ليلة زفاف

البارت الرابع

البارت الرابع
يسوق مراد السيارة بملل فحين تلعب رضوى بجيتارها بعشوائية
رضوى: تحب تسمع حاجة
مراد بملل: لأ
رضوى : طب مين هو مغنيك المفضل
مراد : فرانك سيناتورا
قال ذلك نوع من التحدي لرضوى....لتعدل من وضع جيتارها وتغني بصوت عذب : you're just too good to be true... can't take my eyes out of you..
... you'd be like heaven to touch... I wanna hold you so much... At long last love has arrived... and thanks god I'm alive...you're just too good to be true... can't take my eyes out of...pardon the way that I stare... there is no thing else to compare.. the sight of you lives me weak... there are no words left to speak..and if you feel like I feel... Please let me know that its real... you're just too good to be true... can't take my eyes out of you
ينظر مراد لها بشرود لتكمل هي : سرحت بعيونك لفين..ايوا انت جنبي وهعيشلك سنين وحياتي قرب عليا يا عمري وعنيا...نعيش الحياة لو يومين...ولازم نعيش يلا قرب كمان.. تعالى حبيبي لابعد مكان...ننسى اللي ضاع من ايدينا ..نعيش بس لينا...خلاص اللي جوانا باااان
يظل مراد تائه بملامحها
رضوى : هنعمل حادثة ع فكرة
يعود مراد بنظره للطريق قائلا : احم ...انتي خريجة ايه يا رضوى
- فنون تطبيقية...وانت بتشتغل فين يا مصطفى
- الجبالي جروب
- مع مراد وجده
- ايوا
- فاضل كتير ع كارتة القاهرة
- يعني...وبعدين انتي ايه اللي يوديكي الكارتة ...ما تيجي معايا واوديكي المكان اللي تعوزيه ف القاهرة
- مفيش داعي مش عاوزة اتعبك...رامي هيكون مستنيني
- (بفضول) اه صحيح ..مين رامي ده
- love of my life
يوقف مراد السيارة فجأة ويقول بغضي : نعم ياختي
- ايه يا مصطفى ف ايه
- طب ومراد ايه نظامه
- ماله مراد...مصطفى ...انا ومراد مكنش هينفع نتجوز او نعيش مع بعض انت نسيت
- اه...تقومي سعادتك واخداها حجة وتدوري ع حل شعرك
- انت بتتكلم معايا كده ليه...بتكلمني كإني خدعت صاحبك او اوهمته اني بحبه وهتجوزه...انا مجبورة ع الجوازة دي...وع حد علمي هو كمان مجبور
- عرفتي منين انه مجبور ؟
- مروان ابن عمي الصغير سمعه بيتكلم مع عمو ماهر باباه...تصور فاكرني واحدة فلاحة وجاهلة...واني مش هكون واجهة مشرفة ليه....طبعا ماهو مراد بيه البدوي...انا اللي ميشرفنيش اني اتجوز حد مغرور ونارجسي ومتسلط زيه
- اولا هو مكانش يقصد ومكنش يعرفك او مكنش شافك قبل كده عشان يحكم...ثانيا هو مش مغرور ومش نارجسي..ومش...ايه التالتة
- متسلط
- اه ..هو مش كده
- احنا مش مقومين محكمة ندافع بيها عن مراد بيه اذا كان جاني ولا ضحية....احنا بنتكلم ع مبدأ...هو كمان مجبور ع جوازه مني زيي بالضبط....وطبعا اللي عملته هيخليه يشكرني طول عمره...كون اني حملت عنه مسؤلية الرفض وهربت يوم الفرح
ينظر مراد لها بغضب وعيناه تشع شرارا
رضوى : مالك يا مصطفى
- تصدقي انتي معاكي حق....فعلا صاحبي عمره ما كان هيبقر مبسوط مع حد زيك
تحاول رضوى النزول من السيارة لكن يده تمنعها
مراد : رايحة فين
رضوى : واضح انك مش حابب تكمل الطريق معايا...هشوف حد رايح الكارتة ياخدني فطريقه
- مش انا اللي اسيب واحدة لوحدها فعز الصحرا....مجرد ما نوصل ع الكارتة تقدري تروحي لسي زفت بتاعك ده
- لو سمحت متشتموش...مش بحب حد يشتمه
يحاول مراد تحريك السيارة بغضب لكن يجدها لا تتحرك
مراد : لأ وحياة امك ما تعمليها معايا دلوقتي
- اعمل معاك ايه ؟
- مش انتي مش انتي...خليكي ف الجيتار بتاعك لحد ما اشوف فيها ايه العربية
يفتح مراد غطاء المحرك ليتفاجأ بكم من الدخان والشحم بوجهه...يسعل قائلا : مكنش يومك يا مراد
.........بقلم / Ana Su
يجلس معاذ وحيد وشارد بجنينة بيت العدويين....يدخل عليه ماهر قائلا : هي مكنتش منتظرة منك كده
معاذ : امال كانت مستنية ايه
ماهر : كانت مستنية تقولها انك مش مجبور عليها .  تقولها انها فاهماك غلط....مستنية منك تطمنها...مستنية منك تقولها انو لو رجع بيك الزمن برضه مكنتش هتلاقي حد احسن منها تكون شريكة حياتك
معاذ : انت سمعتنا
ماهر : انتو اللي صوتكم كان عالي
معاذ : يعني مكنتش بتلمع اوكرة اوضتنا
ماهر : تؤتؤ...صوتكم اللي كان عالي
.......في غؤفة معاذ وولاء تدق مرام باب الغرفة قائلة : ممكن اتكلم معاكي شوية
ولاء بحزن : اتفضلي
مرام : ليه عاوزة تجوزي بنتك لابني
ولاء : عشان اللي عمله جوزك فيا
مرام : ماهر وانا حبينا بعض
ولاء بإنفعال : وانا محاسبتوش...محدش له سلطان ع جلبه...بس اللي عمله مجابليش غير المشاكل ووجع الجلب...تعرفي انه بعد اللي حوصل الناس مبطلتش كلام عليا...جالو انه سمع عني عفش عشان اكده سابني...جالو انه عمل معاي...كيف م منصف اخو جده عمل مع ستي
مرام : طب ليه محكتيش لماهر كل ده...اكيد مكنش هيسمح ان ده يحصلك
ولاء : فالوجت ده كنتو اتجوزتوا...وانا مش جليلة الكرامة عشان اترمى ع واحد متجوز احكيله ع مشاكلي...ده غير ان معاذ اتجدملي...كنت فاكرة انه عمل اكده من حاله وانه حاببني...كنت مفكره انه ربنا بعته ليا يكون راجلي...لحد ما عرفت انه انجبر علي
............
