه ده هو اللي هيخليه ميحبكيش بجد...طب ما انا هو قدامك...ومرام كانت واخدة قرارها بجوازها من مازن...ومرام مرات عمك دي من النوع اللي لما بياخد قرار عمره ما بيرجع فيه...ومع ذلك ايه اللي حصل...اختارتني....لإني مستسلمتش زيك كده...وانا بكلمك ليه اصلا....انتي شكلك محبتيش ابني من اساسه...لو كنتي بتحبيه كنتي مسكتي ف الفرصة بإيديكي واسنانك...بس انتي مبتحبيهوش
رضوى : لاحظ انك بتشك فحبي يا عمو
ماهر : لا انا مش شاكك ...انا متأكد...وانزلي يلا من شنطة العربية ملكيش مكان فيها
رضوى بتحدي : لا مش هنزل يا عمي...وان مخلتش ابنك خلال ليلة واحدة يحبني ويعشقني وميشوفش واحدة ف الدنيا تصلح تكون زوجته غيري مبقاش رضوى هاه
ماهر : اما نشوف يا ست رضوى
..................
رضوى : ايوة يا رامي انا ركبت العربية
يقف ماهر فزاوية غير مرئية ويضع قماشة ع الهاتف ويغير صوته ويقول : عربية ايه يا رضوى اللي ركبتيها....السواق لحد دلوقتي مستنيكي وبيقول انك لسه موصلتيش
.................
رضوى : انت بتقول ايه يا رامي
ماهر : انا اسف...بس اللي تهرب من اهلها عشان واحد متلزمنيش
......................
Back
ماهر : وهو ده اللي حصل
مراد بغضب: يعني انت طلعت بتستغفلني معاها يا بابا
مرام بصدمة: وبيستغفلني انا كمان
ولاء بصوت عالي : سايبني دماغي تودي وتجيب وأسأل حالي بتي راحت فين وتطلع مرتبها معاها
يسكت معاذ....فينظر له الجميع
معاذ : احم...الصراحة انا كنت ناوي ابلغ البوليس بعد ما بنتي اختفت....عشان كده ماهر كان لازم يقولي
يصفق مراد قائلا : لأ برافو...حقيقي برافو...طب انا بقى مش عاوز اتجوز هاه
رضوى : انت بتقول ايه مراد
مراد : زي ما سمعتي...مش انا اللي تضحكي عليا وتستغفليني يا رضوى
كبير العدويين بغضب : هجولك ايه...مرة انتي مش موافجة...ومرة انت مش موافج...يخرج سلاحه من جيبه ويضرب طلقتين ف الهواء ويقول : انا بجي هجوزكم غصبن عن عينكم...واللي هيفتح خشمه هطخه بالمسدس ده
مراد يقترب من الجد ويقول : استهدي بالله يا جدي وكل حاجة هتتحل
كبير العدويين : وانا جلت هتتجوزوا يعني هتتجوزوا
يرفع مراد يدا كبير العدويين لأعلى فحركة فجائية ويضرب طلقتين ف الهواء...ثم يأخذ المسدس منه ويرفعه فوجهه ويقول : مش مراد البدوي اللي يتهدد يا كبير العدويين
يتفاجأ مراد برجال كبير العدويين يصوبون بندقياتهم ناحيته
كبير العدويين : ومش كبير العدويين اللي يترفع فوشه المسدس يا ابن البدويين
يخطف مراد رضوى ويديرها ليصطدم ظهرها بصدره ويرفع مسدسه ع جبهتها قائلا : لو مسبتنيش امشي من هنا هموتها
معاذ بغضب : انت اتجننت يا مراد...بترفع مسدسك ع بنتي
مراد بعصبية : اه انا اتجننت...وانتو اللي جننتوني
رضوى : سلامتك من الجنان يحبيبي ان شا الله انا
مراد : انتي ليلة اهلك سودة بس اما نخرج من هنا....انتو مش سامعين انا قلت ايه...نزلوا سلاحكم وإلا هموتها
ينزلوا سلاحهم...ليتراجع مراد للخلف ويلحقونه حتى يمنعوه
مراد : خطوة واحدة وهفرغ رصاص المسدس ده فدماغها
رضوى بتزمر طفولي : واهون عليكي يا دودي
مراد : نعم ياختي
يضحك ماهر : يخرب عقلك يا رضوى
مرام : ده انا امك ولا عمري فكرت اناديلك يا دودي...روح يا دودها...خلاص انا استعوضت ربنا ف ابنى...بقى فزمة رضوى دلوقتي
مراد بغضب : شوفتي خليتي شكلي بقى عرة ازاي...انجري قدامي...انجري
رضوى : استنى انا نسيت حاجة مهمة
مراد : ايه هي
معاذ : خليكي عندك انا جيبهالك...... ليلقي لها بجيتارها
تمسكه رضوى : بابي حبيبي
مراد : امشي بقى طلعتي عين اللي جابوني
يركب مراد ورضوى العربية ويتحرك بها مسرعا
يظل مراد صامتا ينظر بغضب لرضوى...تأخذ رضوى جيتارها وتغني : هقولك كلمة صدقني ...مفيش قبليك ولا بعديك...ولا الدنيا دي تلزمني ..ولا تتعاش فيوم غير ليك...ولو يخلص فيوم عمري..ميغلاش عمري كله علييك...بحبك لو هقولهالك بقية ايامي ميكفيش...سنين بحلم تكون جنبي...قصاد عيني ومتسبنيش..ولو ينفع اعيش عمرين..فحضنك عمر ما يقضيش..فحضنك عمر ما يقضييش...لقيت فيك اللي بحلم بيه...وطول الوقت مستنيه...انا شايفاك معايا خلاص...حبيبي...يبقى ناقص ايه
يقاطع غناء رضوى توقف العربية فجأة
رضوى : العربية وقفت كده ليه
مراد : مش عارف
يحاول تحريكها مرة اخرى لكن لا تتحرك
مراد : وده وقتك يعني...ده وقتك...خلينا بقى قاعدين
يظلا صامتين...تنظر رضوى له بوجوم وهو لا ينظر لها
رضوى : مراد بصلي
ينظر لها مراد : عاوزة ايه
تبتسم رضوى له
يظل ينظر لها ثم يقول : العربية دي بتعطل فاوقات غريبة
ثم يبتسم بخبث ويقول : كان زمانا دلوقتي فشهر العسل
رضوى : انا كان ممكن اخليك تتجوزني غصب واحطك ف الامر الواقع...بس انا عشان عارفة انك مبتحبش حد يغصبك ع حاجة عملت كده
مراد : خلاص بقى خلصنا
يظلا صامتين
ثم يقول : طب ايه
- ايه
يقترب بخبث ويقول : انتي اللي ايه
رضوى : لا ماهو مش ف العربية احترم نفسك....مراد...اعقل يابن المجانين...مراد اهدى ع نفسك مراااااد...مراد شيل ايدك ...مراد
مراد : انت لسه شوفتي جنان...حق الليلة اللي ضاعت بسببك هاخده دلوقتي
رضوى : مرا
يقاطعها مراد بقبلته لها
تمت