معاذ : اعترف اني ف الاول كنت مجبور ...بس بعد كده...مش عارف...حبيت بساطتها...واحترامها لنفسها....ومبادئها...وادبها...بالرغم من انها من الصعيد....وانا طول عمري كنت عايش فالقاهرة...بس شخصيتها القوية وعزة نفسها رغم صغر سنها فالوقت ده شدوني...غيروا فكرتي تماما عن بنات الصعيد
ماهر بخبث : وحلوة
معاذ يمسك بتيابه : ما تحترم نفسك...انت بتتكلم عن مراتي
ماهر : انا جيت ناحية مراتك...انا كنت بقول ان الجنينة بتاعة البيت حلوة
...........
ولاء : طول عمره هايش فمصر...مفكر ان الحلاوة والجلع كله فمصر والصعيد مفيهاش بنات إياك
مرام : لا فيها ...وبنات جدعان ويحلو من ع حبل المشنقة كمان
ولاء : جوليله ياختي
مرام : طب محاولتيش تجوليله انتي ليه ..ليه محاولتيش تقربي منه
ولاء : انا اجوله ...لا طبعا...انا الست...هو اللي المفروض يجولي ...هو اللي المفروض يجرب مني...مش انا..بس معملش اكده...عشان مكنش عاوز يجرب مني اصلا
......... ...
معاذ : الفكرة مش فكرة اني محاولتش اقرب منها...هي اللي كانت ع طول واخدة جنب مني...ع طول حاطة الماضي واللي حصل فدماغها ...لدرجة اني ابتديت اشك انها ممكن تكون لسه ميالة ليك ومجروحة عشان سييتها
.............
ولاء :طب احلف بإيه اني نسيت ماهر ولا عدتش افكر فيه....لو في حد كاسر نفسي فهو معاذ....هو اللي بعيد عني...هو اللي محسسني اني مهما عملت مش هكون مرته فيوم من الايام او يحبني
مرام : حلو قوي ...روحي وكل الكلام اللي قولتيهولي ده قوليهوله
ولاء : فوشه
مرام : امال فضهره
ولاء : ابوي كان يجتلني فيها
................
ماهر : طب ما تقولها كل الكلام ده...قولها عن احساسك الحقيقي ناحيتها...قولها عن مخاوفك وشكوكك ...واسمع الجواب منها هي...بدل ما تفضل طول السنين دي تسأل نفسك اذا كانت فيوم من الايام حبتك واعتبرتك جوزها ولا لأ
معاذ : اروح واقولها
ماهر : لا متروحش ...انا اللي هروح
معاذ : استنى...اديني رايح اهه....لو سمحت متدخلش بيني وما بين مراتي
ماهر : اما نشوف يا عم الحمش
............
مرام : ابوكي مين دلوقتي...اسمعي يا ولاء...مينفعش تسمحي لحد يتدخل بينك وما بين جوزك...علاقتك انتي وهو  انتو الاتنين بس اللي من حقكم تحكموا فيها مش اي حد
ولاء : يعني اروح اجول
مرام بضيق : لا غوري...روحي يا ولاء ربنا يهديكي
تجري ولاء وتنزل السلم لتتفاجأ بمعاذ صاعدا وفنفس اللحظة يتقابلوا...يصمتوا قليلا ثم  في صوت واحد
- كنت عاوز اقولك / كنت عاوزة اجولك
ثم يصمتوا
- انتي / انت...ثم يصمتوا
ولاء : انا ...يقاطعها معاذ : لا اسكتي...اسكتي وسيبيني انا اللي اتكلم لو سمحتى
تصمت ولاء ف انتظار ما يقوله...يتنفس معاذ الصعداء ثم
انتهى البارت الرابع